Шушмабаш урта мәктәбе "Эковесна 2016" республика конкурсында катнашып "ЭКОШКОЛА" номинациясендә җиңү яулады. Әлеге конкурска мәктәбебез коллективы экологик икеайлык кысаларында башкарган эшчәнлеген тәкъдим итте.  Тирә-юнь  чисталыгын даими кайгырту, чишмәләрне тәрбияләү, агачлар утырту, мәктәп яны территориясенең матурлылыгын, зәвыклылыгын булдыру һәм табигатьне саклау- безнең бурыч.

Матур гына эшләп алганнан соң ,  егетләр һәм кызлар командары арасында волейбол  ярыш булды.Укучыларыбыз бу ярыштан бик канәгать калдылар көн файдалы һәм кызыклы үтте.

Иртәнге аштан соң куркынычсызлык кагыйдәләрен аңлатып табигатькә сәяхәткә чыктылар. Рәхәтләнеп ял иттеләр,табигатьне күзәтеп,чәчәкләр,дару үләннәре җыеп кайттылар.

Төшке аштан соң "Уеннар,кызыклар,мәзәкләр иртәсе" аеруча күңелле узды.Һәркемнең күңеле шат иде. Көн файдалы,кызыксыну уята торган,күңелле булды.

Иртәнге гимнастика,иртәнге аштан соң "Ел фасылларына сәяхәт" дип исемләнгән мероприятие үткәрелде. Яз,көз, җәй,кышның үзенчәлекле билгеләре белән танышылды,төрле күңелле биремнәр үтәлде.

Көннең икенче яртысында шау-гөр килеп 5*5 уены уздырдык.Һәр биремне балалар кызыксынып,теләп башкардылар.Көн салкынча, яңгырлы булса да ,балалар шат күңелле иделәр,күтәренке рух белән таралдылар.

Бүген иртәдән яңгыр булганлыктан балалар мәктәп эчендә эшләделәр.Алар библиотекарь Ләлә Фоатовнага китапларны ремонтларга, полкаларны чистартырга һәм китапларны икенче уку елына әзерләргә булыштылар 

Кичәге көн күңелле узгангадыр,балалр бүген шат күңел белән җыйналдылар.Көндәлек чаралардан соң (иртәнге аш,гимнастика)  Рус халкының бөек поэты А.С.Пушкинның туган көне уңаеннан презентация карадык. Шул уңайдан КВН- викторина үткәрелде.

Төшке аштан соң, А.С.Пушкинның әкиятләрен карадылар. Ахырдан шул әкиятләргә рәсем конкурсы үткәрелде.

Бүген лагерга йөрүче балаларыбыз "Арча" боз сараенда кунакта булдылар.Алар анда рәхәтләнеп ял итеп кайттылар.

Лагерьда бүген тылсымлы көн. Балаларны тәрбиячеләр әкият геройлары киемнәреннән каршы алдылар.Кайберләрен хәтта балалар таный алмыйча тордылар.Бик күңелле итеп "Әкичттә-кунакта" кичәсе үткәрделәр.Балалар үзләренең кичерешләрен яшерә алмыйча,"Әкият илендә" булдык дип шатландылар. 

Көннең икенче яртысында спорт мәйданчыгында "Көчлеләр,кыюлар,җитезләр" күңелле стартлар уены үткәрелде.

Матур гына эшләп алганнан соң тәмле ашлар белән сыйлангач инде уйнарга да була дип бераз уйнарга булдык. Тәрбиячеләребез балаларга бик мавыктыргыч уеннар уйнаттылар.Укучыларга бик ошады көн бик күңелле һәм файдалы үтте.

Бүгенге көн дә иртәнге зарядкадан башланып китте.Балалар көне буена җитәрлек энергия алганнан соң тырышып эшкә керештеләр.Ял вакытында тәрбиячеләре белән берлектә урманда үз-үзеңне тоту кагыйдәләрен искә төшерделәр.