Яңа Иябаш башлангыч мәктәбендә Г.Тукайның тууына 130 ел булуга багышланган  "Тукай безнең күңелләрдә!" дигән шигъри викторина үтте.  Г.Тукайың класстан тыш эшчәнлек кысаларында укылган "Исемдә калганнар" автобиографик әсәре буенча,  укучылар викторина сорауларына җавап бирделәр. Соңыннан балалар шагыйрьнең шигырьләрен сәхнәләштерделәр.

26 апрель – татар шагыйре Габдулла Тукай туган көне – Татарстанда күркәм традициягә әверелеп, Туган тел көне буларак билгеләп үтелә. Югары шигъриятнең какшамас күперләре белән төрле мәдәни традицияләрне бергә кушып, шагыйрь Россиягә һәм бөтен дөньяга татар рухының байлыгын күрсәтте, төрле милләт һәм дин вәкилләрен тынычлыкка, дустанә яшәүгә һәм хезмәттәшлеккә өндәде. Тукайда эчкерсез ватанпәрвәрлек, туган җиренә карата мәхәббәт, рухи тамырларына тугрылык һәрвакыт алдынгы карашларга ачыклык, татарларның рус халкы һәм бөтен төрки дөнья белән бердәмлегенә ышаныч белән үрелеп барды. Кыска, ләкин иҗади казанышларга бик бай тормыш кичереп, ул татар әдәбиятында гына түгел, халык күңелендә дә җуелмаслык эз калдырды. Горурланып һәм хөрмәтләп, аны “безнең Тукай” дип атый алабыз.

Бу көн татар халкының бөек шагыйре Габдулла Тукайның туган көнендә мәктәпләрдә оештырылган Тукай айлыгына нәтиҗәләр ясау көне дә.Туай айлыгы кысаларында оештырылган чараларның максаты – татар телен, Габдулла Тукай әсәрләрен өйрәнүгә кызыксыну  тудыру, туган телгә ихтирамлы караш тәрбияләү.  Безнең мәктәптә дә Габдулла Тукайның тууына 130 ел тулу уңаеннан төрле чаралар уздырылды, укучыларыбыз тарафыннан Г.Тукай әсәрләренең геройларына күргәзмә оештырылды. Һәм бүген укучыларның атналык эшләргә нәтиҗә ясау линейкасында  оештырылган чараларга  нәтиҗә ясалды. Татар теле һәм әдәбияты укытучысы Миләүшә Рафис кызы Татарстанның, күп милләтле Россиянең һәм бөтен төрки дөньяның мәдәни тормышындагы истәлекле вакыйга – бөек татар шагыйре Габдулла Тукайның тууына 130 ел тулу белән тәбрик итте.

Мәктәп яны тәҗрибә участогында язгы бакча эшләрен 6-класс укучылары башлап җибәрде. Орлык өчен кишер һәм чөгендер утыртылды.

18 апрельдән 23 апрельгә кадәр Мәскәү өлкәсе Королёв шәһәрендә XVII “Йолдызлык-2016” Бөтенроссия олимпиадасы булып узды. Биредә Арча районы Яңа Кырлай урта гомуми белем мәктәбенең 9 нчы сыйныф укучысы Солтанов Инсаф катнашты. Олимпиада программасы бик эчтәлекле төзелгән: катнашучылар Космонавтика музеенда булды, “Очулар белән идарә итү” үзәгенә сәяхәт кылды, үзләренең эзләнү эшләрен яклады. Россиянең төрле өлкәләреннән җыелган космос белән кызыксынучылар Юрий Гагарин исемендәге “Йолдыз шәһәрчеге”н, Мәскәү шәһәрендә урнашкан “Космонавтларның мемориаль музее”н, “Россиянең Хәрби-һава көчләре музее”н күрү бәхетенә иреште. Нәтиҗәләр дә сөендерерлек: Солтанов Инсаф “Йолдызлык-2016” Бөтенроссия олимпиадасында 5 нче урын алып, Россия Мәгариф һәм фән министрлыгының Дипломы һәм кыйммәтле бүләгенә лаек булды. 

