Ленинград блокадасы озакка сузылган һәм иң фаҗигале вакыйгаларның берсе. Ил тарихына җуелмас хәрефләр белән язылган бу көннәр барлык заманнарда да һәр буын өчен чиксез батырлык, чыдамлык һәм корычтай ныклы рух билгесе  ул. 27 гыйнвар көнне Ленинград блокадасын өзүгә 75 ел булу уңаеннан , 8-11 сыйныфлар өчен хәтер сәгате уздырылды.Чарада катнашкан укучылар дәһшәтле сугыш еллары вакыйгалары, Ленинград блокадасы турында күп мәгълүмат алдылар.

22 нче гыйнвар көнне, авыл китапханәчесе Зарипова Ч.Ф., 5-7 нче сыйныф укучылары өчен “Ленинград блокадасын өзүгә 75 ел  ” дигән темага класс сәгате үткәрде. Укучылар Ленинград халкының блокада вакытында кылган батырлыклары, күргән газаплары турында бик күп өстәмә мәгълүмат алдылар.

     Буген 8 класс укучыларын химикларга кабул иту тантанасы уткэрелде. 8 класс укучылары тантаналы шартларда химия фэнен яхшы узлэштерергэ, яратып укырга суз бирделэр.

 Табигать фәннәре атналыгы кысаларында "Могҗизалы иҗат дөньясы" стенды даими яңартылып торды. Бу стендка балаларның иҗат эшләре, табигать фәннәренә( химия, биология, география ) реклама плакатлары урнаштырылды.

Шимбә көне зур тантаналы чара белән башланып китте.   Периодик законны ачуга 150 ел тулуга багышланган  мероприятиедә 7-11 класс укучылары катнашты. Химия укытучысы Фатхрахманова Л.Ш. һәм химия укучы класслар мәктәпнең үз периодик системасын төзеделәр. Һәр химик элемент турында карточка төзеп, анда бик күп мәгълүматлар өстәп  укучыларга тәкъдим иттеләр.9-11 класс укучылары биологик практикумда катнашып, төрле биологик тәҗрибәләр куйдылар, микропрепаратлар ясап, микроскоп аша күзәтүләр алып барып, үзләренең белемнәрен ныгыттылар. Афәрин укучылар һәм табигать фәннәре укытучылары!!!

17 январь көнне мәктәбебездә ачык ишекләр көне үтте.Беренче өлештә мәктәпкүләм җыелыш үткәрелде. Укыту-тәрбия эшләре буенча директор урынбасары 1 яртыеллыкка йомгак ясап, укучыларның уңышлары, олимпиада нәтиҗәләре белән таныштырды, БДИ дагы үзгәрешләр белән таныштырды. Мәктәп директоры мәктәптәге гомуми мәсьәләләрне яктыртты, туклану, укучыларның иминлеген кайгырту буенча  чыгыш ясады. Икенче өлештә 1-11 классларда ачык дәресләр булды. Өченче өлештә спортзалда әтиләр патруле катнашында ГТО нормалары турында лекторий тынлаганнан сон, "Батырлар" бәйгесе оештырылды. 

    Җомга көне әңгәмәләр һәм  чаралар циклы белән башланып китте. 5-7 класслар өчен "Смешарики Пин-код" чарасы үткәрелсә, 8-11 класс укучылары химиядән "Химия күзлегеннән караганда могҗизалар" дигән иҗади проблемалы мәсьәләләр чиштеләр.9 нчы класста  химиядән "Фосфор" темасына ачык дәрес үткәрелде. Химия укытучысы Фатхрахманова Л.Ш. яңа тема өйрәнүне химиядән ОГЭ кодификаторлары белән тәңгәл китереп оештырган. Укучылар бер үк вакытта яңа теманы да үзләштерде, ОГЭ га да яхшы әзерлек формалашты.Биология укытучысы Хадиева Р.Р. 11 классларда "Кешенең килеп чыгышы" темасына дәрес-конференция үткәрде.Укучылар үз фикерләрен дәлили белә, аудитория алдында чыгыш ясау күнекмәләре камилләшә.Бүгенге көн биология укытучысы Самигуллина Ч.М. һәм 9-10 класс укучылары очрашуы белән тәмамланды.

  Бүген  мәктәптә "Ачык ишекләр көне  " кысаларында һәм әти-әниләрне , балаларны сәламәт яшәү рәвешенә тарту максатыынан Әтиләр патруле катнашында "Батырлар" бәйгесе үткәрелде.Һәр класстан әти һәм бала, шулай ук әниләр дә бу бәйгедә бик яратып катнашты. Беренче өлештә ОБЖ укытучысы Гараев Р.К. килгән кунакларга ГТО турында информация бирде. Аннары физкультура укытучысы Вафина Г.Р. ярыш-эстафета уздырды. Әти-әни, бала, укытучы бердәм эшләгәндә генә яхшы нәтиҗә безнең кулда булачак!!!

15 январь көне иртәнге 7.30 да 8-11 класслар өчен әзерләнгән "Суның организмда роле" видеоәңгәмә белән башланды.Укучылар сәламәтлек өчен бик мөһим булган суның кеше өчен никадәр әһәмияткә ия булуын ачыкладылар . Башлангыч класс укучылары исә химия кабинетына кунакка килде. Химия укытучысы Фатхрахманова Л.Ш. югары класс укучылары белән нәни дусларга "Химия иленә сәяхәт" оештырды. Шулай ук "Кем химиядән күбрәк мәсьәлә чишә?" конкурсы старт алды. Конкурста укучылар гына түгел, төрле фән укытучыларының да катнашуы чараны тагын да отышлырак итте. , Ә 8 нче һәм 11 класс укучылары исә ачык түгәрәк занятиесендә "Чужое сердце" уенында бик теләп катнаштылар. Сишәмбе көнне "Күңелле тәнәфес" рубрикасын 8 нче класс укучылары оештырды. Алар дусларына табигать турында шигъри мизгелләр бүләк иттеләр.

   16 нчы январь иртәсе 8-11 класслар катнашындагы "Бөек химиклар" дип исемләнгән телдән журнал белән башланды .Укучылар  химия фәнендә ачышлар ясаган галимнәр турында  күп файдалы информация әзерләп, алар белән иптәшләрен таныштырды. 5 нче класста "Бактерияләрнең төзелеше һәм тереклек эшчәнлеге "темасы буенча ачык дәрес үтте. Ә 10 класс укучылары БДИга әзерлек максатыннан "Молекуляр биологиядән мәсьәләләр чишү"  дип исемләнгән ачык дәрестә катнаштылар. Иҗади якын килеп , методик яктан  отышлы алымнар кулланып үткәрелгән дәресләр укучыларга көндәлек тормышта кирәк булырдай белемнәрне дә, алга таба уку хезмәтендә кирәк булачак информацияләрне дә үзләштерделәр.