Көннең  икенче яртысы "Без бергә" дип аталган республикакүләм халык иҗаты конкурсының беренче этабына багышланды. Укучыларыбыз төрле номинацияләрдә көч сынашты.  Конкурсның икенче этабы 21 мартта Ашытбаш мәдәният йортында узачак. Укучыларыбызга уңышлар телибез!

Мәктәбебезнең икенче сыйныф укучылары бүген балалар табибәсе Сәйфетдинова Г.Ә. белән очрашуда булды. Яшь эзләнүчеләрне иң актуаль мәсьәләләрнең берсе булган күз күреме, күз авырулары темасы кызыксындырды. Мәктәп укучылары арасында күз авырулары елдан-ел арта бара.  Табибә авыруларны булдырмау өчен дөрес туклану, сәламәтлекне ныгыту, компьютер, телевизор артында утыруның вакытын чикләү, уку гигиенасы кагыйдәләрен үтәүнең мөһимлеген аңлатты, күзләр өчен күнегүләр өйрәтте, укучыларның күпсанлы сорауларына җавап бирде. Очрашу һәркем өчен бик файдалы, кызыклы булды.

"Весення неделя добра" кысаларында 13 март "Слово есть поступок"көне уңаеннан укучылар Л.Н.Толстойның балалар өчен язылган әсәрләре белән танышты. Ул  әсәрләр укучыларда кызыксыну уятты.

Башлангыч сыйныфлар  атналыгының икенче көне. "Көндәлек - укучы көзгесе" дип исемләнгән чарада һәр укучының көндәлек тотышы тикшерелде, үрнәк көндәлек ияләренә  грамоталар тапшырылды. 2 сыйныфта сынлы сәнгать фәненнән ачык дәрес уздырылды. Укучылар Бөтендөнья авиация һәм космонавтика көненә багышлап фантастик  пейзаж ясадылар. Әйләнә-тирә дөнья, технология фәннәре белән бәйле булган әлеге дәрес бик күңелле, мавыктыргыч булды. Дәрескә әти-әниләрнең дә килүе һәркем өчен файдалы булды.

3 һәм 4 сыйныф укучылары арасында "Кызыклы математика" дип исемләнгән чара уздырылды. "Дуслар" һәм "Тапкырлар" командасы үзара көч сынашты. Математика - фәннәр патшасы.  Укучылардан тапкырлык та, зирәклек тә соралды. Ләкин укучыларыбыз сынатмадылар, барлык биремнәрне дә җиренә җиткереп башкардылар. Алга таба да уңышлар юлдаш булсын!

Бүген мәктәбебездә башлангыч сыйныфлар атналыгы башланды. Иртәнге линейкада укучыларга  атналыкның  программасы җиткерелде.  Укучыларны кызыксындыру максатыннан һәр кабинет ишегенә  ребуслар, кроссвордлар, башваткычлар эленде. "Кем дәфтәре иң шат йөзле?" дип исемләнгән пөхтә дәфтәрләр бәйгесе игълан ителде. Атналыкка рәхим итегез!

Атналыкның беренче көне итеп мәктәпнең актлар залында кызлар арасында бәйге үткәрелде. Ике командага бүленеп кызларыбыз төрле күңелле биремнәрдә сынашты. Бәйге матур җырлар, биюләр белән үрелеп барды. Мавыктыргыч бәйгегә жюри нәтиҗә ясады.

Әни... Өч хәрефтән торган бу сүздә күпме наз, җылылык һәм күңел тойгысы! Әни... Һәр кеше өчен иң кадерле, иң сөйкемле зат ул! Шекә башлангыч мәктәбендә 8- март бәйрәме үткәрелде. Укучылар әниләрен  котладылар, бүләкләр тапшырдылар, концерт күрсәттеләр.

6 класс егетләре арасында үткәрелгән "Мистер математик" конкурсында укучылар төгәллеккә, тапкырлыкка сыналдылар. Алар кызыклы мәсьәләләр чиштеләр, уеннар уйнадылар, кызыклы конкурсларда катнаштылар. Беренче урынга 6 класс укучысы Габдрахманов Ильяс ия булды.

Сегодня в рамках недели математики, физики и информатики состоялось увлекательное внеклассное мероприятие "Числа Фибоначчи",  с участием учащихся 10-11 классов.