1 декабрь-Халыкара СПИДка каршы көрәш көне уңаеннан һәм сәламәт яшәү рәвешен пропагандалау максатыннан "Самостоятельные дети" проекты членнары чираттагы акция уздырдылар.Укучыларга сәламәт яшәү рәвеше турында чыгыш тәкъдим иттеләр, СПИД афәте турында информация бирделәр, классташларының түшенә кызыл ленталар беркеттеләр.

       1 декабрь-Бөтендөнья СПИДка каршы көрәш көне уңаеннан һәм сәламәт яшәү рәвешен пропагандалау максатыннан классларда тәрбия сәгатьләре үткәрелде. Класс җитәкчеләре укучыларга куркыныч чир белән йогышлану юллары турында сөйләделәр, әлеге замана афәтенә юлыкмаска чакырдылар.

 Бүген  11 класс укучылары БДИга әзерлек максатыннан   пробный имтихан  эшлиләр. КИМ материаллары сайлау фәннәре химия, биология, тарих  буенча бирелде.Укучыларга уңышлар телибез!.

Шекә башлангыч мәктәбе укучылары үзләренең өйрәнгән спектакльләрен кечкенәләргә, Шекә детсад балаларына күрсәттеләр. Артистларыбызга уңышлар телик. 

29 ноябрь көнне мәктәбебезнең театр коллективы "Сәйяр" республика балалар һәм яшьләр театр фестиваленең зона ярышларында катнаштылар.Театр коллективы һәрвакыттагыча үзенчәлекле, зәвыклы, матур чыгыш тәкъдим итте. Театр коллективына, җитәкчесе Вильданова Г.Ш.   зур рәхмәт! Иҗади уңышлар!!!

  28 ноябрь көнне Шушмабаш мәдәният йортында Әниләр көне уңаеннан Бәйрәм концерты узды. Концертта укучыларыбыз үзләренең күпкырлы эшчәнлеген: фольклор күренешләр, спектакльдән өзекләр, кызыклы интермедияләр, матур җыр-биюләр тәкъдим итте. Шыгрым тулы залда көчле алкышлар ярдәмендә караучы тамашачылар  чыгышларга югары бәя бирде.Бәйрәм концертын әзерләүче укытучыларга зур рәхмәт!!!

Учащиеся нашей школы участвовали на республиканском соревновании JS "Мобильная робототехника" в г. Буинск.

Шекә башлангыч мәктәбендә әниләргә багышланган кичә үткәрелде.

Җәмгыятебез дә әниләрнең ижтимагый әһәмиятен күтәрү максатыннан Россия Федерациясе Президентының 1998 елнын 30 гыйнварында чыккан №120 номерлы карары нигезендэ Россиядә ноябрь аеның сонгы якшәмбесе ел саен “Әниләр көне” булып билгеләп үтелә. Быел ул 26ноябрь(иртәгә) көненә туры килә.

Кадерле, газиз әниләребез! Сезне бәйрәмегез белән чын йөрәктән котлыйбыз. Сезгә ныклы сәламәтлек, озын гомер телибез. Балаларыгызга картайган көннәрегездә дә терәк булып, ә сезгә, гомер буе алар янәшесендә, кадер – хөрмәттә яшәргә язсын. 

 Сәламәт яшәү рәвешен пропагандалау максатыннан һәм Әниләр көне уңаеннан "Самостоятельные дети " проекты членнары "Сәламәт бала-сәламәт әни" акциясен уздырдылар. Авылыбызның үзәк урамында әниләребезне якынлашып килүче бәйрәм белән котладылар, аларга кояш төсендәге ленталар беркеттеләр, үзләренең ярату хисләрен белдергән "Йөрәк"ләр өләштеләр.

 18 ноябрь көнне Арча шәһәрендә "Тату сыйныф серләре" ата-аналар комитетлары конкурсының муниципаль этабы булып узды. Конкурста Шушмабаш урта мәктәбенең 7 нче класс ата-аналар комитеты катнашты .Ата-аналар, укучылар, класс җитәкчесе Гөлназ Ильясовна бердәм  команда булып чыгыш ясадылар.Аларга киләчәктә дә уңышлар телибез!