Мәктәбебездә  "Педагог на все времена" проекты кысаларында тәҗрибә уртаклашу дәвам итә. Бүген озак еллар Шушмабаш урта мәктәбендә тарих һәм җәмгыять белеме фәннәреннән белем биреп лаеклы ялга чыккан Яббарова Н.А. 9 нчы сыйныфларда "Совет Социалистик Республикалар Союзы төзелү" темасы буенча ачык дәрес күрсәтте. Тәҗрибәле укытучы үзенең матур сөйләме, кызыклы, файдалы эш төрләре белән укучыларны бик тиз үзенә җәлеп итте. Ә укытучылар өчен бу чын мәгънәсендә осталык дәресе булды. 

Бүген 5-7 нче сыйныфларда "Матросовчылар кемнәр алар? " дип исемләнгән сыйныф сәгате узды. Укучылар  Матросовның тормыш юлын искә төшерделәр, батырлык төшенчәсе турында фикер алыштылар. Шулай ук, авылдашыбыз Матросов батырлыгын кабатлаган Кәрим Исхаков турындагы мәгълуматларны да бик игътибар белән  тыңладылар, үзләрен кызыксындырган сорауларга җавап таптылар.

16 февральдән-28 февральгә кадәр  мәктәбебездә "Армейский сундучок" акциясе игълан ителде. Укучыларыбыз әтиләренең, бабайларының армиядән сакланып калган истәлекләрен җыеп күргәзмә оештырдылар. Күпме истәлекле ,алар өчен кадерле әйберләр килмәде күргәзмәгә. Фотолар, альбомнар, солдат хатлары, киемнәре, кулъяулыклар, солдатның бер көнлек ашау кирәк-яраклары. Акциядә укучыларыбыз бик теләп катнаштылар.

22 февраль көнне Ватанны саклаучылар көненә багышланган 5-8 класс егетләре катнашында "Ягез әле, егетләр" бәйгесе үткәрелде. Егет кешегә җитмеш төрле һөнәр дә аз, диләр. Бүген без егетләрне төрле өлкәдәге һөнәрләрләрен сынадык. Егетләребез бәйгедә кадак та кактылар, бәрәңге әрчеделәр, төрле интелектуаль сорауларга җавап бирделәр.Бәйрәм бик күңелле булды

Ватанны саклаучылар көне - 

Чын ирләрнең бүген бәйрәме.

Туар таңнарыбыз тыныч булсын,

Артсын бәхет-шатлык күләме!

Бәйрәм унаеннан укучыларыбыз үз куллары белән әтиләргә бүләк ясадылар. Күңел җылысын бире пэшләгән эшләре бик матур килеп чыкты. Әти-әни тигезлеге белән үссен балалар!

Туган тел көне уңаеннан 21 нче февральдә "Дөньяда иң матур тел- ул минем туган телем " дип исемләнгән әдәби-музыкаль  кичә үткәрелде. Күренекле шәхесләрнең иҗаты искә төшерелде, туган тел турында шигырьләр сөйләнде, җырлар җырланды. Кичәне оештыручы укытучыларга һәм катнашкан укучыларга бик зур рәхмәт.  

Мәктәбебез музееннан бүген укучылар өзелмәде.  Берәүләрне авыл , мәктәп тарихы кызыксындырса, икенчеләр Бөек Ватан сугышын яктырткан экспонатлар  янында булды. Ничек кенә булмасын  һәр укучы үзен кызыксындырган сорауларга җавап таба алды. 

Айлык кысаларында бүген мәктәбебездә 2-4 класс малайлары  5-6 класс егетләренә каршы хоккей ярышында катнаштылар.Уен бик көчле булды. Кечкенә генә булуларына карамастан башлангыч сыйныф малайлары сынатмадылар.Уенның бөтен тәртипләрен саклап бик матур уен күрсәттеләр.Нәтиҗә 2:7 5-6 класслар файдасына.

Тарих атналыгы кысаларында  "Законнарны төгәл үтә" дип исемләнгән интеллектуаль-хокукый бәйге үтте.  Ачык чарада 6-7 нче сыйныф укучылары көч сынашты.  Укучылар   хокукый мәсьәләләр чиштеләр, төрле ситуацияләрдән чыгу юлларын эзләделәр, үзләрен чын хокук белгечләре итеп күрсәттеләр. Афәрин!