Әле кайчан гына мәктәп ишекләрен киң итеп ачып укучыларны кабул иткән булсак, инде бүген  Әлифба бәйрәмнәре гөрли. Мәктәбебезнең  14 укучысы, ныклы әзерлек белән бәйрәм итеп, беренче китап белән хушлашты. Әти-әниләр катнашында үткән әлеге бәйрәм яхшы кәеф, күтәренке рухта үтте. Уңышлар сезгә, укучылар! 

Мәктәбебездә туган тел һәм тарих атналыгы башланды. Атна дәвамында  укучыларны интеллектуаль бәйгеләр, эчтәлекле класс сәгатьләре, күңелле чаралар көтә. 

 15 февраль-Әфган сугышы геройларын искэ алу көне уңаеннан мәктәптә батырлык дәресләре үтте. Класс җитәкчеләре Әфган сугышы геройларының батырлыгы, әфганчы-интернационалист якташларыбыз хакында укучыларыбызга күп мәгълуматлар җиткерделәр, әфган җирендә башын яуда салган газиз якташларыбыз истәлеген бер минутлык тынлык белән искә алдылар.

Хәрби - патриотик айлык уңаеннан бүген 5-8 класс егетләре арасында хоккей ярышы үтте.

16 февральдә Мамадыш шәһәрендә мәктәп укучыларының Академик К.А.Валиев исемендәге III Идел буе фәнни-практик конференциясендә 2 класс укучысы Самигуллина Иркә (җитәкчесе - Тазетдинова Г.Р.) призлы III дәрәҗәдәге дипломга ия булды. Ул "Рюкзак астым  җилкәмә" исемле проектын яклады. Котлыйбыз!!!

Бүген мәктәбебездә биатлон ярышы узды. Бу ярышта башлангыч укучылары бик актив булды. Барлык укучыларда бик теләп катнаштылар һәм уңай нәтиҗәләр күрсәттеләр.

Тимурчылар – дөньяны яхшы якка үзгәртергә омтылучылар, яхшылык эшләргә тырышучылар. Алар аңлы, ирекле рәвештә һәм файда күрү максатын куймыча, башкаларга булыша.Бик көчле бураннардан соң олы кешеләргә генә түгел, сау-сәламәт кешеләргә дә йөрү кыенлашты. Юлларны кар көртләре басты.Безнең мәктәпнең актив тимурчы отрядлары бураннар басылгач ярдәмгә мохтаҗ ,ялгыз әби-бабайларга,тыл ветераннарына ярдәмгә ашыктылар.Ишек алларын,капка төпләрен карлардан чистарттылар. 

Бүген Арчада мәктәпләр арасында "Аҗаган" уены булды. Анда районыбызның урта мәктәпләре көч сынашты.Бу уенда безнең укучыларыбызда катнашты һәм лаеклы 2 урынны яуладылар (җитәкчеләре Гараев Р.К.). Укучыларны һәм укытучыларын шушы җиңүләре белән котлыйбыз.

Бүген 10 класс командасы һәм мәктәпнең җыелма командалары арасында дусларча хоккей ярышында көч сынаштылар. Бу ярышта 10 класс командасы җиңү яулады. Афәрин егетләр!

Бүген башлангыч класслар арасында ( 2 класс һәм 3,4 класс җыелма команда) хоккей ярышы булып узды.Кискен ярыштан соң 2 класс командасы җиңү яулады.аларны шушы җиңүләре белән котлыйбыз.