Укучылар математика фәне белән кызыксынуларын башваткычлар, кроссвордлар чишүдә күрсәттеләр. Бу мавыктыргыч уенда беренчелекне дүртенче класс укучылары алды. Әфәрин! 

Әни, әнкәй… Бу якты дөньяга килгәч тә безне, йомшак куллары белән сыйпап, ак биләүгә биләүче, еласак, жыр көйләп юатучы, татлы йокыдан иркәләп уятучы, яшәргә көч - дәрт бирүче, гомер буена кайгы – шатлыкларыбызны уртаклашучы, тормышыбызның бизәге, таянычы, акыллы уй – фикерләре белән тормыш дигән олы юлдан алып баручы ул. Җәмгыятебез дә әниләрнең ижтимагый әһәмиятен күтәрү максатыннан Россиядә ноябрь аеның сонгы якшәмбесе ел саен “Әниләр көне” булып билгеләп үтелә. Шул уңайдан 30 нчы ноябрь көнне мәктәптә 7 нче класс укучыларының әниләре мәктәпкә җыелды. Бәйрәм әниләргә багышланган җырлар, шигырьләр, матур биюләр, күңелле уеннар белән үрелеп барды. Бәйрәм кичәсе һәрберебездә җылы хисләр уятты.

9 класс укучылары математикадан экзамен биреп карадылар.

Ниһаять, Сәрдәбаш башлангыч мәктәбендә күптән көтелгән җылы бәйрәм - Әниләр көне. Балаларыбызның яраткан әниләре бүген мәктәптә кадерле кунаклар.Укучыларыбыз бик шат. Алар шигырьләрен сәнгатьлерәк итеп сөйләргә тырышалар, җырларны да бердәм җырлыйлар. Мәзәкләрне дә әниләрнең күңелләрен күтәрергә тырышып сөйлиләр. Матур теләкләрен теләп, чын күңелдән ясаган бүләкләрен тапшыралар. Балаларның ясаган портретлары буенча әниләр үзләрен танырга тырыштылар. Бик мәзәк булып чыккан портретларга карап,әниләр рәхәтләнеп көлделәр. Балаларның язган сочинениеләре дә кунакларга ошады. Әти-әниләр һәм мәктәп коллективы арасындагы эчкерсез дустанә мөнәсәбәтләр балаларга белем һәм тәрбия бирүгә зур ярдәм итә.

“Бүген без бәйрәмебезне “Иң-иң” дип атадык. Ни өченме? Чөнки бүген иң-иң ямьле , затлы бәйрәмнәрнең берсе. Бүген бездә кунакта иң-иң кадерлеләребез -ӘНИЛӘР! Ә без аларның иң-иң яраткан балалары иң-иң матур чыгышларыбызны бүләк итәбез” – дигән сүзләр белән башланып китте мәктәбебезнең башлангыч сыйныф укучылары тарафыннан әзерләнгән бәйрәм кичәсе. Чыннан да алар бүген иң кадерле кешеләрен- әниләрен бәйрәм белән котлап үзләренең матур җыр-биюләрен, шигырьләрен бүләк иттеләр. Үз куллары белән ясаган бүләкләрен тапшырдылар. Бәйрәм кичәсе чәй өстәле янында дәвам итте.

 Файзрахманова Л.Р. организовала выставку словарей, Каюмова З.М. провела уроки посвященные В.И.Далю и его творчеству.

Бүген 4,6,8 нче класслар инглиз теленнән диагностик тест эшләделәр.

25 ноября в спорткомплексе ДСЮШ «Арча» прошли соревнования на первенство Арского муниципального района по бадминтону и настольному теннису среди членов профсоюза учреждений образования. Учительница нашей школы заняла первое место по настольному теннису.

Соңгы елларда тормышта чит телләрне белүнең әһәмияте арта бара.Чит илгә барасыңмы, укуда яисә эшендә кирәкле информация эзлисеңме, көн саен компьютер кулланасыңмы – барысы өчен дә чит тел белү зарур. Ә инде сайланган һөнәрең буенча уңышка ирешәсең килсә – чит телсез моны булдыру икеле. Шулай итеп, түбәндәге фикергә килеп була: татар баласы бугенге көндә чит телне, ана теле белән берук дәрәҗәдә белергә тиеш. Мәктәбебез укучылары “I like English” дигән рәсем конкурсында бик теләп катнаштылар.

Бүген мәктәбебездә башлангыч класс укытучыларының методик берләшмә утырышы булды. Укытучылар “Федераль дәүләт стандартлары шартларында укытучының укытуга эшлекле якын килүе” дигән темага сөйләштеләр, тәҗрибә уртаклаштылар.