Бүген Шушмабаш урта мәктәбендә "Арча хәбәрләре" газетасы призына шахмат ярышы булып узды. Ярышта Арча, Балтач, Саба районнары командалары көч сынашты. 1 урынны   Балтач гимназиясе, 2 урынны   Саба гимназиясе, 3 урынны    Ашытбаш урта мәктәбе командалары яулады.Җиңүчеләр мактау грамоталары һәм  кубоклар белән бүләкләнде. Безне хөрмәт итеп килгән барлык спортчыларга, тренерларга, иганәчеләргә зур рәхмәтебезне җиткерәбез!

Шушмабаш урта мәктәбендә 16 нчы гыйнвар көнне татар теле һәм әдәбияты укытучысы Гобәйдуллина Эльвира Альберт кызы күренекле тарихчы, педагог, мәгърифәтче Шиһабетдин Мәрҗәнинең тууына 200 ел тулуга багышланган кичә үткәрде. Анда авылыбыз китапханәчесе Зарипова Чулпан Фәргать кызы һәм мәдәният йорты хезмәткәре Мөхәммәтшина Динә Габделхак кызы да катнашты. Укучыларга бик тулы эчтәлекле мәгълүмат җиткерелде. 

Халыкара РӘХМӘТ көне уңаеннан мәктәбебездә акция үтте. Элеге акциядә башлангыч класс укучылары да бик теләп катнашты. Агачыбыз тылсымлы сүзләргә баеды.

Бүген Шушмабаш урта мәктәбе коллективы "Барыбыз да чаңгыга!" акциясендә катнашты. Укучылар,укытучылар, әти-әниләр  чана-чаңгыда шудылар, рәхәтләнеп  кышкы уеннар уйнадылар,эстафетада катнаштылар.Ахырдан Кыш бабай  дискотекасында туйганчы биеделәр, тәмле күчтәнәчләрдән авыз иттеләр.

26 декабрь көнне мәктәпнең олимпиада да , төрле бәйгеләрдә актив катнашып җиңүче укучылар Тазетдинов Динарис, Каримова Алинә, Нигматзянова Наилә,Ахмадуллина Лилия Арча районы  администрация башлыгының чыршы бәйрәмендә катнашып кайттылар. Бәйрәм чарасы бик күңелле булды.

Хөрмәтле коллегалар!

  Сезне барыгызны да декабрь бураннары алып килгән Яңа ел бәйрәме белән котлыйбыз!  Бәйрәмегез мөбарәк, ризык тулы өстәлегез түгәрәк, күңелле, куанычлы булсын. Эшләрегез уң булсын, күңелегездәге мәрхәмәтлелек нуры йөзегезне тагын бизәсен. Бусагаларыгыздан караңгылык, салкынлык, хәвеф-хәтәр атлап кермәсен, бәла-каза йөрмәсен. Бәхетле мизгелләр, матур вакыйгалар, яхшы хәбәрләр, саулык-сәламәтлек алып килсен Яңа ел. Гаилә бәхетегез учагы гел балкып торсын.

Шекә башлангыч мәктәбендә Чыршы бәйрәме үтте. Укучылар җырлап, биеп күңел ачтылар. Кыш бабай белән Кар кызы яңа ел белән котлап, бүләк өләште. Яңа еллар уңышлы булсын.

23 декабрь көнне мәктәпнең Яңа ел чыршысы урнаштырылган, матур итеп бизәлгән заллары иртәнге 9.00 дан кичке 20.00 гә кадәр шау -гөр килеп торды.  Бу көнне өч сменада чыршы бәйрәмнәре үткәрелде.Балалар Кыш бабай, Карсылу, әкият геройлары Шүрәле,Убырлы белән очраштылар. Бөйрәмгә багышланган шигырьләр, җырлар, биюләр башкардылар. Кыш бабайдан баллы күчтәнәчләр алдылар. Чыршы бәйрәменә әти-әниләр, әби-бабайлар дә күп булып килгәннәр иде. Балаларының уңышларына сөенеп рәхәтләнеп ял итеп киттеләр алар.

Чыршы төсле, утлар балкый, яна.
Ай кояшны кочкан, күктән йолдыз ява.
Тотынышыйк, дуслар, кулны кулга,
Ак бәхетләр телик барсына.
Яңа елга язсын бергә аяк басарга.

Яңа ел, яңа өмет,
Шатлык, яңа бәхет килә.
Каршы алыйк, әйдәгез,
Бергә-бергә дуслар белән.

Сегодня на базе нашей школе прошел районный семинар профсоюзной организации работников образования