Физика- математика атналыгы кысаларында 4 декабрь көнне Абдуллина Эльмира Валерьевна 6 класс укучылары белән математикадан «Гади вакланмаларны бүлү” темасына ачык дәрес үткәрде. Дәрестә күп төрле эшләр башкарылды: телдән исәпләү, бүлү алгоритмын парларда кабатлау, бирелгәннәрне анализлап, нәтиҗәләр чыгару, Сингапурча укыту алымнары кулланып, үзара фикер алышу, уен технологияләре файдаланып, хәрәкәт активлыгын арттыру. Укучыларның мөстәкыйль эшләүләренә, критик фикер йөртү сәләтләрен үстерүгә игътибар бирелде. Дәрестә укучылар актив катнаштылар. Дәрес эшлекле рухта үтте.

Физика – математика атналыгы кысаларында физика укытучысы Григорьева Лена Ильясовна 8 класста «Җисемнәрнең электрлануы” темасына дәрес күрсәтте. Дәрестә сингапур технологиясе кулланылды. Укытучы төрле кызыклы ачышлар белән таныштырды.

Бүген “ Физика алтыны” дип аталган физик кичә булды. Уен 7-9 нчы сыйныф укучылары командаларга бүленеп уйнадылар. Ике команда төрле сынаулар үтеп “физика алтынын” табарга тырыштылар.

4 нче декабрь көнне,Курса Почмак урта гомуми белем мәк тәбендә педагог-организаторларның чираттагы семинары булып узды. Әлеге семинарда әхлакый-эстетик тәрбия бирүдә балалар оешмаларының роле кысаларында төрле кызыклы һәм мавыктыргыч чаралар күрсәтелде.

Бүген Арча шәһәренең беренче номерлы мәктәбендә педагог – психологларның һәм класс җитәкчеләренең семинары булды. Семинар кысаларында Ханжина А.В «Есть такая профессия - предприниматель» дип аталган, Никитина И.Н «Города профессий» дип исемләнгән класс сәгате үткәрделәр. Педагог – психолог Самиева Г. Ф. үткәргән мастер – класс та бик файдалы булды. Семинар нәтиҗәле һәм файдалы узды.

Бүген математика укытучысы Абдуллин Р.Р. 7 класста "Күпбуыннарны кушу һәм алу" темасы буенча ачык дәрес күрсәтте. Дәрестә Сингапурча укытуның микс-пэа-шэа өлеше укучыларда кызыксыну уята. Киләчәктә уңышлар теләп калабыз.

Мәктәбебездә физика, математика атналыгы дәвам итә. Бүген атналык кысаларында “Математика патшалыгында” дип исемләнгән уен үткәрелде. Уенда 5 класс укучылары катнашты. “Дуслык” һәм “Ак Барс”  командалары арасындагы бәйге күңелле һәм мавыктыргыч итеп оештырылган иде. Уен барышында катнашучылар зирәклеккә, тапкырлыкка булган биремнәр үтәделәр, тамашачылар игътибарына мәктәп тормышыннан алынган мәзәкләр дә тәкъдим ителде. Җиңүне “Дуслык” командасы яулады.  Әфәрин, кызлар! 

3 декабря наши учителя ездили на межрегиональный научно-практический семинар по теме «Духовно-нравственное развитие и воспитание личности гражданина России в условиях сельской школы», который прошел в МБОУ «Сардаяльская основная общеобразовательная школа» Мари-Турекского муниципального района.

2 нче декабрь көнне, укучыларыбыз Балтач районы Кенә төп гомуми белем мәктәбендә үткәрелгән Римма Ибраһимова исемендәге “Талантларны барлар чак” районара ачык конкурс-фестивальдә катнаштылар. Мәктәбебезнең 8 нче класс укучысы Романова Алия нәфис сүз номинациясендә беренче дәрәҗәдәге дипломга, 4 нче класс укучысы Егорова Алинә шулай ук нәфис сүз номинациясендә икенче дәрәҗәдәге дипломга лаек булдылар. Укучыларыбызны зур җиңүләре белән котлыйбыз. Алга таба да уңышлар теләп калабыз.

Бүген мәктәптә "Математик кафе" дип аталган математик кичә булды. Укучылар телдән сорауларга җаваплар бирделәр, тигезләмәләр чиштеләр, график төзеделәр, мимика ярдәмендә математик терминнарны күрсәттеләр. Кичә ахырында математика укытучысы Абдуллин Р.Р. фокуслар күрсәтте.