1 июнь көнне  “Бәхетле” мәктәп яны лагеры эшен башлап җибәрде. Лагерьга балалар бик теләп, шатланып килделәр. Лагерьның нәкъ менә шушы көнне башлануы юкка гына түгел. Чөнки җәйнең беренче көне – “Халыкара балаларны яклау” көне. Безнең мәктәп коллективы балалар бакчасы коллективы белән дус һәм тату булып, бердәм эшлиләр. Шушы көнне балалар бакчасы коллективы лагерьга йөрүче балаларны “Чыгарылыш кичәсе” нә кунакка чакырды.

31 май көнне мәктәбебездә педагогик киңәшмә узды. Киңәшмәдә укучыларны җәйге ялга озату, балаларның куркынычсызлыгы, 2016-2017 уку елын йомгаклау турында сүз барды. 

Бүгеннән укучыларны җәйге каникулларга җибәрәбез. Куркынычсызлык кагыйдәләрен үтәргә. Күңелле яллар итегез, кадерле укучылар!

Җәй күңелле һәм кызыклы вакыйгаларга бай чор. Быел да, алдагы еллардагы традицияне дәвам итеп, Сәрдәбаш башлангыч мәктәбе укучылары походка бардылар.  Уха пешерелде. Поход искиткеч күңелле узды. Укучылар  бик канәгать калдылар.

Балалар Сабантуйны түземсезлек белән көттеләр. “Чүлмәк вату”, “Кыршау әйләндерү”, “Түземлелеккә ярышу”, “Таяк тартышу”, “Тизлеккә йөгерү”, “Әйбер кисү” ярыш – уеннарында актив булдылар. Мәктәпкә кунак булып киләсе уку елында 1 класста укыячак балалар да килде. Аларга бәйрәм аеруча ошады. “Сабантуй батырлары” бүләкләре белән чын күңелдән горурландылар.

Олы бәйрәм бүген бездә,                                      

Зурлар инде үзебез.                                                

Башлангыч мәктәп белән                                        

Хушлашабыз бүген без.

   Бүген  Сәрдәбаш мәктәбендә зур бәйрәм. Балачакны озату, башлангыч мәктәп белән саубуллашу бәйрәме. 4 ел элек  Уваев Т. һәм Уваева Д.  мәктәп бусагасыннан каршы алган идек. Инде менә саубуллашыр вакыт та җиткән! Шушы 4 ел уку дәверендә без бер гаилә булып яшәдек,  шатлыкларыбыз да, борчуларыбыз да уртак булды. Бүген  бик ямансу, чөнки нәни бармакларыннан тотып, тәүге хәрефләрне язарга, Әлифбадан хәреф танырга өйрәткән карлыгачларыбызны очырабыз.  Соңгы кыңгырау бәйрәме котлы булсын!

Кыңгырау да бүген никтер моңсу,

Салмак кына суза тавышын.

Ул да шулай кичерәдер

Дусларның китү сагышын.

 Ак юл сезгә, дүртенчеләр,

Телиләр дуслар.

Авырлыкны җиңү өчен

Табыгыз көчләр.

Соңгы звонок... Соңгы дәрес... Беренче укытучы... Әлеге сүзләр бер-берсе белән бик зур бәйләнештә торалар. Укытучы... әлеге исем һәркемнең йөрәгенә, күңеленә бик якын, кадерле. Күптән түгел генә барлык чыгарылыш укучылары өчен соңгы кыңгырау чыңлады. Әлеге минутларда күп кенә укучыларның йөзләрендә шатлык шул ук вакытта моңсулык тойгылары да бар иде. Бу көнне барлык чыгарылыш укучылары кулларына чәчәк бәйләмнәре тотып, мәктәп сукмакларыннан атладылар, 9 ел буе кичергән шатлыклы, борчулы вакытларын искә төшереп хатирәләрен яңарттылар. Алар бу көннән яңа тормышка аяк басалар, алда аларны яңадан-яна сынаулар көтә.  Безнең Носы төп мәктәбендә дә “Соңгы кыңгырау” бәйрәме бик матур, истәлекле, онытылмаслык итеп үткәрелде. Мәктәбебезнең иң тырыш, уңган 6 укучысы мәктәп белән саубуллашты. Минемчә, әлеге укучылар укытучылар күңелендә бары матур хатирәләр белән генә җуелып калгандыр. Гомумән әйткәндә, әлеге укучылар мәктәп тарихында да тирән эз калдырдылар. Алда сезне зур сынаулар көтә, әлеге сынауларга баш имәскә, куелган максатларыгызга ирешергә язсын. Хәерле юл сезгә укучылар!

Алда көтә сезне зур сынаулар,

Сынауларны җиңел узыгыз.

Киләчәктә яңа үрләр яулап,

Иң бәхетле кеше булыгыз! 

Тот, кому хоть раз в жизни посчастливилось побывать на турслете, об этом не забудут никогда. Запах костра, песни под гитару, посиделки до утра, новые друзья, печеная картошка, необыкновенный вкусный чай и многое- многое другое, что вспоминается с удовольствием через много лет. 23-24 мая 2017 года на территории поселка Урняк прошел туристический слет среди учащихся образовательных учреждений Арского района, посвященный Году Экологии в РФ. Ученики нашей школы приняли участие в этих соревнованиях. В первый день ребята обустраивали свой быт: разбивали палатки, готовили ужин, знакомились с командами. Так же в первый день были следующие этапы: спортивное ориентирование на местности, конкурс поваров и вязка узлов. Во второй день ребята бегали по дистанциям, рисовали стенгазету, и на время собирали палатку. Команда нашей школы заняла 2 место. Поздравляем!

Мәктәбебез Татарстан Республикасы Экология һәм табигый байлыклар министрлыгы  тарафыннан үткәрелгән "Сто зеленых уголков" конкурсында катнашып җиңеп чыкты. Мәктәп яны тәҗрибә мәйданчыгын яшелләндерү өчен агач үсентеләре оттык.