Бүген башлангыч сыйныф егетләре арасында "Ягез әле, егетләр!" ярышы булып узды. "Бөркетләр" һәм "Ялкыннар" командалары көч сынаштылар.  Физик тәрбия укытучысы Котдусов Р.Ф. оештырган бәйгедә бик күп спорт төрләре, зирәклекләре буенча да көч сынаштылар. "Бөркетләр" командасы бу ярышларда   җиңү яулады. Ләкин "Ялкыннар" да сынатмады, алар да үзләренең киләчәктә илебезнең чын яклаучылары, саклаучылары  булачакларын күрсәттеләр. Якынлашып килүче бәйрәм белән Сезне!

Бүген мәктәп- бакчабызда "Федераль дәүләт стандартларын тормышка ашыру чорында дәүләт телләренә һәм чит телгә өйрәтүдә яңа методлар һәм формалар кулланып белем бирүнең эффектлыгын күтәрү" темасына башлангыч сыйныф укытучыларының район семинары булып узды. Районнан килгән кунаклар өч тел  буенча дәресләр карадылар. "Сау бул, Әлифбам!" исемле әдәби-музыкаль кичә үткәрелде. Соңыннан "Әлифба дәресенә методик эшкәртмәләр" конкурсына  нәтиҗәләр  ясалды.

Бүген Лотфуллина Г.Х укучыларны Муса Җәлилнең тормыш һәм иҗат юлы белән тирәнрәк таныштырды. Ахырдан сөйләгәннәннәрдән чыгып, сорауларга җавап бирү һәм шигырьләрен сәнгатьле сөйләү оештырылды.

Укучыларыбыз әтиләренә багышлап иҗат иткән шигырьләрен алып килә башладылар. Шигырьләрдә һәр баланың әтиләренә карата ихлас теләкләре, яратулары чагыла.

Укучыларыбызны авылдаш әфганчыларыбыз белән таныштырдык. Авылдашыбыз, сугыш кырында батырларча  һәлак булган Васыйл Әһлиуллинны бер минут тынлык белән искә алдык! Барлык дөнья халкына да тыныч тормыш телибез!

Туган тел айлыгы кысаларында башлангыч сыйныф укытучылары ана теле дәресләреннән ачык дәресләр күрсәттеләр.

Бүген Арча сәнгать мәктәбендә " Ел класс җитәкчесе -2017" конкурсының муниципаль этабы булды. Безнең мәктәптән Котдусова Г.М.га сертификат тапшырылды. Аңа эшләрендә уңышлар телибез!

Укучыларыбызга әтиләренә бүләк итеп, аларга багышлап шигырь язарга тәкъдим итәбез.

Әтиләргә багышлап,

Шигырьләр иҗат итик.

Шигъри юллар  белән,

Яратуны күрсәтик.

Бүген укучылар белән "Ленинград блокадасы" темасына һәр класста әңгәмәләр оештырылды.  Балалар зур кызыксыну белән тыңладылар һәм үзләрен кызыксындырган сорауларга да җаваплар таптылар.

1 нче сыйныф укучылары тәүге китаплары - "Әлифба"ны тәмамлау алдында. Алар соңгы хәрефләрне, соңгы авазларны өйрәнәләр. Шуның белән беррәттән "Әлифба бәйрәме"нә зур әзерлек башланды.