Җәйге каникул айларында да мәктәп яны тәҗрибә участогында актив хезмәт дәвам итә. Җирне әзерләп һәртөрле яшелчәне утыртканнан соң су да сибәсе булмады бит быел. Явым- тәшем шулкадәр мулдан булды яшелчәсе дә, янәшәсендә чүбе дә күкрәп үсә. Яңгырлар озак вакыт бакчага керерлек итмәде, ни бары июньнең  уннарыннан соң гына, икенче тапкырын  җиң сызганып эшкә тотынырлык булды. Әйе, чын мәгънәсендә кызу эш кайнады бу чорда. Бакча җитәкчесе Әнис Равилевич контрольлегендә, график нигезендә балалар белән  берлектә тырышып эшлэргә өлгерделәр: Ләлә Фоатовна,Рузилә Рафиковна, Рәмлә Равилевна, Эльвира Альбертовна һәм Тәслимә Әфләтуновналар. Әлеге укытучылар үз атналарындагы укучыларны барлап, аларның иминлеген кайгыртып, хезмәтне саклап, үзләре дә укучылар белән янәшәдә бик теләп булсын диеп, тырышып эшләделәр. Ул арада булмады барлык коллективыбыз җыелып  бердәм итеп күп эшләрне күмәкләшеп тә башкарып ялт итеп куйдык бакчабызны. Участоктагы һәр эш - бакчачылык серләрен, агрономия фәнен яхшы белгән, ару -талусыз хезмәте, киңәше  белән һәрберебезгә үрнәк, ярдәмчел, үз тәҗрибәсен теләп,яратып уртаклашучы чын бакчачы - Әнис Равилевичның эш планы нигезендә алып барыла. Киңәшле эш таркалмас, - ди борынгылар. Алла боерса мул уңышыбызны да имин җыярга, яратып ашарга насыйп булсын гына - дигән теләктә калабыз.

Кышын - агроном, җәен - укытучы булыр идем,- дигән ярым шаяру әйтем дә бар бит. Әмма нигәдер, хәзер кышлар да, җәйләр дә кыска кебек, вакыт чаба, без куабыз...  Еллар арты еллар үтә. Бик озын кебек тоелган укытучы яллары да шундый тиз уза ахыры. Укытучының да  барысына да өлгерәсе килә: каралты - кура, бакчасы, каз -үрдәк, чебешләр, җиләкле болыннар, су буйлары, печәне,  кайнатма -салатлары.... әз генә булса да яллары. Хөрмәтле коллегаларым, һәрберсенә җитешергә теләп, үзегезне саклап, якыннарыгызның барлыгын, кайгыртуын  тоеп, гел шулай тормышны  яратып, күркәм яшәгез. Имин очрашулар, матур эшләр, тыныч тормыш көтсен һәммәбезне дә! 

    Классташлар очрашырбыз,- диеп таралышабыз да, ни арада гомер үтә...    Бер ел,ике, өч, биш, ун ...  Әйе,  тикмәгә генә кеше гомерен аккан сулар белән тиңләмиләр бит... Әле генә син озатып, борчылып калган егет- кызлар, күр нинди чибәр, күркәм булганнар, югары белем алганнар, гаилә корганнар, ул - кызлар үстерәләр, матур итеп яшиләр, эшлиләр. Ә син шуны теләгән идең түгелмә соң Укытучы?                                                             Укытучым, хәлең ничек? - дигән  сорауны ишетү иң зур куанычтыр ул мөгаен. Унбиш ел вакыт йөгереп үткән дә киткән. Менә бүген яшь коллегабыз Гүзәл Рузалевна классташлары белән  класс җитәкчеләре - Чулпан Миннуловна һәм Эльвира Альбертовналарны очрашуга чакырдылыр.Күпме хәтирәләр, истәлекләр яңарды, елмаю, эчкерсез аралашу - һәрберсенә яшәү дәрте өстәде, күңелләрендә горурлык уятты. Очрашып хәлләр белешеп яшәргә алга таба да шулай  һәркемгә насыйп булсын.

Башка еллардан аермалы буларак, быелгы җәй яңгырларга бик бай булды. Яңгыр булган елны җиләк куп була. Шунлыктан балаларыбыз болын буйлап сибелеп, әти-әниләр белән берлектә рәхәтләнеп җиләк җыя. Яңа уку елын тагын да чыныгып, сәламәтлекне ныгытып каршы алабыз.

Мәктәп яны тәҗрибә участогында эш дәвам итә. Бүген укытучы А. Р. Шаймарданов җитәкчелегендә сарымсак аралары эшкэртелде.

Укытучылар көче белән мәктәбебез ишегалдында төрле төстәге буяулардан балаларга сикереп уйнар өчен урыннар ясалды. Шулар белән беррәттән беренче ярдәм, янгын, газ, полиция хезмәткәрләренең телефон номерлары һәм шартлы билгеләре ясалды.Экстремаль хәлләрдә беркем каушап калмасын!

Балаларны җәйге каникулга озатканда  әти-әниләргә куркынычсызлык кагыйдәләре аңлатылып памяткалар бирелде. Шуңа  да карамастан, без һәрдаим әти-әниләр һәм балаларга саклык кагыйдәләрен искәртеп торабыз.Укучыларыбызның исән-имин укырга килүен көтеп калабыз.

Без, табигать фәннәре укытучылары, чын күңелебездән коллегабыз, остазыбыз - Лилия Шагимулловнаны күркәм юбилее белән кайнар котлыйбыз. Үз эшенең остасы булган, киң күңелле, ярдәмчел, үтә дә тырыш  Укытучы апабызга ныклы сәламәтлек,тигез тормыш, күңел тынычлыгы теләп балаларының игелеген, укучыларының рәхмәтен, авылдашларының хөрмәтен тоеп гел шулай матур яшәвегезне телибез. Эшегездә,тормышыгызда уңышлар юлдаш булсын Сезгә!  Сез - Чын мөгалиммә апа  бит - диябез.

Бүген хөрмәтле коллегабыз  Фәридә Марсельевнаның туган коне. Аны гомер бәйрәме белән ихлас күңелдән тәбрик итәбез. Тазалык, тынычлык, тигезлектә  кызларының игелеген куреп, бәхетле озын гомер кичерүен телибез.