2 нче февраль көнне күмәк хуҗалыкның еллык эшкә йомгак ясау буенча уздырылган бәйрәмендә укучыларыбыз эчтәлекле  чыгыш ясадылар. Игенчеләргә, терлекчеләргә багышланган  матур шигырьләр, җырлар яңгырады. 

25 нче гыйнвар көнне мәктәбебез командасы Арча  стадионында райондашыбыз Фәнил Гәрәфиев истәлегенә уздырылган  чаңгы ярышында 2 урынны яулады һәм кубокка ия булды. Команда составындагы укучылар:

Саляхова Фәнүзә

Яруллин Илназ

Мөхәммәдиев Илмир

Мөхәмәдиева Хәния

Хөснетдинов Ранис

Башлангыч класс укучылары "Йолдызлы сәгать" дип аталган интеллектуаль уенда актив катнаштылар. Кичәне укытучылары Н.Т.Гыйбадуллина һәм Ф.К.Насыйбуллина оештырды.

24 нче гыйнвар көнне мәктәпнең волейбол командасы Галиуллин Ришат Әсхәтович истәлегенә һәм Галиуллин Айдар Ришатович призына  волейбол буенча Яңа Кенәрдә уздырылган зонаара турнирда катнашты һәм 1 урынны яулады. Афәрин, егетләр! 

Команда составындагы укучылар:

1. Габделфәртов Алмаз

2.Габделбәров Альмир

3.Зәйнетдинов Илнур

4. Шәфигуллин Надир

5. Яруллин Илназ

23 нче гыйнвар көнне башлангыч класс укучылары катнашында ( класс җитәкчеләре - Н.Т.Гыйбадуллина, Ф.К.Насыйбуллина) "Юл кагыйдәсе белгечләре" исемле класстан тыш чара уздырылды. Ул конкурс-уен формасында үтте. Юлларда игътибарлы булырга өндәүдә, юл йөрү кагыйдәләрен төгәл үтәүдә  чараның укучыларга йогынтысы зур булды.

Кыш - кошлар өчен бик авыр вакыт. Аларга ярдәм итү максатыннан укучылар арасында җимлекләр ясап, кошларны сөендерүче укучылар арта бара. Әйдәгез, канатлы дусларыбызга карата мәрхәмәтле булыйк!

Укучыларда сәламәт яшәү рәвеше тәрбияләү максатыннан башлангыч класс укытучылары Н.Т.Гыйбадуллина, Ф.К.Насыйбуллина 1-4 нче класс укучылары һәм "Ләйсән" балалар бакчасына йөрүчеләр белән берлектә "Күңелле стартлар" исемле спорт ярышы уздырдылар. Яшь буынның сәламәт булуы өчен көрәшү - һәркайсыбызның изге бурычы.

21 нче гыйнвар көнне мәктәптә ата-аналар җыелышы уздырылды. Чыгышларда бүгенге көннең актуаль проблемалары күтәрелде, балаларны әхлаклы, заманга лаеклы итеп тәрбияләүдә ата-аналарга киңәшләр бирелде.

Мәктәбебез укучылары Арча укучылар сарае каршында уздырылган шахмат ярышында 1 урынны алдылар. Аларга киләсе ярышларда да уңышлар юлдаш булсын.

6 нчы гыйнвар көнне мәктәпнең чаңгычылар командасы район беренчелегенә уздырылган ярышларда катнашты һәм 8 класс укучысы Гыйльметдинова Илүзә 3 урынга лаек булды. 9 нчы гыйнвар көнне чаңгы буенча эстафетада команда 2 урынны яулады. Команда составында түбәндәге укучылар иде:

 Гыйльметдинова Илүзә, 8 кл., Мөхәммәдиев Илмир, 8 кл., Мөхәмәдиева Хәния, 8 кл., Яруллин Илназ, 9 кл.