Дога белмим дисең нигә?

Яхшылык-үзе дога!

Бар кеше изгелек кылса,

Яктырыр иде дөнья.

Изгелек ул-беркайчан да

Тузмый торган хәзинә.

Яхшылык эшлик һәрвакыт,

Ул үзе изге дога.

Яхшы сүз дә шәфкатьле эш кебек икән. Дуслык, татулык нигезе булып та матур сүзләр санала. Шул уңайдан мәктәбебездә “Көн саен игелек кыл!” темасына шигырь сөйләүчеләр конкурсы үткәрелде.

Бүген 7 нче класста "Хәвеф-хәтәр сагаламасын!" дигән тема астында әңгәмә уздырылды. Укучылар видеороликлар карадылар, төрле ситуацияләрдән чыгу юлларын карадылар, юл билгеләрен кабатладылар.

3 нче сентябрь – Терроризмга каршы бердәм көрәш көне буларак билгеләп үтелде. Укучылар белән очрашуга Арча шәһәренең балигъ булмаган яшүсмерләр белән эшләүче инспекторы Зәйнуллин Илмир Җиһанир улы килгән иде. Ул укучылар алдында терроризм темасына эчтәлекле чыгыш ясады.Барлык классларга бердәм дәрес күрсәтелде. Бесландагы һәм башка шәһәрләрдәге трагедияләр беркайчан да кабатланмасын иде.

Яңа уку елы башлану белән барлык  классларда юлда йөрү, пожар куркынычсызлыгы, терроризм, экстремизм темаларына куркынычсызлык кагыйдәләре аңлатылды, әңгәмәләр уздырылды. 

Хөрмәтле укытучылар, кадерле балалар, әти-әниләр! Сезне 1 нче сентябрь – Белем бәйрәме белән котлыйбыз. Барлык укучыларга, ата–аналарга, укытучыларга нык сәламәтлек, иминлек, укуда һәм яңа казанышларда уңышлар телибез.

Мәктәбебездә узган Белем бәйрәмендә "Курса МТС" ы җитәкчесе Гыйләҗетдинов Р.Г., җирле үзидарә рәисе Вафина Р.Р. катнашты һәм җәй көне колхозга ярдәм иткән укучыларга, 1 нче сыйныф укучыларына бүләкләр тапшырылды.