16 нчы январь көнне мәктәптә "Яшь буынга тәрбия бирүдә ата-аналарның роле" темасы буенча гомуми ата-аналар җыелышы булды. Икенче чирек нәтиҗәләре белән укыту тәрбия эшләре буенча директор урынбасары Л.Б.Галимзянова таныштырды. Район мәгариф бүлеге методисты И.Р.Сафиуллин ОГЭда булган яңалыклар турында сөйләде. Балигъ булмаган яшүсмерләр белән эшләүче инспектор Ләйсән Сәлимовна укучылар арасында хокук бозуларны кисәтү турында чыгыш ясады. Мәктәп тормышындагы үзгәрешләр, яңалыклар белән мәктәп директоры Ф.М.Минҗанов таныштырды. 

15 январь көнне мәктәптә “Икенче буын федераль дәүләт белем бирү стандартлары шартларындагы проблемалар, алда торган бурычлар” дигән тема буенча педагогик киңәшмә үткәрелде. Башлангыч класс укытучылары Исламова Э.А, Ситдикова М.А, Фазылҗанова Г.Н. лар эчтәлекле чыгышлар сөйләделәр. Укытучылар укытудагы проблемалар турында фикер алыштылар. Икенче көн тәртибе буенча 1 яртыеллыкта укыту – тәрбия эшенә анализ ясалды. 9 класстагы авыр укучылар белән имтиханнарга әзерлекне көчәйтү турында сөйләшенде.

15 января 2015 г. исполняется 220 лет со дня рождения А.С.Грибоедова. Учитель русского языка и литературы Г.А.Мустафина, учащимися 7,8,9 классов, провела мероприятие, посвященное данному событию. Учащиеся ознакомились с интересными событиями из жизни и творчества драматурга. 

Мәктәбебездә эшләп килгән бию түгәрәге үзенең эшчәнлеген кышкы каникулларда да дәвам итә. Җитәкчеләре Минзянова Энҗе Фаруковна белән төрле халык биюләре өйрәнәләр.

9 нчы январь көнне "Яшь тарихчы" түгәрәге членнары, мәктәп музеена чираттагы очрашуга җыелдылар
Авырылларыбыз тарихына багышланган стендлар янында тукталып, колхозлар чорында авылдашларыбызның мактаулы хезмәтләре турында белделәр. Ленин ордены кавалеры Сибгатуллина Нурания апа, Хезмәт Кызыл Байрак ордены кавалеры Галәвиева Сания апа, Мостафина Нурсөя апаларның фидакарь эшчәнлегенә сокландылар,  медальләрен кулларына  кат-кат тотып карадылар.  Ә бу тырыш апаларның мәктәптәге дусларының әбиләре икәнен белү аларга кечкенә бер ачыш булды. "Яшь вакытта бигрәк матур булганнар", - диде Назилә елмаеп. Ә Симетбаш авылы җирләрен "1935 нче елда колхоз җирләре итеп мәңгелеккә бирү турындагы акт"ны латин графикасында бөтенебез бергә җыелып укыдылар. Соңыннан тарихи сүзләрне тану буенча аукцион уздырдылар. Җиңүчеләргә түгәрәк җитәкчесе  Фәридә Илдусовна кызыклы бүләкләр тапшырды. Каникулның бер көне менә шулай файдалы узды. 

Кышкы яллар вакытында мәктәбебездә шахмат, шашка уеннары уздырылды. 9 нчы гыйнварда районда мәктәп укучылары арасында "Арча хәбәрләре" газетасы призына уздырылган шахмат ярышларында, уңышлы уеннар күрсәтеп, мәктәбебез командасы төп мәктәпләр арасында 2 нче урын алды. Команда  составында: Минҗанова Фирүзә, Кәримов Илнур, Сабирҗанов Салават, Юсупов Рәсим. Җитәкчеләре: Минҗанов Фарсель Марселович. Котлыйбыз, алда да уңышлар телибез. 

5-7 нче класс укучылары катнашында "Күңелле стартлар" уены үткәрелде. Командалар төрле хәрәкәтле уеннар уйнадылар, көч сынаштылар. 

8 январь көнне башлангыч класс укучылары Фазылҗанова Г.Н. алып барган “Тылсымлы мизгел” түгәрәгенең чираттагы занятиесенә җыелдылар. Алар тарафыннан башкарылган эшләнмәләр бик матур һәм соклангыч.

Мәктәптә ГИАга әзерлек эшләре каникуллар вакытында да дәвам итә. Шул максаттан, 9 нчы класс укучылары белән 5 нче гыйнварда математикадан, 6 нчы гыйнварда рус теленнән пробный ГИА үткәрелде. Класста барлык укучылар да катнашып, җаваплы карап эшләделәр.