Мәктәбебез укучылары район күләмендә үткәрелгән "Без бергә" балалар иҗаты фестивалендә катнаштылар.

Ватанны саклаучылар көненә багышланган "Без - булачак солдатлар" дигән исем астында спорт уеннары үтте

Халыкара туган тел көне 1999 елда ЮНЕСКО Генераль конференциясенең 30 сессия утырышында кабул ителә. 21 февраль көне Халыкара туган тел көне итеп билгеләнә.Мәктәптә Халыкара туган тел көненә багышланган төрле чаралар уздырылды. Китапханәдә күргәзмә оештырылды. 1-9 сыйныфларда класс сәгатьләре уздырылды. Балалар туган телләрендә шигырьләр сөйләделәр, җырлар җырладылар һәм табышмаклар әйттеләр.

Бүген классларда Яңа Кенәр янгын сүндерү бүлеге начальнигы Ахметов Х.Х. катнашында  "Терроризмга каршы бергәләп" дигән темага класс сәгатьләре үтте. 

 21 февраль–Халыкара туган тел көне уңаеннан  Арча шәһәре 3нче  башлангыч  мәктәбе-балалар бакчасында  2020  елның 19 февралендә районкүләм  “Мин яратам сине, Татарстан!” шигырь конкурсы узды. Барлыгы  бәйгедә Арча район мәктәпләренең 1-8 сыйныфларыннан 67 укучы катнашты. Алар төрле авторларның  туган илгә, туган телгә, Татарстанга багышланган шигырьләрен сөйләделәр. Мәктәбебез данын 5 класс укучысы Бариев Ф.Н. яклады һәм 3 нче урынны яулады. Киләчәктә дә зур уңышлар теләп калабыз! Афәрин!

18 нче февраль көнне әфганчылар белән очрашу кичәсе үткәрелде. Укучылар белән очрашуга  ил чакыргач, дөнья тынычлыгы өчен интернациональ бурычларын үтәргә барып, сугыш фаҗигасен үз күзләре белән күргән, ут-ялкын эчендә, яшәү белән үлем арасында көрәшкән ир-егетләребез килде..Алар истәлекләре белән уртаклаштылар, яшь буынга теләкләрен җиткерделәр.Бүгенге көндә Әфганстан, Чечня фаҗигалары башка кабатланмасын, бу сугышларда һәлак булган солдатларның ата-аналары күргән кайгылар башка беркемнең дә башына төшмәсен, хәзерге вакытта хәрби хезмәттә булганнарга тыныч көннәрдә армия хезмәтен үтеп, исән-имин туган якларына әйләнеп кайтуларын телибез.

Бүген  татар халкының каһарман улы, Муса Мостафа улы Җәлиловның туган көне. Шул уңайдан 6 нчы класс җитәкчесе Саляхова Л.А тәрбия сәгате үткәрде. Шагыйрьгә 1956 елда Бөек Ватан сугышында күрсәткән батырлыклары өчен Советлар Союзы Герое исеме бирелә. Ул шулай ук әсирлектә язган "Моабит дәфтәрләре" җыентыгы өчен Ленин премиясенә лаек була.Җәлилчеләр батырлыклары белән бөтен дөнья халкын таң калдырдылар. Татар дигән батыр халыкның барлыгын барлык кыйтгаларга таныттылар.

Бүген мәктәптә 5 команда - Иске Ашыт, Шурабаш, Кәче, Яңа Чүриле, Казанбаш мәктәбе командалары  арасында волейбол ярышы үтте.Безнең мәктәп командасы 2 урынны яулады. Молодцы!

 Бүген классларда ТАССРның 100 еллыгына һәм Бөек Җиңүнең 75 еллыгына багышланган парламент дәресләре үтте.
Бу дәресләр безнең дәүләтебез тарихында, тормышыбызда зур вакыйгаларны берләштереп, дөреслекне, буыннан буынга күчүне саклау, укучыларда  ватанга мәхәббәт тәрбияләү өчен  кирәк.

Профилактика гриппа и ОРВИ: