Мәктәбебезнең 4 класс укучысы Бариев Ф. ( җитәкчесе Шангараева Л.Р.) "Без - Тукай варислары" районкүләм шигырь укучылар бәйгесендә 3 урынга лаек булды. Афәрин!

Мәктәбебез укучылары Ахметова Г. һәм Хасанов И.( җитәкчеләре Мустафина А.В.) "Арский бал- 2019" конкурс - тамашасында катнаштылар һәм "Иң серле пар" номинациясенә лаек булдылар.

В рамках месячника день защиты детей   проводятся классные часы на тему "Я и моя безопасность"

Мәктәбебезнең 4 нче класс укучылары ( җитәкчеләре Мустафина А.В.) "Тылсымлы театр дөньясы" дигән конкурста катнаштылар.

15 нче апрель көнне география укытучысы Фатхуллин Р.Н. "Халык сынамышлары" дигән темага ачык чара үткәрде. Ул халык сынамышларының фәнни һәм практик яктан зур кыйммәткә ия булуларын бик күп күренекле галимнәр билгеләп үтүе, сынамышлар халыкның рухи дөньясын аның табигатькә поэтик карашын яхшырак аңларга ярдәм итүләре һәм фольклор җәүһәрләре булулары белән кыйммәтле булуы турында сөйләде..

1961 нче елның 12 апрелендә дөньякүләм мөһим вакыйга була: Совет космонавты Юрий Алексеевич Гагарин,  беренчеләрдән булып, галәмгә күтәрелә. Әлеге датага багышлап,  мәктәпә "Галәм киңлекләре" дип аталган чара узды. Укучылар космонавтика темасына булган белемнәрен ныгыттылар, балалар бакчасына йөрүче нәни дусларына үзләре ясаган ракеталарын бүләк иттеләр.

   Бүген мәктәбебездә "Хуш киләсез, кошкайлар!" дип аталган кичә үтте.

  Апрель ае- уяну, сафлану, яктылык, су һәм кошлар ае. Кошлар табигатьнең күрке, яме. Алар матур каурыйлары, нәфис гәүдәләре, нәни томшыклары һәм күңелле җырлары, сайраулары белән тирә- юньгә ямь тараталар, безне сөендерәләр. Кошлар нәкъ чәчәкләр кебек үк – табигать могҗизасы. Әйтерсең лә алар шатлык өләшү, соклану һәм күңелгә илаһи көч бирү өчен яратылган. Кошлар кешедә күкләрне айкарга, очарга омтылыш уяткан. Алар, әйтерсең лә, җиһандагы бар моңны үзенә сеңдергән.Кошлардан башка табигать җансыз булыр иде. Кошлар җир йөзендә иң киң таралган тереклек ияләре. Кошлар - урман табиблары. Хәзер аларның 9 меңгә якын төре бар. Татарстанда исә җәй көннәрендә - 200дән,ә кышын 40 төрдән артык кош очратырга мөмкин.

 Калкулыклар кардан арындылар,

Язгы сулар шаулап актылар.

Әкрен генә дымсу җилләр исте

Күтәрелде җирдә ак томан.

 Ачылды ак калын юрган,

Исте апрель җилләре.

Кошлар кайта, сагындырган

Туган-үскән җирләре.

Көннәрен юлда үткәреп

Куанышып очалар.

Канатларына күтәреп

Яз китерә ич алар.

Балачакта тау башыннан

    Күккә сузып кулларны,

    Күпме тапкыр хыялландым

    Тотарга болытларны.

                     Биек баскыч буйлап өскә

                     Менеп җиттем дигәндә,

                     Югарыдан аска очам...

                     Төш өзелә шул мәлдә.

    Яр читендә басып торам

     Әзерләнеп очарга –

    Ике кулны канат итеп,   

     Әверелеп кошларга.

                     Әкият төсле хыяллар

                     Була тик балачакта.

                     Чын тормышта могҗизалар

                     Күбрәк туа кайчакта.

Көн тудымы – бер яңалык

Шаккатмый хәзер күпләр...

Саклыйк галәм иминлеген!

Гел зәңгәр булсын күкләр!     Мәктәбебездә Космонавтика көненә багышланган чаралар үтә.      

Мәктәбебездә оешкан "БАРС" отряды членнары һәрдаим сәламәт яшәү рәвешен пропагандалаган акцияләр үткәрәләр. 

Укучыларның юл йөрү кагыйдәләре буенча белемнәрен арттыру,балаларның игътибарлылыгын, мөстәкыйль эзләнүен, иҗади сәләтләрен үстерү,юл йөрү кагыйдәләрен өйрәнүгә кызыксыну уяту, балаларның үзара аралашуларын яхшырту, дуслык, бердәмлек хисләре тәрбияләү максатыннан даими рәвештә тәрбия сәгатьләре үткәрелә. 3 нче март көнне "Очкын" тәртип саклау отряды членнары "Юлларда имин йөрик" дип аталган уен - викторина үткәрделәр.