"Весенняя неделя добра-эстафета добрых дел"акциясенең "Мәрхәмәтле сүзләр көне" кысаларында, башлангыч класс укучылары арасында, Бөек Җиңүнең 70 ел уңаеннан шигырь конкурсы узды.

             22 апрель - Су көне уңаеннан һәм укучыларда экологик үзаң тәрбияләү, табигатебезне, сулыкларны саклау максатыннан мәктәбебездә  "Хранители воды-Суны саклаучылар" акциясе булып узды. Бу чара бөтен Россия күләмендә узган экопроект кысаларында үткәрелде. Чараны оештыручы биология укытучылары укучыларны Капа (тамчыкай) белән бергә  мавыктыргыч сәяхәткә алып чыктылар. Мәгълүмати презентацияләр, кызыклы әңгәмәләр үткәрелде, укучыларның үз фикерләре тыңланылды.Укучылар бүгенге көндә суга кытлык кичергән регионнарны күреп, суның кыйммәтен аңладылар, никадәр зур байлык икәнлегенә төшенделәр, суны саклауга үзләреннән нинди өлеш кертә алулары хакында фикер алыштылар.   Чараның ахырында һәр төркем  иҗади эш башкарып, су турында  үзләренең мини-проектын тәкъдим итте.

Мәктәбебез директоры Рәзилә Габделнуровна төрле конкурсларда җиңү яулаган укучыларның хезмәтен югары бәяли. 23 нче апрель көнне оештырылган сәяхәт тә шушы уңайдан иде. Бу көнне Бөек Җиңүнең 70 еллыгына багышланган Республика күләмендәге конкурста җиңгән укучыларны районда урнашкан музейларга экскурсия белән бүләкләде. Укучылар "Әдәбият һәм сәнгать" музеенда булдылар. Музей җитәкчесе Гарипов Шәфигулла Зәйнуллович бик мавыктыргыч итеп музей белән таныштырды. Укучылар тагын бер тапкыр язучылар иҗаты белән таныштылар. Музейда фронтовик язучыларга аерым бүлмә булдырылган, укучылар ул язучылар  турында да бик кызыксынып тыңладылар. Сәяхәтебез бассейнда су коену белән тәмамланды. Бу сәяхәт өчен җитәкчебезгә бик зур рәхмәт белдерәбез. 

Бүген 23 нче апрель -Бөтендөнья китап көне. Авыл китапханәсендә бу бәйрәм уңаеннан ,китап сөючеләр белән бергә китапханәче Рәзинә апабыз кичә үткәрде. Без Шекә башлангыч сыйныф укучылары шушы чарада катнаштык. Сорауларга җавап эзләдек.Яңа кайткан балалар әдәбияты белән таныштык.

"Весенняя неделя добра-эстафета добрых дел" акциясе үз эшен дәвам итә. Бүген мәктәбебездә өлкән класс укучылары Бөек Ватан сугышында катнашкан ватандашларыбызны хөрмәтләү йөзеннән "Георгий лентолары" тактылар.

"Балалар китабы" һәм Габдулла Тукайга багышланган атналык кысасында "Китап сөючеләр" бәйрәме үткәрелде. Чарада китап турында бик күп кызыклы мәгълүмат җиткерелде. Чараның икенче өлешендә Габдулла Тукайга багышланган викторина уздырылды. Укучылар бик актив катнаштылар, үзләренең белемнәрен сынадылар. Якташ шагыйребез турында белемнәрен тирәнәйттеләр, өстәмә мәгълүмат алдылар.

Без- Шекә башлангыч мәктәбе укучылары   математика  фәнен яратабыз. Читтән торып олимпиада эшләрендә катнашабыз.Бик  тырышып шөгыльләнсәң ,дипломнар  да алып була.

Мәктәбебездә "Весенняя неделя добра-эстафета добрых дел" акциясенең икенче көне. Бүген классларда "Дуслык көне"нә багышлап тәрбия сәгатьләре узды.

Сөекле шагыйребез Габдулла Тукайга 129 ел тулу уңаеннан мәктәбебездә махсус план төзелде. Планга нигезләнеп, төрле чаралар үткәрелә. Мәктәптә шагыйрь иҗатына багышланган күргәзмә эшли. Анда шагыйрь турында истәлекләр, шигырь җыентыклары урын алган. ( күргәзмәне оештыручылар: мәктәп китапханәчесе Хашимова Л.Ф. һәм татар теле һәм әдәбияты укытучысы Сабитова Т.Ә)

Мәктәбебездә "Балалар китабы" һәм Габдулла Тукай атналыгы башланды. Аның кысаларында  укучыларның яшь үзенчәлеге исәпкә алынган төрле чаралар планлаштырыла. Атналык өчен җаваплы: татар теле һәм әдәбияты укытучысы Сабитова Т.Ә. һәм мәктәп китапханәчесе Хашимова Л.Ф.