Башлангыч сыйныф укучылары өчен рус телендәге мультфильмнар инглиз телендә күрсәтелде. Укучылар таныш мультфильмнарының инглиз телендәге янгырашын кызыксынып күзәтеп һәм тыңлап утырдылар

6-8 укучыларыннан торган командалар, Бөекбритания турындагы белемнәрен, “Do you know Great Britain?” дип аталган викторинада катнашып күрсәттеләр. Командалар арасындагы ярыш “Smart pupils” командасының җиңүе белән тәмамланды

2 класс укучыларының иң шатлыклы көннәре. Класстагы 17  укучыны “Карлыгач” балалар оешмасына кабул иттек.

5-8 сыйныф укучылары өчен Лондон шәһәре турында видеролик күрсәтелде. Укучылар шәһәрнең барлыкка килү тарихы, күренекле урыннары белән танышты.

Озын тәнәфестә 5-11 сыйныф укучылары өчен “Переменка для любознательных” уены үткәрелде. Укучылар Бөекбританиянең күренекле урыннары сурәтләнгән картинада нәрсә җитмәвен, рәсемдәге кешеләрнең кем икәнлеген, мәкальләрнең рус теленә тәрҗемәсен белде һәм башка төрдәге биремнәр чиште. 10 сыйныф укучылары бигрәк тә актив булды. Аларга:” Афәрин!” һәм “Рәхмәт!” диясе килә. 

5 сыйныфта “Достопримечательности. Тадж Махал.” темасы буенча ачык дәрес булды. Укучылар Тадж Махалның бинасы,аның эшләнү тарихы белән таныштылар. Темага карата күп биремнәр эшләделәр

Иртә белән 8-10 сыйныф укучылары видеоролик карарга җыелды.Алар Бөекбританиянең хатын-кыз патшасы Елизавета һәм аның гаиләсе, алар гаиләсендәге кагыйдәләр белән танышты.

10 сыйныфта инглиз теленнән ачык дәрес булып үтте. Алар инглиз телле илләрдә мәктәп системасы белән таныштылар. Күп төрле эш алымнары кулланып дәрес эшлекле үтте. Укучылар фәнне яхшы белүләрен һәм кызыксынып укуларын күрсәттеләр.

5-6 класс укучылары инглизчә квест уйнады. Башлангыч сыйныфтан алып бүгенге көнгә кадәр алган белемнәре биремнәрне үтәп чыгарга ярдәм итте.

Бүген мәктәбебездә инглиз теле атналыгы башланып китте. Укучылар атна дәвамында үтәчәк чараларның планы белән танышты.