Хөрмәтле хезмәттәшләр! Сезнең барыгызны да Яңа ел бәйрәме белән котлыйбыз. Сезгә тыныч, якты көннәр, җан тынычлыгы, сәламәтлек, эшегездә яңадан-яңа үрләр яулавыгызны телибез.

25 декабрь көнне 1-6 класс укучылары өчен  "Рәхим ит, Яңа ел!"   дип аталган бәйрәм тамашасы үтте. Укучылар Чыршы тирәли матур җырлар җырладылар, биеделәр, рәхәтләнеп күңел ачтылар.

25 декабрь көнне 7-9 класс укучылары өчен Яңа ел балмаскарады оештырылды. Сәхнәдә җыр-бию, уен-көлке тынып тормады. Бәйрәмдә укучылар үзләрен нәкъ артистларча тоттылар.

Район беренчелегенә уздырылган  чаңгы сезоны ачылу ярышларында мәктәп командасы беренче урынны яулады. Шәхси беренчелектә дә укучылар уңышларга иреште. Алар - Саляхова Ф. (8 кл.) -беренче, Гыйлметдинова И. (8 кл.) - икенче, Яруллин И. (9 кл.) - икенче, Мөхәммәдиев И. (8 кл.) - өченче урынга лаек булдылар. Афәрин, укучылар! Киләчәктә дә зур җиңүләр сезгә!

20 декабрь көнне классларда Чисталык дәресләре үтте.

Экология елы ахырына якынлаша. Шушы уңайдан мәктәптә "Син - табигать баласы" дип исемләнгән кичә уздырылды. Укучылар чыгышы белән беррәттән, җирлектәге проблемаларны сурәтләгән проект эшләре дә башкарылды.

13 декабрь көнне Урта Курса төп гомуми белем мәктәбе базасында Арча районы мәктәпләренең яшь белгечләр семинары уздырылды. Семинар  "Дәреснең эффектлылыгы - укучыларның актив эшчәнлекләрен оештыру нәтиҗәсе" дигән темага багышланды. Яшь белгечләр үз дәресләрендә  традицион укыту формасы белән беррәттән сингапурча укыту методикасын да уңышлы кулландылар.

Коррупциягә каршы укучылар көче белән плакатлар, буклетлар ясалды.

9 декабрь көнне барлык классларда да коррупциягә каршы класс сәгатьләре үтте.

Геройлар көне уңаеннан мәктәптә класс сәгатьләре, әңгәмәләр үткәрелде. Россия герое, хәзерге вакытта Төмән өлкәсендә яшәүче легендар очучы В.И.Шарпатов белән элемтә урнаштырылды.