7 класс укучылары табигать фәннәре кысаларында биология дәресендә микроскоп төзелеше ,күзәнәк төзелеше, кеше организмы төзелешендә кызыклы саннар турында электрон белем бирү сайтындагы видеолар белән таныштылар.

8 класс укучылары шушы ук сайттагы география фәнен яктырткан видеоларны ошатып карадылар. Татарстандагы табигать һәйкәлләре (ерымнар,карст кое һ.б.), Зәңгәр күл, Болгар шәһәренең тарихи -архитектура үзәге  булуы бик матур,аңлаешлы тасвирланган. 

Атналык кысаларында китапханәче Ләлә Фоатовна табигать фәннәре тематикасы әдәбияты күргәзмәсен булдырды.

Укучыларның бөтенроссия олимпиадасының муниципаль этабында физкультура фәне буенча призер(III урын) булган 8 класс укучысы Валиева Кадрияне(укытычылары Вафина Г.Р.һәм Гараев Р.К) чын күңелдән җиңүе белән котлыйбыз.

11 класс укучылары  һәр сишәмбедә "Биология һәм имтихан" түгәрәгенә бик кызыксынып, яратып йөриләр. Әзерлекләре һәртөрле юнәлештә белем алуга корылган: аерым сораулар да өйрәнелә, мәсьәләләр дә чишелә,төшенчәләр дә ныгытыла, рәсемнәр дә анализлана, БДИ вариантлары да карала. Уңышлар телибез.

Бүген 11 класс укучылары биологиядән "Эволюция" бүлеген гомумиләштерү  темасы буенча ачык  дәрес күрсәттеләр. Укытучылары Рузилә Рафиковна белән  төрле эш формалары аша белемнәрен системалаштырдылар, ныгыттылар. Гомумиләштерү  сәяхәт - дәрес формасында тукталышлар белән барды.Укучыларның һәр тукталышта БДИ сораулары буенча белемнәре  сыналды.

"Арча районында туризм үсешенең торышы һәм үстерү юллары" ( география фәне кысаларында ) дип аталган эзләнү эше белән 11 класс укучылары Нургалиева Алия һәм Рахматуллина Алсу - 8 -11 класс укучыларына чыгыш ясадылар. Кызыксынучан, эзләнүчән укучылардан  үрнәк аласы гына кала. Алга таба да уңышлар телибез.

Биология укытучысы Чулпан Миннуловна 5,7 класс укучылары өчен "Сәламәтлек формуласы" дип аталган әңгәмә үткәрде. Укытучы бик мөһим проблемаларны укучыларга үтемле тел белән презентацияләр аша аңлатты. Укучылар арасындагы авыруларның сәбәпләрен, дөрес туклану кирәклеген җиткерде. Нәтиҗә ясарга матур җирлек бирелде.

Табигать белеме дәресеннән "Җир" бүлеген йомгаклау-дәресен уен дәрес итеп үткәрделәр.Укытучылары Чулпан Миннуловна белән берлектә төп төшенчәләрне матур презентация аша ныгыттылар.

Табигать фәннәре атналыгында Химия укытучысы Лилия Шагимулловна ел саен традицион рәвештә 8 класс укучыларын бик матур чара аша тантаналы итеп "мәктәбебез химиклары" рәтенә кабул итә.Укытучыга бу эшендә бик теләп 11 класс укучылары ярдәм итте.