Бүген Арча укучылар сараенда мәктәбебезнең  SMS -дети проектында катнашучы укучылары район семинарында "Здоровая пробежка" акциясендә катнаштылар. Семинардан шат күңел, позитив эмоцияләр белән кайттылар.

11 октябрьдә Казанда агропромпаркта мәгариф учреждениеләренең республика ярминкәсе узды. Ярминкәдә 43 районнан сату нокталары урнаштырылган иде. Бу ярминкәдә безнең мәктәп тә катнашты. Бәйрәмне ачу танатанасында премьер-министр Илдар Халиков, мәгариф һәм фән министры Энгель Фәттахов, премьер- министр  урынбасары-авыл хуҗалыгы министры Марат Әхмәтов катнашты.

Бүген мәктәбебездә "Ялкын" журналы редакциясе хезмәткәрләре белән очрашу булды.

Бүген мәктәбебездә "Ялкын" журналы редакциясе хезмәткәрләре тарафыннан "Журналистика", "Әдәбият", "Фото" остаханәләре үткәрелде. Очрашу бик күңелле һәм файдалы узды.

Бүген мәктәбебездә Өлкәннәр ункөнлеге уңаеннан "Буыннардан килә безгә кирәк җылы" дип исемләнгән бәйрәм концерты булды. Концерт  башлангыч класс укучылары көче белән әзерләнде.Өлкәннәребезне хөрмәтләп укучылар матур җырлар җырладылар, шаян, күңелле шигырьләре белән әби-бабайларыбызның күңелен күрделәр, дәртле биюләре белән йөрәкләрне җилкендерделәр.Концерттан соң  мәктәп ашханәсендә өлкәннәребез  белән  сый- нигьмәтләр белән тулы өстәлләр артында бәйрәм  дәвам итте.

Хөрмәтле укытучыларыбыз!

Сезне чын күңелдән һөнәри бәйрәмегез-Укытучылар көне белән котлыйбыз! Бүгенге истәлекле көндә барлык Укытучыларга рәхмәт сүзләре белдерәсе һәм хөрмәт күрсәтәсе килә. Сезнең таләпчән, профессиональ, игътибарлы булуыгыз һәм күңел җылыгыз безгә, балаларга сәләтләрен һәм талантларын ачарга ярдәм итә. Кем булуыбызга һәм нинди һөнәр сайлавыбызга карамастан, һәрберебезнең тормышында үз Укытучысы бар. Без, барыбыз да, барыннан да элек, кемнәрнеңдер укучылары, бездә булган яхшы сыйфатлар-алар да шул исәптә зирәк остазларыбыз хезмәте. Чын укытучы-ул белем бирүче генә түгел, ә укучыны шәхес итеп тәрбияләүче дә.

Мәктәптә үткәргән һәр көнегез балалар белән аралашудан шатлык китерсен! Укучылар үз белемнәре белән куандырсын, ә мәктәпне тәмамлаучылар туган мәктәпләрен һәм яраткан укытучыларын онытмасын! 

Иң изге теләкләр белән Шушмабаш мәктәбе укучылары.

Учитель физики и математики Нуриева Рамля Равиловна приняла участие в торжественной церемонии награждения лучших учителей РТ