Сегодня в г. Арск прошли традиционные соревнования по лыжным гонкам посвященные памяти сильнейшего лыжника Фаниля Гарафеева. В соревнованиях приняли участие учащиеся из нашей школы.

1999 елда, ЮНЕСКО ның Генераль конференциясе тарафыннан 21 февраль-Бөтендөнья тел көне итеп билгеләп үтү турында карар кабул ителә. Һәм бу дата 2000 елдан башлап Бөтендөнья күләмендә билгеләп үтелә. Безнең мәктәп тә бу чарадан читтә калмый.Шекә башлангыч мәктәбе укучылары арасында Туган тел кичәсе үткәрелде. Укучылар актив катнашты

     Бүген Шушмабаш урта мәктәбендә тәрбия эшләре буенча директор урынбасарларының район семинары булып узды.  Семинар "Хәзерге заман мәктәбендә хәрби-патриотик эшчәнлек" темасына багышланган иде. Очрашу барышында  кунакларга ике мастер класс тәкъдим ителде. Югары категорияле  башлангыч класс укытучысы Тазетдинова Г.Р. "ЗДВР лар клубы-шәп клуб!" темасы астында мастер класс үткәрде.Ул уен формасында укытучыларны эшлекле атмосферада коллективны берләштерү үзенчәлекләрен ачты, ЗДВР лар клубының туган көнен билгеләп, туган көн торты пешереп, күңелле һәм файдалы очрашу  оештырды. Бәйрәмнең икенче өлешендә югары категорияле физика укытучысы  Нуриева Р.Р. "Гомерләрдән, дәверләрдән хәтер кала..." исеме астында мастер класс тәкъдим итте. Ул үзе төзегән "Хәтер" сайты  белән кунакларны таныштырды, мәктәптә эзләнү эшчәнлегенең ничек оештырылуы хакында сөйләде. Очрашу укучыларның патриотик рухтагы җырлары һәм биюләре белән бергә үрелеп барды.Семинарда катнашучыларга әлеге чара файдалы һәм кирәкле булгандыр дип ышанып калабыз.

6 нчы сыйныф укучысы Каримова Алинә татар теле фәне буенча республика күләмендәге олимпиадада катнашып, 3 нче урынны яулады ( укытучысы: Сабитова Тәслимә Әфләтуновна). Аның киләчәктә дә яңа үрләр яулавын телибез.

      Шушмабаш урта мәктәбе директоры Шәймарданова Рәзилә Габделнуровна "Ел хатын-кызы" республика бәйгесенең зона этабында "Хатын-кыз- лидер " номинациясендә җиңү яулады. Рәзилә Габделнуровнаны зур уңышы белән чын күңелдән котлыйбыз!!!

Бүген татар халкының каһарман улы, герой шагыйрь, Советлар Союзы Герое Муса Җәлилнең тууына 110 ел булды.  Муса Җәлил - немец фашистларына каршы батыр көрәше, ялкынлы шигьри әсәрләре - Моабит дәфтәрләре" белән дөньяга танылган шагыйрь . Ул Ватан сугышына кадәр үк өлгергән язучы иде. Аның "Җиһан", "Хат ташучы" поэмаларын яратып укыйлар, "Җырым сиңа булсын", "Дулкыннар", "Сагыну", "Җир җиләгем" кебек лирик шигырьләренең күбесе җыр итеп җырлана. М.Җәлил - балалар шагыйре, тәрҗемәче, балалар матбугатын оештыруда башлап йөрүче, мәктәп программасы һәм дәреслекләрнең торышын, балалар әдәбиятының үсеш перспективаларын билгеләүче рецензияләр һәм мәкаләләр авторы. 

Безнең мәктәбебездә дә шагыйрьне искә алу уңаеннан классларда тәрбия сәгатьләре уздырылды. Укучылар аның әсәрләренә иллюстрацияләр ясадылар, шигырьләрен өйрәнделәр.  Укучыларга шагыйрь турында күп мәгълүмат бирүче, Муса Җәлилнең иҗатын яктырткан күргәзмә  эшли. 

12 февраль  көнне  8 класс укучыларыннан торган команда  Лесхоз мәктәбе базасында үткәрелгән  хәрби- патриотик  “Аҗаган”  уен-ярышында катнаштылар. Зона ярышында 11 команда катнашты. Күптөрле сынауларны тырышып  үттеләр алар.  Елдагыча матур әзерлек белән, ярышларда сынатмадылар, уенның  таләпләренә туры китереп уйнадылар. Активлыклары  өчен рәхмәт белдереп, алга таба тагын да уңышлар телибез.

Укучылар робототехника түгәрәгенә бик теләп йориләр

Кабатланмас балачак иленең иң зур бәйрәмнәренең берсе - Әлифба бәйрәме. Җир йөзендә кем генә булмасын,кайда гына эшләмәсен, ул дулкынлану белән үзенең нәни кулларына тәүге тапкыр Әлифба алганын искә төшерә.Чөнки һәр кемнең дә белем дөньясына беренче адымы Әлифбадан башлана.Бүген 1 нче класс укучылары үзләре яратып укыган беренче дәреслек  -  "Әлифба" белән саубуллашалар.

Бүген бездә зур бәйрәм,

Һәммәбез дә шат безнең.

Соңгы битен укыдык

Кичә Әлифбабызның!

Без бит хәзер һәммәбез дә

Укый-яза беләбез.

Моның өчен  Әлифбага

Бик зур рәхмәт, диябез!