Көннәр матурлану белән, мәктәп бакчасында да эшләр күбәйде. Укучылар тирә-юньне җыештыралар, түтәлләрдәге сарымсакларны, яшь агачларны тәртипкә китерәләр.

Габдулла Тукайның тууына 128 ел булу уңаеннан Корайван башлангыч мәктәбе укучылары катнашында "Тукай - һәрчак күңелләрдә" дигән кичә узды. Укучылар шагыйрьнең шигырьләрен яттан сөйләделәр, җырладылар, белемнәрен тикшерделәр.

Бөтенроссия агач утырту көне уңаеннан барлык укучылар, укытучылар  әлеге изге эштә катнаштылар.

25 нче апрель көнне Теләче районы Ф.Хөсни исемендәге Олы Мәтәскә урта мәктәбендә "Туган ягым-яшел бишек" төбәкара фәнни-гамәли укытучылар конференциясе узды. Әлеге конференциядә мәктәпнең татар теле укытучылары Садриева Н.З."Төбәк тарихы" , Юнысова Р.К. "Шәхесләребез - туган як горурлыгы" секцияләрендә үз эшләрен тәкъдим итеп, уңышлы чыгыш ясадылар. 

"Мөстәкыйль балалар" проектында катнашучы укучылар "Чиста шәһәр-сәламәт шәһәр" акциясендә актив катнаштылар.

Татар-башкорт көрәше буенча Татарстан Республикасының беренче Президенты Кубогына уздырылган республикакүләм ярышта 9 нчы класс укучысы Гайнетдинов Динар катнашты. 1998-2000 нче елгы яшүсмерләр арасында 70 кг нан югары үлчәмдә ул 4 нче урынга лаек булды. Көрәшче егеткә тагын да зуррак уңышлар телибез!

Тирә-юньне тәртипкә китерү айлыгы дәвам итә. 19 нчы апрель көнне барлык укучылар да өмәдә актив катнаштылар.

Ата-аналар җыелышында 9 нчы класс укучылары һәм аларның әти-әниләре катнашты. Төп Дәүләт имтиханнарына әзерлекнең барышы, сынау имтиханнары нәтиҗәләре белән укыту-тәрбия эшләре буенча директор урынбасары Вәлиева Н.Т. таныштырды. Ата-аналар алдында мәктәп директоры Ф.М.Хәбибуллин һәм фән укытучылары да чыгыш ясады.

IV Бөтенроссия фән олимпиадасында укучылар рус һәм инглиз телләре, математика, биология, тарих, җәмгыять белеме, география, информатика буенча үзләренең белемнәрен сынадылар. Нәтиҗәләр түбәндәгечә: 6 нчы класс укучысы Кәлимуллин Рушан рус теле буенча 3 дәрәҗә дипломга, 5 нче класс укучысы Солтанова Камилә информатикадан 2 дәрәҗә дипломга, 8 нче класс укучысы Галимуллин Илнур биологиядән 2 дәрәҗә дипломга лаек булдылар. 9 укучыга катнашу турында сертификат бирелде.

"Ю.А.Гагарин белән 108 минут бергә" акциясе барышында мәктәптә әңгәмәләр, класс сәгатьләре узды.