"70 еллыкка- 70 оя" акциясендә укучылар 100% катнаштылар. Һәр гаилә сыерчык  оясын күңел җылысы биреп, зәвык  белән  ясады.Ояларның  иң  матурлары  мәктәп  территориясенә эленәчәк. Җылы  яктан  сыерчыклар  кайтасын  гына  көтәсе  кала.

9, 11 класс укучылары Арча социаль белем бирү йорты белән таныштылар.

Мәктәпләрдә  инде  дүртенче  ел яңа стандартлар  буенча  укытыла. Башлангыч  класс  укытучылары  инде  яңа  стандартларга  күчеп  беттеләр. Киләсе  уку  елыннан  5  классларда укытучылар  да  әлеге  стандартлар  буенча  эшләячәкләр. Уку- укыту  эшләре  буенча  директор  урынбасары  Габдрахманова Г.В. район күләмендә  үткәрелгән  укулардан  соң, киләсе елда 5 класста  укытачак  укытучыларга  мастер- класс күрсәтте.

Аптекаларда  даруларның  ниндиләре  генә  юк. Аеуча  чит  илләрдән   кертелгән  препаратлар бихисап. Ә  бәяләре.  бик  кыйммәт, якын  килерлек түгел. Әле  ярый  файдасы  тисә!? Ә бит  әби-  бабаларыбыз  әлек-  әлектән үләннәр белән дәваланганнар. Үзебездә  җитештерелә  торганнары  да  нәкъ менә шул  үләннәрдән  ясала, файдасы  да  бар. Район  мәктәпләренә  дару  үләннәре  җыю өчен норматив  билгеләнде. Укучыларыбыз  бүгенгесе көндә  каен һәм  нарат  бөреләре  җыя.

Сәламәтлек-ул иң зур байлык.Һәр кешенең , шул исәптән балаларыбызның сәламәтлеген саклау һәм ныгыту һәр шәхес өчен, тулаем җәмгыять  өчен зур әһәмияткә ия. Балаларыбызның сәламәтлеге-ул киләчәк буыннарның сәламәтлеге.Ә сәламәт булу өчен нишләргә, нинди яшәү рәвеше алып барырга? Без бүген шушы сорауга җавап табарга тиешбез. Дөрес  туклану турында  укучыларның  яшь үзенчәлекләренә  карап  һәр класста тәрбия дәресләре үткәрелде.

Бөек  җиңүнең 70  еллыгы уңаеннан  "70 еллыкка - 70  оя" конкурсы  старт  алды. Өлгер укучылар  инде  ояларны  алып  килә  башладылар. Мәктәп  күләмендә  әлеге  конкурс 20  мартка  кадәр дәвам  итәчәк. Иң яхшы оя  район конкурсына җибәреләчәк.

Бүген Арча мәдәният йортында 8-11 класс укучылары  өчен  "Арча балы" үткәрелде. Мәктәбебездән 4 пар уңышлы  чыгыш  ясадылар. Коллектив "Лучший формат и образ  пары" номинациясендә дипломга  лаек  булды. Укучыларга  һәм  җитәкчеләре  Миләүшә  Моратовнага  киләчәктә  дә  уңышлар  телибез. Афәрин!!!

Чаңгы  шуар  көннәр  дә  тәмамланып  килә.Укучылар  кыш  буе  физкультура  дәресләрендә  чаңгы  шудылар. 

Барлык  гүзәл  затларыбызны  8  март- Халыкара  хатын-кызлар  көне  белән  котлыйбыз!!!