Гаилә- һәр кешегә кирәкле җылы учак. Гаилә никадәр нык булса, аннан килгән җылылык та шул кадәр көчле була.. Димәк, гаилә- ул иң олы таянычыбыз, иң ышанычлы сыеныр урыныбыз. БМО Генераль Ассамблеясенең 1993 елның 20 сентябре карары нигезендә, 1994 елдан башлап 15 май Халыкара гаилә көне буларак билгеләп үтелә. Чиканас башлангыч мәктәбендә гаилә бәйрәме үткәрелде. Бу бәйрәмнең максаты  сыйныфтагы укучыларны һәм аларның әти- әниләрен берләштерү, гаилә эчендә татулык, дустанә мөнәсәбәтләрне тирәнәйтү. Шулай  ук гаиләдә әти-әнигә, бер-береңә хөрмәт тәрбияләү.

Бүген мәктәпләрдә республика контроль эшләре старт алды.6,7 сыйныфларның  рус теленнән,8 сыйныфларның тарих фәненнән белемнәре сыналды.

Укучылар әти – әниләр белән берлектә “Мәдәни көндәлек” ләрен ел дәвамында тутырып бардылар. Барлык укучылар да бу эшне намус белән башкардылар. Үзләре өчен күп файдалы мәгълүмат тупладылар. Бүген, “Мәдәни көндәлек”не тутыруны йомгаклау кысаларында, китапханәче Камалова А.Г. белән берлектә мәктәптә “Без табигать баласы” дигән темага викторина  үткәрелде.  Укучылар бөҗәкләр, кошлар, җәнлекләр турында бай мәгълүмат алдылар, үзләрен кызыксындырган сорауларга җавап таптылар. Соңыннан “Мәдәни көндәлек” ләрне тутыру буенча нәтиҗә ясалды. Иң актив укучыларга бүләкләр тапшырылды.

 Тирә-юнебезне яшелләндерү- безнең бурычларыбызның берсе. Мәктәп тирәсендә агачлар утыртабыз.  "Үзебез зур үскәч, шушы агачларның шаулап үскәнен горурланып килеп карарбыз әле", - дип хыялланабыз. Хыяллар тормышка ашсын!

Бүген Бөек җиңүнең 72 еллыгына карата Арчада күргәзмә оештырылды.8 класс укучысы В.Ранил сугыш чоры  белән бәйле альбомнар, сугыш ветераннарының батырлыклары белән таныштырды. Күргәзмәне оештырды тарих укытучысы Валиева Х.Х.

Кадерле ветераннар  һәм тыл хезмәтчәннәре! Хөрмәтле,  дуслар!  Сезнең барыгызны да бөек тантана, зур шатлык — Бөек Җиңүнең 72 еллык бәйрәме белән котлыйбыз! Күгебез  һәрчак  аяз, дөньялар  тыныч,  илләр  имин  булсын!  

Безнең  мәктәп  коллективы да  "Улемсез  полк"  акциясеннән  читтә калмады.

6 май көнне Иске-Йорт башлангыч мәктәбе укучылары Бөек Ватан сугышында батырларча һәлак булган,туган җирләренә әйләнеп кайта алмаган солдатларны бер минут тынлык белән искә алдылар,һәйкәлгә венок салдылар. 

"Бер кайтмасак, бер кайтырбыз",-дип китсәләр дә,  күп кенә авылдашларыбыз яу кырында мәңгелеккә ятып калды, күбесе кайткач вафат булды. Бүгенге көнгә авылыбызда Бөек Ватан сугышында катнашкан бер генә кеше дә  исән түгел. Туган җирләре өчен башын салган бу батырларны онытырга безнең хакыбыз юк. Алар безнең белән, безнең арада.

Югары Бирәзә башлангыч мәктәбендә Җиңү көненә багышланган бәйрәм булды.Бу дәһшәтле көннәрне онытырга беркемнең дә хакы юк.