Мәктәбебез укучылары спорт белән актив шөгыльләнә, район һәм мәктәп күләмендә үткәрелгән ярышларда да еш кына алдынгылыкны яулый. Үсеп килүче яшь буынның физик сәламәтлеген яхшырту - мәктәбебезнең төп бурычларының берсе булып тора. Бүгенге көндә 8 нче сыйныф укучыбыз Актаныш районында уздырылган Татарстан Республикасының беренче президенты, Россия Федерациясе хезмәт герое Минтимер Шәрип улы Шәймиев кубогына яшүсмерләр арасында төбәкара милли көрәш бәйгесендә катнашты. Аны котлыйбыз.

Бүген башлангыч классларда “Юл йөрү кагыйдәләрен беләсеңме?” дип аталган класс сәгате үткәрелде. Әңгәмәнең максаты-балаларның юл-транспорт травматизмын кисәтү. Класс җитәкчесе укучыларга юлларда, җәяүлеләр кичүләрендә һәм җәмәгать транспортында үзеңне ничек дөрес тотарга кирәклеге турында сөйләде һәм велосипедта йөрү кагыйдәләре белән таныштырды. Велосипедчы-юл хәрәкәте катнашучысы, ул юл хәрәкәте кагыйдәләрен белергә һәм үтәргә тиеш.

Авыл мәктәбе шартларында экологик белем һәм тәрбия бирүнең максатчан, теоретик белемнәрнең практик кулланылыш белән нык бәйләнгән формасын оештыру мөмкинлекләре бар. Безнең Г.Камал исемендәге Сикертән төп мәктәбендә укучыларның җәйге чорда мәктәп яны тәҗрибә мәйданчыгында практика узуларына элек-электән зур игътибар бирелә. Биредә укучылар уку елы дәвамында алган теоретик белемнәрен практикада кулланырга өйрәнәләр, авыл хуҗалыгы белгечлекләре буенча үзләрен кызыксындырган сорауларга җавап, бергәләшеп күмәк эшчәнлекнең нәтиҗәсен күреп хезмәт тәрбиясе алалар. Хәзерге вакытта бакчаны чистартып, көзге культураларны утырту эшләре башкарыла.

Мәгариф оешмалары профсоюз членнары арасында көзге кросс узды. Әлеге ярышларда мәктәбебез укытучылары да актив катнашты. Кроссның максаты – спортка җәлеп итү һәм сәламәт рәвешен пропагандалау. Катнашучыларның барысына да рәхмәтебезне белдерәбез һәм алга таба уңышлар телибез!

Атнаның дүшәмбе көнендә, 2024 елның 23 сентябрендә, безнең мәктәптә бу уку елында дүртенче «мөһим нәрсәләр турында сөйләшүләр» дәресе узды, ул «Бөртек юлы»исемен алды. Ашлыкның чәчүдән икмәк пешерүгә кадәрге юлы-бик күп кешеләрнең хезмәтен үз эченә алган катлаулы процесс. Кечкенә генә ипи кисәгендә күп кешеләрнең зур хезмәте ята. Шуңа күрә икмәкнең кадерен белергә, халыкның икмәк белән бәйле гореф-гадәтләренә хөрмәт күрсәтергә кирәк. Укучылар бөртекле культуралар һәм Россиянең төп төбәкләре - игенлекләр турында гына түгел, ә төрле культураларның килеп чыгышы, шулай ук ашлык җитештерүнең этаплары: чәчү, тәрбияләп үстерү, өлгергән уңышны җыеп алу, эшкәртү, саклау турында да белделәр. Укучылар төбәкләрендә нинди продуктлар җитештерелүе, шулай ук илнең социаль-икътисадый өлкәсе өчен аларның әһәмияте турында да мәгълүмат алдылар.

Ел фасылының иң матур чоры - алтын көз җитте. Бар дөнья сихри матурлыкка күмелде. Шундый матур көннәрдә табигатькә чыгасы, аның матурлыгына сокланасы килә. Менә бүген Арча укучылар сараеның, мәктәбебездә эшләп килүче туризм түгәрәгендә шөгыльләнүче укучылар, укытучылары Нәбиуллин Разил Расип улы белән көзге табигатькә экскурсиягә чыктылар, тирә-юньдәге үзгәрешләрне күзәттеләр, әңгәмә үткәрделәр, кызыклы уеннар уйнадылар. Беренче тукталышны яшь туристларыбыз Г.Камал музеенда үткәрделәр. Музейдан чыгып юлларын дәвам иткәндә Г.Камал исемен йөртүче Сикертән төп мәктәбе укучылары үзләрендә тагын да күп горурлык хисе тойды. Сикертән сабантуй мәйданында төрле хәрәкәтле уеннар уйнадылар. Юлларын Гөберчәк авылында урнашкан М.Мәһдиев музеена дәвам иттеләр. Музейда Казан шәһәреннән кунакка килгән шагыйрьләр белән дә очраштылар. Экскурсия бик файдалы һәм мавыктыргыч булды. Сәяхәт укучыларга бик ошады.

9 нчы класс укучылары Пушкин картасы буенча Казанга Татарстанның табигый тарих музеена һәм эрмитажга экскурсиягә бардылар. Экскурсовод укучыларга тарихи чорлар турында җентекләп сөйләде һәм укучылар үзләренең кызыксындырган сорауларын бирделәр. Казан Кремленә оештырылган интерактив экскурсия укучыларга бик ошады. 

Хәзерге шау-шулы заманда юл йөрү кагыйдәләрен белмәү сәбәпле кече яшьтәге укучылар белән куркыныч хәлләр килеп чыгарга мөмкин. Менә шундый күңелсез хәлләр килеп чыкмасын өчен без башлангыч сыйныф укытучылары 1 класстан укучыларга юл йөрү кагыйдәләрен, билгеләрен өйрәтәбез. Бүген 1 нче классларда “ Юл тәртипне ярата!” дип аталган класс сәгате үткәрелде. Класс сәгатенең максаты: светофорның төсләрен аера белү, шуның буенча ничек хәрәкәт итүләрен тикшерү; урамда бер-берсенә карата игътибарлы, ярдәмчел, әдәпле булуларын тәрбияләү; юл йөрү кагыйдәләренә буйсынырга өйрәтү. Әлеге сөйләшү укучылар өчен файдалы булсын!

Мәктәбебездә “Мөһим сөйләшүләр” дәресләре үткәрелде. Әлеге дәрес “Россия юллары буйлап” дип аталган иде. Дәреснең максаты: укучыларда илнең транспорт системасы турында белемнәрен арттыру, Россия тимер юлларының ил үсешенә керткән өлеше, тимер юлчы һөнәрләренең күптөрлелеге турында күзаллаулар формалаштыру, гражданлык хисе һәм Ватанга мәхәббәт һәм хөрмәт хисе тәрбияләү.

Праздник, который призван обратить внимание и уважение к старшим. В преддверии Дня пожилого человека, наши ученики сделали своими руками поздравительные открытки. Спасибо родителям, за воспитание таких учеников, способных с детства осознавать мудрость и оказывать уважение к старшему поколению.