29 апрель көнне мәктәпнең "Балалар фольклоры" түгәрәгенә йөрүчеләр Кенәр мәдәният йортында  Бөек Җиңүнең 70 еллыгына карата Яңа Кенәр балалар иҗат йорты уздырган отчет концертында катнаштылар. Алар "Көтеп узган гомер" спектакле белән уңышлы чыгыш ясадылар.

28 апреля 2015 г. наши ученики успешно выступили в конкурсе "Юный программист 2015". 
Поздравляем Каримова Камиля и Сабитову Альфию, что они достойно защищали свои работы!
От нашей школы желаем им больших успехов!

Син күрмәгән яңа буын килде,

Котлап бүген туган көнеңне:

Киләчәккә барган улларыңнан

Ишетәсең «Туган тел»еңне.

Шекә башлангыч мәктәбендә Тукайны- татар халкының бөек шагыйрен искә алу кичәсе булды. Бу кичәдә укучылар командаларга бүленеп, Тукайның иҗатын, биографиясен искә төшерделәр.Өйрәнгән шигырьләрен , әкиятләрен  сөйләделәр. Ике команда да тырышып, көч сынашты. "Күбәләк" командасы җиңү яулады..

                 Бүген Шушмабаш урта мәктәбенең актлар залында Арча муниципаль районының прокурор ярдәмчесе  Сагитзянов Алмаз Миннахметович белән очрашу булып узды. Очрашу барышында тәртип саклау, хокук саклау мәсьәләләре буенча сөйләшү үткәрелде , яшүсмерләрнең җаваплылыгы хакында фикер алышу  булды.

26 апрель - бөек шагыйребез Габдулла Тукай туган көн. Шагыйрь яшәгән еллардан ераклашкан саен, аның иҗатының бөеклеге, асыл мәгънәсе тагын да тирәнрәк ачыла бара. Чын шагыйрьләр үлемсез булалар. Даһиларның гомере халык хәтере белән исәпләнә .

Быел хөрмәткә, данга лаеклы татар халкының бөек улы Г.Тукайның тууына 129 ел. Ә  15 апрельдә шагыйребез үлеменә 102 ел булды.Вакыт безне 1913 елның апреле көннәреннән ерагайткан саен,Тукай безгә якынайганнан- якыная барып,аның шәхесе,тарихтагы тоткан урыны тагын да бөек булып күренә.Шушы еллар эчендә илебез тарихында күпме вакыйгалар булып үтте.Ә Тукай шушы вакыйгаларга аваздаш булып яңа яклары белән ачыла гына бара.

Мәктәбебездә ел саен бөек шагыйребезнең туган көне уңаеннан төрле чаралар уздырыла.Быел да “Язлар саен Тукай яшәрә”дип исемләнгән әдәби-

музыкаль кичә үтте.Укучылар шагыйрь турындагы белемнәрен искә төшерделәр һәм тулыландырдылар,шигырьләрен сәнгатьле итеп яттан сөйләделәр.Бу көнне Г.Тукайның шигырьләре татар,рус,инглиз телләрендә яңгырады.Бәйрәм  татар халкының гимнына әверелгән “Туган тел”җыры белән тәмамланды.

Илебез халкы Бөек Җиңүнең 70 еллыгын каршы алырга әзерләнә. Бәйрәм уңаеннан мәктәбебезнең 2 класс укучылары "Аяз булсын күгебез!" дигән баш астында ачык чара күрсәттеләр. Чарада сугыш турында шигырьләр, җырлар яңгырады. Без - яшь буын, үсеп баручы буын бабаларыбызның батырлыгын онытырга тиеш түгел.

Әдәбият елы уңаеннан Шушмабаш урта мәктәбендә үзенчәлекле,гүзәл мизгелләргә бай, әдәбият һәм сәнгать бәйрәме узды. «Карлы миләш тәме», «Томанлы төн», «Мәхәббәт аланы», «Күгәрчен оя корганда», «Ак бураннар аша», «Ефәк кулъяулык» кебек китаплар авторы, Татарстанның Атказанган мәдәният хезмәткәре, «Бәллүр каләм» бәйгесе җиңүчесе Гөлсинә Наил кызы Галимуллина белән очрашу үткәрелде. Гөлсинә ханым Саба якларыннан ерак араларны якын итеп очрашуга килде. Очрашу кичәсе җыр-шигырьләр белән үрелеп барды. Язучы иҗаты белән кызыксынучы Һәркем Гөлсинә ханыма сорауларын бирде. Аның  әсәрләрендәге геройлар, аларның прототиплары турында кызыксындылар әдәбият сөючеләр. Автор барысын да игътибар белән тыңлап, җентекләп җавап бирергә тырышты, әсәрләрнең язылу тарихын сөйләде. Гөлсинә ханым бүләкләр белән килгән иде. Җитәкчелек аңа рәхмәт йөзеннән чәчәк бәйләме һәм истәлекле бүләк тапшырды.(очрашуны оештыручылар:татар теле һәм әдәбияты укытучысы Сабитова Т.Ә. һәм Шушмабаш авылы китапханәчесе Зарипова Ч.Ф. )

         В нашей школе проходит очень много конкурсов, встреч, различных мероприятий. В рамках акции Недели добра проходит конкурс-проект "Проба пера-Герб нашей школы". Учащимся предложены 25 эскизов будущего герба нашей школы.С 20 по 30 апреля идет голосование за лучший эскиз. Итоги будут подведены к 19 мая.

Бүген Арча балалар сәнгать мәктәбендә Габдулла Тукай конкурсы кысаларында шигырь сөйләүчеләр  бәйгесе узды. Бәйгедә мәктәбебездән 2 класс укучысы Хабибрахманов Айтуган (җитәкчесе - Сөнгатуллина Ф.М.), 3 класс укучысы Фаттахова Айгөл (җитәкчесе - Тазетдинова Г.Р.) һәм 8 класс укучысы Газизова Адилә (җитәкчесе - Сабитова Т.Ә.) катнашты. Аларның чыгышын тамашачы яратып кабул итте. Укучыларыбызга конкурсның сертификаты тапшырылды. Нәтиҗәләр 27 апрельдә билгеле булачак.