Тарих атналыгы кысаларында тарих һәм җәмгыять белеме укытучысы Валиева Х.Х.  6 нчы сыйныфта  «Русь Ярослав Мудрый  варислары  заманында. Владимир Мономах» темасы буенча ачык дәрес күрсәтте.

Укучыларда  халкыбызның милли тарихи үткәненә, мәдәниятенә, музейларга карата кызыксыну һәм хөрмәт хисе тәрбияләү максатыннан, башлангыч сыйныф укучылары  мәктәбебезнең туган якны өйрәнү  музеенда сәяхәттә булды. Анда әби – бабайларыбызның кул эшләнмәләре, тормыш-көнкүрештә кулланган әйберләре белән таныштылар. «Музей – нәрсә ул?» дигән сорауга балалар үзләренең фикерләрен белдерде.

Бүген 9 нчы класс укучыларына рус теленнән сынап карау имтиханы үткәрелде.

Мәктәбебез укучылары кышкы спорт төре буенча ГТО нормаларын тапшырдылар.

Бүген мәктәбебездә  ата-аналар җыелышы булып үтте. Көн тәртибендә чирек нәтиҗәләре һәм  чыгарылыш класс укучыларының алда торган имтиханнарына әзерлекләре; балаларның иминлеге, интернет куркынычсызлыгы, туклану  мәсьәләләре каралды. Әти-әниләргә укучыларның юлда йөрү кагыйдәләре, аларның иминлеге, яктылык кайтарткычларны даими күзәтү астында тотарга кирәклеге искәртелде. 

Арча районы укучылары арасында "Иң яхшы шахматчы -2022" исеменә үткәрелгән шахмат ярышында укучыларыбыз Мостафин Дилюс, Валиев Айназ, Галимҗанов Рәзил төп мәктәпләр арасында II урынга лаек булдылар (Тренеры - физика укытучысы Г.Г. Хидиятуллина). Котлыйбыз, киләчәктә дә уңышлар телибез!!!

Имтиханнарга әзерлек каникул көннәрендә дә дәвам итә. Чираттагысы математика фәненнән иде.

Яңа  ел  белән   күңеллергә яңа өметләр, ышанычлар килә.

Ышанычыгыз, йөрәгегезнең серле бер почмагында сакланган өметегез тормышка ашсын, бәхетегез мөлдерәмә тулып торсын. Гомерегез шатлыклы, куанычлы, мул ризыклы булсын, сәламәтлектә узсын. Шатлыклы хәбәрләр, бәхетле көннәр узган елдагын да кубрәк булсын, күңелсезлекләр иске елда калсын.  Декабрь бураннары алып килгән Яңа ел белән котлыйбыз! Бәйрәмегез мөбарәк,  ризык тулы өстәлегез түгәрәк,  күңелле, куанычлы булсын.  Эшләрегез уң булсын,  күңелегездәге мәрхәмәтлелек нуры йөзегезне тагын да  бизәсен.  Бусагаларыгыздан караңгылык, салкынлык, хәвеф-хәтәр атлап кермәсен, бәла-каза  йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа 2022 нче ел.  Гаилә бәхетегез учагы гел балкып торсын.