4нче май көнне Арчада  сәләтле укучыларны хөрмәтләү тантанасы булып узды. Анда район  башкарма комитеты җитәкчесе Илшат Нуриев катнашты  һәм тырыш балаларны уңышлары белән котлады, мәктәптән соң, нинди генә һөнәр алсалар да, тормышны матур итеп кора белергә кирәклеген әйтте, эшкә районга кайтырга чакырды. Әлеге тантанада мәктәбебезнең 11 класс укучысы Насыйбуллина Камилә катнашты һәм  Дипломга лаек булды. Камилә, сине чын күңелдән котлыйбыз һәм  киләчәктә тагы да зур уңышларга  ирешүләрен телибез.

Кичә  мәктәпнең  ЮИД  отряды  "Безопасное  колесо-2015"  конкурсында  катнашты. Укучылар  "Беренче  медицина  ярдәме", "Иминиятләштерү  нигезләре", "Велосипедта  фигуралы  йөрү", "Автогородок", "Юл  йөрү  кагыйдәләре", "Агитбрида"  станцияләрендә  көч  сынаштылар.

Укучыларыбыз Җиңү бәйрәмен зур әзерек белән каршылыйлар. Шушы уңайдан уздырылган "Бөек Җиңүгә  70 "5" ле акциясенең мәктәп турына йомгак ясалды. Бәйгедә  өч яшь категориясендә  җиңүчеләр билгеләнде. Менә алар : 2 нче класс укучысы  Хәсәнова Ильмира (96  "5" ле) ,   7 нче класс укучысы Нәҗметдинова Камилә ( 131   “5” ле) , 10 нчы класс укучысы Хәсәнов Искәндәр (106 “5” ле).   Җиңүегез белән котлыйбыз!!!

Бүген  мәктәбебезнең  "Ритм"   дип  исемләнгән  командасы  Җинүнең  70  еллыгына  багышланган  флешмобта  катнашты. Арча  шәһәре  үзәгендә  төрле  бию  ярышлары  оештырылды. Чарадан  катнашучылар  барысы  да  канәгать  калдылар.

  Әйләнә-тирәне чистарту икеайлыгы кысаларында 30 апрель көнне  мәктәп укучылары һәм укытучылары бердәм төстә өмәгә чыктылар.  

   Укучыларда  татар халкының тарихына, әдәбиятына мәхәббәт,патриотик хисләр, милли үзаң тәрбияләү, сәләтле укучыларны барлау максатында, Әдәбият елы һәм  Бөек Җиңүнең 70-еллыгы уңаеннан Казан шәһәре Совет районының  20 нче гимназиясендә  28 апрель көнне “Алиш эзләреннән” исемле I төбәкара фәнни-гамәли конференциясен йомгаклау тантанасы узды. Әлеге чарада  безнең мәктәптән 4 класс укучысы Гафуров  Ядкәр (җитәкчесе: Начыйбуллина Д.Х), 5 нче класс укучылары Гафурова Азалия (җитәкчесе: Шагисламова Г.Р.), Төхфәтуллина Зөлфинә (җитәкчесе: Төхфәтуллина М.М.)  "Шигърият бакчасында" секциясендә катнашып   истәлекле бүләкләр һәм диплом белән бүләкләнделәр. Укучыларыбызның шигырьләре җыентыкка да кертелде.

"Язгы мәрхәмәтле эшләр атналыгы" кысаларында  бүген 11 класс укучылары  һәйкәлне  җыештырырга төштеләр. Һәйкәл тирәсе чүпләрдән  арындырылды, чәчәклекләр  казылды. 9 майга  кадәр  әле  шактый  эш  башкарасы  бар.

Бүген 9,11 класс укучыларының  әти-әниләре, укучылар,укытучылар  белән БДИ буенча җыелыш үткәрелде. Җыелышта   район  мәгариф  бүлеге  методисты  Лилия  Махмудовна  имтиханнарның  тәртибе  белән таныштырды. Шулай ук каникуллар  чорында  эшләп  караган  имтихан  эшләренең   нәтиҗәсе  чыгарылды. Барлык  әти- әниләр дә 100% килгән  иде. Җыелышлар  классларда  кызыксындырган  сораулар  буенча  дәвам итте.