Коррупциягә каршы көрәш кысаларында уздырылучы Республикакүләм "Надо жить честно" конурсына безнең мәктәптән дә өч эш тәкъдим ителәчәк. 1 һәм 4 сыйныфтан аппликация, ә 3 сыйнфтан рәсем номинациясендә укучыларыбыз көч сынашып карый. Уңышлар сезгә, укучылар!

5 сентябрь көнне тәрбия сәгатьләрендә сыйныф җитәкчеләре укучылар белән Казанда уздырылачак Бөтендөнья футбол чемпионаты турында сөйләштеләр. Укучылар чемпионатның килеп чыгу тарихы, катнашучы командалар һәм уздырылачак чемпионатның Казанда булуы турында әңгәмә алып бардылар. Башлангыч сыйныфларда тәрбия сәгатьләре уен-викториналар белән үрелеп барды, 2 сыйныф укучылары "Мин талисман сайлыйм" темасына сөйләшеп үзләре үк талисман сайлап, аны рәсем итеп тә ясадылар. Өлкәнрәк сыйныфларда сыйныф җитәкчеләренә спорт секторлары булышты: алар команда уенчылары турында информация туплап килделәр. Ә иң мөһиме, һәрбер укучының күңелендә Татарстаныбыз мәркәзе булган Казан калабыз өчен горурлану хисе уянды.

Мәктәптә бердәм ОБЖ дәресе ике өлешкә бүленеп үткәрелде. Берсе аның укучыларның теоретик белемнәрен тикшерсә, икенчесе шул теоретик белемнәрне практикада куллана беләме укучы, шул тикшерелде. Сыйныф җитәкчеләре укучылар белән МЧСның эшчәнлеге, килеп чыгышы турында сөйләштеләр, пожар куркынычсызлыгын төрле сораулар һәм ситуацияләр чишеп искә төшерделәр. Практика өлешендә эвакуация уздырылды.

Хөрмәтле өлкәннәребезне котларга 4 сыйныф укучылары сыйныф җитәкчесе Ландыш Фарисовна белән бергә Олы Мәңгәр мәдәният йортына менделәр. 

"Мәдәни көндәлек"ләр белән 2-4 сыйныф укучыларыбыз инде таныш иде. Бу елны мондый танышу 1 сыйныфлар тарафыннан булса, кабат көндәлекле булуларына калган башлангыч укучыларыбыз да бик шат иде.

Ял көне булуга карамастан КСЦ "Ашыт" яны гөр килеп тора. Сәбәбе гади - бүген "Кросс наций-2016". Бу кросста безнең мәктәп директоры Ленар Талгатович, башлангыч сыйныф укытучысы  Ландыш Фарисовна һәм тәрбия эшләре буенча директор урынбасары Сылу Рөстәмовна да катнашты. Урыннар булмаса да кәефләр күтәренке, битләр кызыл, йөздә елмаю иде.

Бүген Казанда Ярминкә гөрләде. Әтнә районы мәктәпләре дә бу чарада катнашып үзләренең җыелган уңышларын шәһәр халкына тәкъдим итте. Безнең мәктәп бу ярминкәдә 200 кг бәрәнге, 60 кг суган, 100 кг чөгендер, 50 кг кишер һәм 20 шт ташкабак сатты. Ярминкәләр мөбәрәк булсын, көз мул килсен! 

Әтнә районы укучылар йортының сәнгать түгәрәге җитәкчесе Илфар Сафиуллин башлангыч укучыларын "Эбру" техникасы белән таныштырды. Эбру - "суга рәсем эшләү", "Төрекчә мраморлау" һәм "кәгазьне бизәү" дигәнне аңлата. Бу техниканың килеп чыгу тарихы сер белән әйләндереп алынган. Тарихи чыганакларга карганда, Эбру техникасы белән ясалган беренче рәсем 11 гасырда ук ясалган. Хәзерге вакытта да төрле рәссамнар, дизайнерлар бу техниканы үзләштереп киң куллана башлаганнар. 

Кеше - табигатьнең бер өлеше икәнен һәрберебез дә ачык аңлый. Нәкъ менә табигать безнең яшәеш өчен төп чыганак һәм фактор булып тора. Шуңа да, безнең төп бурычыбыз - табигатьне саклау, үзебездә экологик культура тәрбияләү. 24 сентябрь көнне узучы Россиякүләм "Берәм субботник" акциясеннән безнең дә мәктәп читтә калмады. Мәктәбебез яннарын чистартылды, бакчада уңыш җыя башланды. Уңыш җыю дәвам итәчәк. Башлангыч сыйныф укучылары да читтә калмады: алар саф-хавада төрле уеннар уйнадылар. 

"Праздник трезвости" акциясен тәмамлап бүген мәктәптә "Сәламәт йөгереш"  уздырылды. Бу йөгерешнең кураторлары булып мәктәпнең "Самостоятельные дети" проектында катнашучы укучылар булды.