6 апрель көнне Галимҗанова Л.Б. 5 – 8 класс укучыларына  “Бергәләп эшлибез!” темасы буенча экологик дәрес күрсәтте. Дәреснең максаты: укучыларның ташландык калдыкларга карата җаваплы карашларын үстерү,  көндәлек тормышта проблеманы чишү юлларын ачыклау иде.   Галимҗанова Л.Б. укучыларга  Россиядә һәм дөньяда ташландык калдыклар  проблемасының актуальлеге турында сөйләде,  “калдыкларны  икенче тапкыр эшкәртү” төшенчәсен аңлатты һәм аның эшчәнлегенә тукталды. “Экологик акциядә катнашып,  гүзәл табигатебезне саклау – һәр кешенең изге бурычы”, - диде ул.

5 апрель көнне Галимҗанова Л.Б. географиядән “Төньяк Америка буйлап сәяхәт” темасы буенча ачык дәрес күрсәтте. Укучылар Төньяк Американың географик урыны, табигате һәм халкының үзенчәлекләре турында белделәр. Практик эш башкардылар. 

Тарих – география – биология  атналыгында  укучылар  төрле фәннәр  буенча кызыклы сорауларга җаваплар бирделәр, кроссвордлар, ребуслар  чиштеләр. 1 – 6 класслар арасындагы уенда  иң көчле укучы билгеләнде. Ребусларны тиз һәм дөрес итеп чишүче укучы 6 класстан Кәримов Ильназ булды. 

2017ел – Татарстанда экология елы уңаеннан мәктәптә күргәзмзә оештырылды. Укучылар экологик даталарны искә төшерделәр. Җир – Анабызга мәрхәмәтле булу, гүзәл табигатьне саклау һәм яклау – һәркемнең изге бурычы икәнлеге ассызыкланды.

Бөре – чуклары, сыерчыклары белән янәдән туган ягыбызга яз аяк басты. Без барыбыз да, канатлы дусларыбыз – сыерчыкларны каршы алырга әзерләндек. Аларга матур итеп оялар ясадык. Сыерчыклар күптән килгән булсалар да, төньяктарак урнашу сәбәпле, безгә әле “разведчик” сыерчыклар гына килеп,  безнең ясаган ояларыбызны карап киттеләр. Сыерчык оялары ясауда барлык класс укучылары да  катнашты. Бигрәк тә 6,7,8 класс укучылары  актив булдылар.

“1 апрель  - Бөтендөнья кошлар көне” уңаеннан  мәктәбебездә , биология укытучысы  М.Р.Сәләхиева җитәкчелегендә,  “Кошлар көне” билгеләп үтелде. Кичәдә 2 – 9 класс укучылары катнашты. Укучылар беренче тапкыр рәсми рәвештә “Кошлар көне” кайчан, кайда игълан ителүе һәм дөньядагы иң матур кошлар  белән таныштылар. Төрле кошларның сайрауларын тыңладылар. Кошлар турында төрле кызыклы сорауларга җавап бирделәр. Кичә ахырында кошларны үлемгә китергән сәбәпләрне, аларны булдырмый калу юлларын ачыкладылар.

30 нчы март көнне 1-3 классларда "Семьеведение" планы буенча "Семейный отдых" темасына тәрбия сәгате үтте. Укучылар белән гаилә белән ял итү, гаиләдәге кешеләр арасында бер-береңә карата хөрмәтле булу, гаиләнең бәхете турында сөйләшенде.Балалар һәм әти-әниләр нинди ялга өстенлек бирүләре ачыкланды

28  март көнне 9 класс укучылары белән татар теленнән сынау имтиханы үткәрелде. Укучылар үзләренең белемнәрен сынап карадылар.

Мэктэбебез укучылары Нәүрүзне каршы алды. Матур җырлар, шигырьләр белән үрелеп барган бәйрәм программасы күрсәттеләр. Хәрәкәтле, күңелле уеннар уйнадылар. Карга боткасыннан, коймактан авыз иттеләр. Бәйрәм кичәсе мавыктыргыч һәм күңелле үтте. 

Язгы каникул чорында 1-3 класс укучылары өчен мәктәп спортзалында класс җитәкчесе Гәрәева Г.И. "Күңелле каникуллар" дип аталучы кичә кысаларында хәрәкәтле уеннар оештырды.