22 апрель көнне  “Болгар радиосы”ның “Чәк-чәк шоу” иртәнге радиопроекты алып баручылары бөек шагыйребез Габдулла Тукайның тууына 130 ел тулу уңаеннан Кушлавыч, Өчиле һәм Яңа Кырлай авылларына сәяхәткә чыктылар, “Тукай эзләре буйлап” акциясен оештырдылар. Чарада укучылар гына түгел, бөтен авыл халкы да катнашты. Мәктәбебез укучылары Тукай иҗатын яратып өйрәнүләрен шигырьләр  аша  күрсәттеләр. Кунаклар  халыкка  күрсәтер  өчен  үзләре белән Казан шәһәренең  Г. Тукай музеенда сакланучы шагыйрьнең шәхси әйберләрен алып кайттылар. Чарада шулай  ук Татарстанның халык артисты Миңгол Галиев  һәм  Казан егетләре катнашты. Укучыларыбыз һәм авыл халкы интерактив уеннарда катнашып, истәлекле бүләкләргә лаек булдылар. Әлеге җырлы бәйрәм барыбызда да бәйрәм рухы алып килде.

7 нче сыйныфта "Һәръяктан камил шәхес нинди булырга тиеш?" темасына тәрбия сәгате уздырылды.
Бурычлар: халкыбызның милли үзенчәлекләрен, күркәм сыйфатларын, йола-гадәтләрен, гаилә этикасын кече яшьтән үк төшендереп, укучыларны өлкәннәр үрнәгендә тәрбияләү, буыннар бәйләнешен тәэмин итү;
әхлакый сыйфатлар тәрбияләү, балаларны кешеләр белән аралашу кагыйдәләренә өйрәтү, югары әдәп, әхлак сыйфатлары булдыру, иҗади сәләт һәм милли үзаң формалаштыру.
туган телебез, мәдәниятебез үсеше өчен җаваплылык хисе булдыру;
йолалар нигезендә сәламәт яшәү рәвешен пропагандалау;
Укучыларыбызны халкын хөрмәт итә, ярата торган һәм аның мәнфәгатьләрен кайгыртып яшәргә сәләтле булган иҗат кешеләре итеп тәрбияли алсак иде.

    С18.04.2016.по 22.04.2016 в городах Королев и Звездный городок Московской  области  проходит  финальная конференция семьнадцатой всероссийской олимпиады  «СОЗВЕЗДИЕ-2016» научно-исследовательских и учебно-исследовательских проектов детей и молодежи по проблемам защиты окружающей среды «Человек – Земля – Космос».В этой конференции,  в составе Татарстанской делегации  участвует победивший в Республиканском туре учащийся 9класса Султанов Инсаф со своим проектом  “Модель Солнечной электростанции” в номинации “Человек-Земля-Космос”.В программе конференции :экскурсии в Центр управления полетами,-ракетно-комический комлекс “Энергия”,-музей Космонавтики,музей Военно-воздушных сил, прямое общение с экипажом МКС ,встреча с космонавтами и защита пректов. Желаем Инсафу успехов.

          Бүген 5 класста уздырылган ата - аналар җыелышы "Шәфкатьлелек яшәсен йөрәктә!" дигән тәрбия сәгате белән башланып китте. Тәрбия сәгатенең максаты   - кешелеклелек, шәфкатьлелек, миһербанлык, яхшыны яманнан аера белү, изгелек кебек уңай сыйфатлар һәм гаиләгә мәхәббәт тәрбияләү иде.  Тормышта ак белән кара, төн белән көн булган кебек, изгелек белән янәшә яманлык та бар. Әйләнә–тирәбездә яхшы һәм тискәре куренешләр бергә үрелеп бара. Бүген класс җитәкчесе Ганеева А.М.укучылар белән шул хакта сөйләшете. Аралашу эшлекле уен рәвешендә барды. Бу сөйләшүдә әти – әниләр дә актив катнаштылар.