Бакчабызда әти-әниләр җыелышы булып узды.Биредә бакча мөдире һәм төркем тәрбиячеләре катнашты.Әти-әниләргә чыгышта балалар бакчасында умк куллану турында сөйләнде.Мәктәпкәчә белем бирү учрежденияләрендә республиканың дәүләт телләрен өйрәтү программасының старт алуы; бу программаны тормышка ашыру өчен балалар бакчасы умк комплектлары, ноутбуклар,экраннар, белән җиһазлануы турында әйтелде.Бүгенге көндә яңа укыту методик әсбаплар, күрсәтмә материаллар, балаларның танып белү һәм фикерләү сәләтен үстерергә ярдәм итәрлек яңа заманча уеннары, эш дәфтәрләре белән эшләвебезне якыннан таныштырдык.

Бүген бакчабызда әниләр бәйрәмен билгеләп үттек.Бәйрәмчә бизәлгән залда балалар үзләренең әниләрен котлап төрле һөнәрләр күрсәттеләр.Бәйрәм бик матур,зәвыклы булды,әниләр катнашында кызыклы уеннар белән бергә үрелеп барды.Балалар да,әниләр дә шат иде.

Без тәрбиячеләр- балаларны рухи яктан бай, әхлаклы, физик яктан сәламәт итеп үстерү өчен төрле юлларны кулланабыз. Шуларның иң әһәмиятлесе һәм нәтиҗәлесе- уеннар. Уеннар, тәрбия чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатлар да тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә. Физик активлык, балаларда җитезлек, өлгерлек, кыюлык сыйфатлары тәрбияләү белән беррәттән, нәниләрнең игътибарын арттыруга, хәтерләрен үстерүгә дә булышлык итә. Уен вакытында балаларның иҗат мөмкинлекләре ачыла, мөстәкыйльлекләре арта, оештыруга сәләтләре үсә. Кечкенәдән алынган хәрәкәт күнекмәләре нәниләргә тышкы дөнья белән тирәнрәк танышырга ярдәм итә.

Яңа технологияләр ярдәмендә мәктәпкәчә тәрбия бирүнең сыйфатын үс­терү өстендә эшлибез.Бүгенге көндә бакчабызда тәр­бия һәм белем бирү процессында яңа мәгъ­лүмати-коммуникатив технологияләрне киң куллану мөмкинлеге бар. Бу нисбәттән сабыйларга үзләрен күр­сә­тергә мөмкинлек туа.Алга таба да Һәр шө­гыльне үстерергә, тагын да камиләштерергә дигән максат куябыз.