Бүген 8-9 нчы класс укучылары Арча агросәнәгать көллиятенең 1 номерлы филиалыннан Хидиятуллин Р.Т., мастер Фәйзрахманова З.А., 1 курс студенты Моисиенко Тимур белән очраштылар. Педагоглар уку йорты, анда кабул итү шартлары, тәртипләре белән таныштырсалар, Тимур бу уку йортында укуы белән горурлануын белдерде, үзе ясаган фильмын тәкъдим итте. Укучыларга әлеге очрашу бик ошады.

19 нчы апрель көнне "Спортлы Татарстан" акциясе буенча сәламәт яшәү рәвешен пропагандалаган чаралар узды. 5-8 нче класс укучылары белән сәламәтлек дәресе спортзалда, ә башлангыч класс укучылары белән саф һавада үтте. Укучылар көрәш, волейбол секцияләрендә, шахмат түгәрәгендә шөгыльләнделәр.

Бүген мәктәптә Сеҗе, Сикертән һәм Урта Курса мәктәпләренең волейбол буенча егетләр һәм кызлар командалары ярышты. Әлеге ярыш районда узачак волейбол ярышына командаларны сайлап алу һәм төрле мәктәп укучылары арасында дуслыкны ныгыту максатыннан оештырылды. Ярышның нәтиҗәләре түбәндәгечә: егетләр арасында 1 урында Сеҗе мәктәбе, 2 урында Урта Курса мәктәбе, 3 урында Сикертән мәктәбе, кызлар арасында 1 урында Сеҗе мәктәбе, 2 урында Урта Курса мәктәбе командалары. Әлеге командалар район беренчелегенә көч сынышачаклар. Аларга җиңүләр телик. "Дуслык көне" уңаеннан классларда әңгәмәләр, викториналар да уздырылды.

16 апрельдән республикабызда “Добрый Татарстан –Мәрхәмәтле Татарстан” акциясе старт алды. Әлеге акциягә безнең мәктәп тә теләп кушылды. Линейкада әлеге акция, аның максат-бурычлары, шулай ук "Спортлы Татарстан" акциясенең тәртибе аңлатылды. 16 нчы апрель көнне 1 нче сыйныф укучылары "Спортлы Татарстан" акциясенә кушылып, "Җиңел атлетика элементлары белән хәрәкәтле уеннар" темасына саф һавада физкультура дәресен күңелле һәм файдалы итеп үткәрделәр.

Бүген район буенча игълан ителгән өмәдә һәркем актив катнашты: мәктәп территориясе чистартылды, бакча һәм чәчәклекләр кардан арчылды. Алдагы көннәрдә дә әле чистарту, җыештыру эшләре дәвам итәчәк. 

В рамках недели английского языка ученики 5 и 6 классов совершили путешествие по Соединенному Королевству в ходе викторины «Путешествие в Великобританию». Ребята с интересом посмотрели презентации о дворцах, соборах, музеях, парках, в процессе активно добавляя к увиденному на экране факты, которые они узнали из энциклопедий, телепрограмм, уроков английского, а затем отвечали на вопросы мини-викторины на знание достопримечательностей Великобритании.

Арча педагогия көллиятендә укучылар һәм студентларның IX муниципаль фәнни-практик конференциясе узды. Бу чарада безнең мәктәпнең 8 класс укучысы Минһаҗева Зилә дә актив катнашты һәм "Фәнни-эзләнү күнекмәләрен белү" номинациясендә җиңүче дипломына ия булды(җитәкчесе - рус теле укытучысы-Зәйнуллина Ф.Г.)