2 нче класс укучысы Низамова А. Мөхәммәт Мәһдиев укулары кысаларында үткәрелгән "Шигърият бакчасы" конкурсында катнашып, 2 урын яулады. Иҗади уңышлар телибез аңа! 

Мәктәп-бакчабызда  Яңа елга әзерлек бик оешкан төстә бара. Мәктәп капка төбеннән үк ел символы - Әтәч каршы алса, ишегалдында төрле әкият персонажлары көтеп тора. 

Кичә Ашытбаш урта мәктәбендә үткәрелгән шашка ярышларында мәктәбебездән дә бер команда катнашты һәм уңышлар яулап кайтты.  Котдусов Р. малайлар арасында - 1 нче, Галаветдинова А. кызлар арасында-3 нче урынны алды. Алда да зур уңышларга ирешүләрен телибез!

2 нче класс укучысы Хаертдинов А. математикадан район олимпиадасында катнашып, призер исемен яулады. Бүген үткәреләчәк рус теле район олимпиадасында да аңа уңышлар телибез!

"Ел тәрбиячесе -2016" район конкурсының беренче этабы башланып китте. Балалар бакчасы тәрбиячесе Нигъмәтҗанова Л.Г. ачык эшчәнлек күрсәтте. Хезмәттәшебезгә алдагы ярыш этапларында да уңышлар! 

Бүген үзебезнең якташ геройларбыз турында җанлы әңгәмә оештырылды. Мирҗәм авылы үзе генә дә өч герой биргән авыл. Нәкыйп Сафин, Галимулла Асхадуллин, Дания Галимова турында видеофильмнар күрсәтелде.

Тезелешеп бер рәткә

Гимнастика ясыйбыз.

Сәламәт булып һәрчак,

Авырмаска уйлыйбыз.

Мәктәбебездә балалар белән янгын чыкканда үтәлергә тиешле кагыйдәләр, үз-үзләрен тоту кагыйдәләре, телефон номерлары искә төшерелде һәм эвакуация үткәрелде. Укучылар бик тиз арада ориентлашып, мәктәп ишек алдына тезелделәр.

Бүген укучылар белән "Билгесез солдат" көненә карата әңгәмәләр үткәрелде. Аларны бер минут тынлык белән искә алдык һәм батырларыбыз истәлегенә һәйкәлгә чәчәкләр куйдык.

Балалар бакчасында шашка, домино, лото кебек өстәл уеннарына зур игътибар бирелә.  Балалар бу уеннар аша фикерләү, уйлау сәләтләрен дә үстерәләр.