Белем көне белән, дустым,
Омтыл һәр көн белемгә!
Җиһанның бар төсмерләре
Чагыла уку-гыйлемдә!

Матур язу дәфтәрләрендә кулларны чыныктыру.

  Тирә-юньне чиста тоту безнең бурыч. Шимбә көнне үз участогыбызны җыештырдык.

     Яшүсмерләр белән эшләүче инспектор Нигъматуллин  Мансур Камбилович  балалар һәм педагоглар  белән очрашты. Ул районыбыздагы яшүсмерләр белән эшнең торышы турында сөйләде. Мансур Камбилович үз чыгышында интернет челтәрендәге балалар өчен куркыныч булган уеннар булуын, даими күзәтергә кирәклеген җиткерде. 

  Балалар врачы Рәфия Рашатовна бездә кунакта.Ул балаларның сәламәтлекләрен тикшерде, аларга үзенең киңәшләрен бирде.

  Табын әдәбе белән таныштыру;кунакчыл булырга өйрәтү; үзеңне әдәпле тоту күнекмәләре булдыру; кунакчыллык, чисталык кебек күркәм сыйфатлар , савыт- сабага сакчыл караш тәрбияләү.

Сәламәт яшәргә теләгән кеше чисталыкны бар урында да сакларга, тешләрне һәркөнне ике тапкыр юарга, атна саен мунча керергә, чәчне тарап, юып йөрергә, тырнакларны кисәргә, салкын су белән юынырга,  спорт белән шөгыльләнергә тиеш. Сәламәт тормыш рәвеше – кешенең һәр яктан үсешен,хезмәткә сәләтлеген, рухи байлыгын, сәламәтлеген тәэмин итә торган билгеле бер кагыйдәләрне үтәү ул.

Балаларның сөйләмен үстерүдә уеннарның әһәмияте зур. Уен – шөгыльдә алынган белемнәрне ныгыту чарасы да ул. Уен мәктәпкәчә яшьтәге баланың танып белү эшчәнлеген, иҗади фикерләвен һәм сөйләмен үстерә, уенда бала үзе белмәгәнне өйрәнергә, аны эшләргә омтыла. Шуңа да эшчәнлегемнең һәр төрендә үстерелешле уеннар кулланам.

Атаклы шәхесләргә ихтирам;батырлыкка,кыюлыкка соклану хисләре тәрбияләү.