23 февраль - Ватанны саклаучылар көне, ул - көч, түземлелек, мәрхәмәтлелек һәм туган җиреңә карата мәхәббәт бәйрәме. Ир-атлар арасында армиядә уңышлы, исән-имин хезмәт итеп кайткан көчле затлар да, киләчәктә Ватан алдында бурычларын үтәячәк егетләребез дә байтак. Ничек кенә булмасын, алар – безнең сакчыларыбыз, яклаучыларыбыз. Бәйрәм белән сезне!

Тиздән Ватанны саклаучылар көне. Шул уңайдан егетләребезне тизлектә сынап карарга булдык. Чаңгы ярышы ике этапта үткәрелде.Беренче этапта 5-6 класс, ә икенче этапта 7-9 класс егетләре старт алды. Киеренке барган узышлардан соң, нәтиҗәләр түбәндәгечә:

5-6 класслар                                                          7-9 класслар

I урын   -Сабиров Н.                                                                         I урын- Шигапов К.

II урын  - Ахметов Р.                                                                         II урын- Галяутдинов И.

III урын  - Магсумов Б.                                                                     III урын- Гайнуллин Ф.

"Солдатка хат" акциясе узды.

Акциянең төп максаты - балаларга хәрби-патриотик тәрбия бирү һәм Россия армиясендә хезмәт итүче егетләргә әхлаки ярдәм күрсәтү. Солдатка хат язу - җиңел эш түгел. Баштан балалар солдатлар һәм армия турында сораштылар, аннары соң рәхәтләнеп хат язарга керештеләр. "Исәнме, кадерле дус!" - күпчелеге хатларын менә шундый җылы сүзләрдән башлады. Хатларда балалар үзләре, тормышка планнары, хыяллары, мәктәп тормышы турында яздылар. Балалар бигрәк тә хәрби хезмәткә карата үзләренең мөнәсәбәтләрен һәм вакытлы хезмәттә солдатларның роле турында дулкынландыргыч итеп бәян иттеләр. Кайберләре  "Физик әзерлек үтү авыр булдымы? Армиядә хезмәт итү ошыймы? Көненә ничә тапкыр ашаталар? Буш вакытларны ничек уздырасыз?" дигән сорауларны бирделәр - чөнки киләчәктә аларның да армия сафларында хезмәт итәселәре бар. Балалар язган хатлар солдат тормышын бизәр дип ышанабыз.

Туган тел көне уңаеннан китапханәчебез Гайнуллина Р.Ә. "Туган телем -татар теле" дигән күргәзмә оештырды.

Районда үткәрелгән  "Мин Татарстанны яратам!"  шигырь конкурсында укучыларыбыз уңышлы чыгыш ясадылар. Валиев Г. 3 урын алды, Бариев Ф. һәм Валиева Г. лауреат булдылар. Әфәрин! Алда да зур уңышлар телибез.

21-февраль- Халыкара туган тел көне. Шул уңайдан мәктәбебездә бәйрәм чарасы үткәрелде. Укучылар төрле биремнәрне үтәделәр. Туган телебезне ничек белүләре буенча көч сынаштылар. Бәйрәм кичәсе " Туган тел " җыры белән тәмамланды.

Киномарафон в рамках проекта "Киноурок в школах России".

Республиканская неделя психологии. Акция " Поделись своим настроением".

"Туган тел" көненә карата кичәләр үткәрелү дәвам итә. Бүген 9 сыйныфларда тәрбия чарасы узды

"Туган тел" коненә карата чираттагы чараны 8 сыйныф укучылары үткәрде. Алар сәнгатьле итеп шигырьләр укыдылар. Иң соңыннан элеге кичә татар халкының гимнына әверелгән "Туган тел" җыры белән тәмамланды.