Җылы яктан туган якларына кошлар кайта.Укучылар һәм әти-әниләр көче белән әзерләнгән сыерчык оялары күпме кошны сөендерәчәк!? Ә инде иң яхшыларын без мәктәп территориясенә дә элдек. Укучылар кошларның тормышын даими күзәтеп торачаклар.

27-28 нче март көннәрендә Мамадышта Республика беренчелегенә татарча көрәш буенча спортакияданың зона ярышлары үтте .8 нче класс укучысы Хөснетдинов Дамир 75 кг үлчәү авырлыгында, 2000-2001 елгы яшүсмерләр арасында, беренче урынга лаек булды (Трениры-Лотфуллин Таһир Әхмәт улы).Быелгы уку елында Дамирның бу беренче генә  җиңүе түгел .Алга таба тагын да югарырак үрләр яуларга насыйп булсын!!!

Язгы каникуллар чорында 9,11 сыйныф  укучылары өчен БДИ га әзерлек максатыннан  тыгыз график буенча эш планы төзелде 9 сыйныф укучылары математика,рус теле,физика,татар теле фәннәреннән атна дәвамыда консультацияләргә йөрделәр .11 сыйныф укучылары рус теле,математика ,җәмгыять белеме, физика фәннәреннән районга барып имтиханнарны тапшырып та карадылар.Уку елы тәмамланырга санаулы көннәр калып бара.Укучыларыбызга имтиханнарын бары тик уңай билгеләргә тапшыруларын теләп  калабыз!!!

 26 март көнне Арчаның  5 нче номерлы гимназиясендә Бөек Җиңүнең 70 еллыгына багышланган "Бөек елларга баш иябез!"темасы астында башлангыш сыйныфлар арасында шигырь сөйләүеләр конкурсында 4 нче сыйныф укучысы Гафуров Ядъкәр (Укытуысы-Насибуллина Д.Х),2 нче сыйныф укучысы Бикбаева Иделия (Укытучысы-Рафикова Г.Д) уңышлы чыгыш ясадылар.Гафуров Ядъкәр сертификат белән бүләкләнде,Бикбаева Иделия 4 нче призлы урынга лаек булды.Молодцы!!!Алга таба да уңышлар!

Авылдашыбыз Илдус Шәрипҗан  улы Венгрия  сугышы  ветераны. Бүгенгесе  көндә  тормыш  иптәше  Рокыя апа  белән  матур  гомер  кичерә  алар.Илдус  абый  армия хезмәтендә  булганда, сугышка  керергә мәҗбүр  була. Армия хезмәтен тәмамлап авылга  кайта, Рокыя  апа  белән тормыш коралар.59 ел  тигез  гомер  итәләр. Күп  еллар  бригдир  булып  эшли Илдус абый. Яшь буынга  үзләренең изге  теләкләрен теләп озатып  калды  алар.

Бүген мәктәбебезнең хатын-кызлар  командасы Профсоюз  оешмасы  тарафыннан  оештырылган  Волейбол  буенча  зона ярышында  беренче  урынны яуладылар. 30 нчы март  көнне  алар  финал  уенында  катнашачак.  Алга  таба  да  кызларыбызга  уңышлар  телибез. Афәрин  кызлар!!!

Бүген  мәктәбебез укучылары Арча  укучылар сараенда эшләп  килүче "Нур" телевидениесе белән берлектә, авылыбызда яшәүче бердән-бер Бөек Ватан сугышы ветераны Сабиров Газиз Сабирҗан улында  кунакта булдылар. Газиз  абый  үзенең сугышта күргән  авырлыклары  турында сөйләде. Сугыштан  соң да бик  авыр  тормыш юлы  үтә  ул. Тормыш  иптәше  белән 4 балага гомер  бирә алар. Бүгенге  көндә  олы кызлары  Зөлфирә  апа  тәбияендә  тигез  гомер итәләр.Быел аларга  икеләтә  юбилей елы:Бөек  Ватан  сугышы  тәмамлануга 70 ел һәм  Газиз  абый  белән Рокыя  апага  90 яшь.Әлеге  бәйрәмнәрне  каршыларга  һәм  тигезлектә  гомер  итәргә  язсын  аларга!

Бүген 11 класс укучылары  мәктәп күләмендә "Нәүрүз ярминкәсе" үткәрделәр.  Алар  төрле  тәм-томнар   әзерләгәннәр. Укучылар ярминкәләр  үткәреп үзләренең  чыгарылыш кичәсенә  акча эшлиләр.

Бүген мәктәп күләмендә Нәүрүз бәйрәме үткәрелде.  Нәүрүз ул - яңа көн дигәнне аңлата. Аны элек Урта Идел буенда яшәгән  татарлар 21 мартта билгеләп үткәннәр. 21 март- яз фасылының көн  белән төн тигезләшкән көне. Бу табигатьтә чын-чынлап яз башланган көн. Көнчыгыш календаре буенча Нәүрүз - Яңа елны каршылау бәйрәме. Без дә төрки  бабаларыбыздан  калышмаска  тырышып бәйрәм үткәрдек. Бәйрәм күңелле уеннар белән оештырылды. Бәйрәм белән!

"70 еллыкка- 70 оя" акциясендә укучылар 100% катнаштылар. Һәр гаилә сыерчык  оясын күңел җылысы биреп, зәвык  белән  ясады.Ояларның  иң  матурлары  мәктәп  территориясенә эленәчәк. Җылы  яктан  сыерчыклар  кайтасын  гына  көтәсе  кала.