Мәктәбебездә башлангыч классларда атналык эшчәнлеге башланып китте. Шуның уңаеннан "Көзге мизгел" дип исемләнгән матур кичә узды. Укучылар сәнгатьле, матур итеп шигырьләр сөйләделәр, көзгә багышланган яңа җырлар җырладылар, кызыклы һәм мавыктыргыч уеннарда катнаштылар.

Мәктәбебездә "Золотая осень" дип исемләнгән рәсем конкурсы булып узды.Бу конкурста  барлык укучылар да бик теләп катнаштылар. Иң матурларыннан күргәзмә оештырылды.

Бүген  мәктәптә барлык классларда "Урок мужества" дәресләре үтте. Чаралар  1941 елның 7 ноябрендә үткән парадларга багышланган иде. Тарих укытучылары Вильданов Рәҗәп Гыйльманович һәм Сәгъдуллина Рәзинә Рәисовна укучыларга  бик эчтәлекле информация бирделәр, 1941 елгы  Мәскәүдәге парадның видеоязмасын, шулай ук И.В.Сталинның чыгышының видеоязмасын тәкъдим иттеләр.

Бүген иҗат түгәрәге җитәкчесе Вильданова Гөлфия Шамилевна җитәкчелегендә башлангыч класс укучылары балаларга  "Кәҗә кергән бакчага" музыкаль сәхнәләштерелгән спектаклен күрсәттеләр. Чара башлангыч класслар атналыгы кысаларында узды.Укучыларга һәм аларның җитәкчесе Гөлфия Шамилевнага зур рәхмәт!!!

Бүген мәктәпкүләм линейкада республика буенча "Лучший университетский профильный класс-2014" конкурсында 3 призлы урынны яулаган  11 класс һәм аларның класс җитәкчесе Муртазина Фирая Салиховна КНИТУ ректоры Г.С.Дьяконовның  дипломы белән бүләкләнде.

Мәктәбебездә SMS дети  проекты эшчәнлеген киңәйтә! Проектта катнашучы укучыларга тантаналы рәвештә бонус карточкалары тапшырылды. Укучылар исә линейкада үзләренең еллык эшчәнлеген презентацияләделәр.Яңа состав туплана башлады.Уңышлар сезгә!

9-11 класс укучылары өчен "Көзге бал" бәйрәме үткәрелде. Бәйрәмдә "Шушмабаш мәктәбе телевидение"се эшләде. "Башваткыч", "Музыкаль каймак", "Модный приговор", "Сиңа миннән сәлам" , "Тамчы-шоу" тапшырулары бик күңелле узды. Афәрин егетләр һәм кызлар!

Бүген,23 октябрь мәктәбебездә 5-8 класслар арасында  бик матур "Көзге бал" бәйрәме булып узды.Барлык укучыларда бәйрәмгә ныклап әзерләнгәннәр . Яфраклардан төрле компазицияләр ясаганнар иде

Бүген Шушмабаш урта мәктәбе педагогик коллективында пожар куркынычсызлыгы буенча инстуктаж үткәрелде. Укытучылар янгын сүндерү җайланмасы белән эшләү кагыйдәләрен искә төшерделәр, эвакуация вакытында үз-үзеңне тоту кагыйдәләре белән танышып,  классларда укучылар белән бу темага әңгәмәләр, инструктажлар үткәрү бурычын алдылар.