Мәктәбебездә "Шәфкатьлелек бизи кешене" дигән исем астында чаралар үтте. Өлкән класс укучылары башлангычлар өчен уеннар оештырдылар. 

Хөрмәтле Гөлфирә Равиловна!

   Без Сезне киң күңелле, үз хезмәтен җиренә җиткереп башкаручы, һәрвакыт ярдәмчел, кыен чакларда терәк булырга сәләтле, тынгысыз кеше буларак беләбез. Сез тырыш һәм намуслы хезмәтегез, кешеләргә карата игътибарлы, яхшы мөнәсәбәттә булуыгыз белән коллективның хөрмәтенә лаеклы. Юбилеегыз белән ихлас куңелдән котлыйбыз. Гел шулай гади һәм кешелекле, олы җанлы, һәрвакыттыгыча сабыр булып калыгыз, гомерегезнең дәвамы озын, үткәне кебек үк игелекле изге эшләр белән тулы торсын. Янәшәгездә һәрчак тугры дусларыгыз, ышанычлы хезмәттәшләрегез булсын. Сезгә сәламәтлек, гаилә тигезлеге, хезмәт уңышлары, тормыш авырлыкларын җиңәргә көч-күәт, бәрәкәтле тормыш телибез.

10 нчы декабрь көнне укучыларыбыз район күләмендә үткәрелгән яшь гражданнар форумында катнаштылар.

Ватан Геройлары көне - безнең өчен мөһим истәлекле дата, ул тарихи традицияләрне дәвам итү һәм илебез геройлары тарафыннан нинди батырлыклар эшләнүе турында хәтерне саклау  булып тора. 9 декабрьдә без каһарман ата-бабаларыбызны искә алып кына калмыйбыз, хәзерге вакытта исән булган Советлар Союзы Геройларын, Россия Федерациясе Геройларын, Изге Георгий ордены һәм Дан ордены кавалерларын хөрмәтлибез. 9 декабрь көнне, әлеге дата уңаеннан, мәктәбебездә укучылар өчен «Россия-геройлар Ватаны» дип исемләнгән китап күргәзмәсе оештырылды, класс сәгатьләре үткәрелде. 

5 нче декабрь көнне классларда "Игелек кылу бурыч түгел - савап" дигән темага мәрхәмәтлелек сәгатьләре үтте.

Бүген мәктәптә "Мәрхәмәтлелек дәресләре" үтте.

Бөтенроссия "СТОП ВИЧ СПИД " акциясе кысаларында мәктәбебездә  класс сәгатьләре, әңгәмә - диспут, рәсем конкурсы үткәрледе. "Дөнья яме үз кулыңда" дигән исем астында китап күргәзмәсе тәкъдим ителде.

28 нче ноябрь көнне мәктәптә карлыгачка алу тантанасы үтте. Нәни дусларыбыз! Сез хәзер карлыгач булдыгыз. Карлыгач булу, сезнең инде күп нәрсәне өйрәнүне, укый – яза белүегезне, эти – әниләргә булышуыгызны, мәктәптә тәртипле укучылар булуышызны күрсәтә. Сезгә укуыгызда зур уңышлар, киләчәктә үрнәк һәм алдынгы укучылар булуыгызны телибез.

27 нче ноябрьдә укучыларыбыз Ахметова Г. һәм Загфарова К. район күләмендә үткәрелгән "Көзге фьюжен" да катнаштылар һәм "Самый яркий и веселый танец" номинациясен яуладылар.