Муниципальное бюджетное общеобразовательное учреждение «Новокинерская средняя общеобразовательная школа имени Героя Социалистического Труда Стеллы Закиевны Габдрахмановой» Арского муниципального района Республики Татарстан/Татарстан Республикасы Арча муниципаль районының"Социалистик Хезмәт Герое Габдрахманова Стелла Закиевна исемендәге Яңа Кенәр урта гомуми белем мәктәбе"муниципаль бюджет гомуми белем учреждениесы
Визитная карточка
Адрес: | 422031,Российская Федерация,Республика Татарстан, Арский район,с.Новый Кинер, улица Советская, дом 8/ Россия Федерациясе,Татарстан Республикасы,Арча муниципаль районы,Яңа Кенәр авылы,Совет урамы,8 нче йорт |
Телефон: | +7(843)-669-11-57 |
E-Mail: | Snkin.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ «Новокинерская СОШ имени С.З.Габдрахмановой» |
Руководитель: | Зарипов Хамбаль Хабилович |
Год основания учреждения: | 1925 |
У нас учатся: | 241 /Бездә укыйлар 241 укучы |
У нас учат: | 32/Бездә укыталар 32 укытучы |
Муниципальное бюджетное общеобразовательное учреждение «Новокинерская средняя общеобразовательная школа имени Героя Социалистического Труда Стеллы Закиевны Габдрахмановой» Арского муниципального района Республики Татарстан/Татарстан Республикасы Арча муниципаль районының"Социалистик Хезмәт Герое Габдрахманова Стелла Закиевна исемендәге Яңа Кенәр урта гомуми белем мәктәбе"муниципаль бюджет гомуми белем учреждениесы - новости
Страницы: << 251 252 ( 253 ) 254 255 256 257 258 259 260 >>
-
"Без һәм закон"
28.01.2015
Авыл китапханәсе һәм мәктәп һзәрвакыт тыгыз элемтәдә тора.Бүген китапханәчеләр җәмгыять фәне укытучысы Сагедиев Р.Д. белән берлектә 9 класс укучылары өчен "Без һәм закон"дигән интеллектуаль уен
үткәрделәр.Укучылар законнар турында үзләренең белемнәрен күрсәттеләр.Яшүсмерләргә кагылышлы закон бозу очракларын карап киттеләр.Уенны оештыручылар өлкәннәр өчен бернинди җәза бирелми торган кайбер гамәлләр,яшүсмерләр өчен бик кыйммәткә төшәргә мөмкинлеген ачык күрсәттеләр.
-
Бөек Җиңүнең 70 еллыгын каршылап...
26.01.2015
Бөек Җиңүнең 70 еллыгына багышланган чаралар уздыру дәвам итә.Бүген һәр класс җитәкчесе герой шәһәрләргә багышланган тәрбия сәгатьләре уздырдылар. Алар укучыларны Бөек Ватан сугышында герой исеме бирелгән шәһәрләр белән таныштырдылар.Бу шәһәрләрнең ни өчен герой-шәһәрләр дип атап йөртелгәннәрен аңлаттылар.Шулай ук алар сугыш вакытында халыкның ничек яшәгенлеген,нинди авыр шартларда эшләгәнлекләрен дә әйтеп киттеләр.Бу тәрбия чарасы укучыларга сугыш чорындагы авырлыкларны күзалларга ярдәм итте.
-
Очрашу.
23.01.2015
23 январь көнне Шушмабаш урта мәктәбенең башлангыч класс укучылары Яңа Кенәр урта мәктәбенең актлар залында "Көлсылу" әсәре буенча буенча куелган спектакль күрсәттеләр.Спектакль бик эчтәлекле,күңелле булды,укучылар бик яратып карадылар .Шушмабаш урта мәктәбе укучылары сәхнәдә үзләрен чын артисларча тоттылар.Һәрбер укучы үзенә бирелгән рольне бик оста башкарды.
Кечкенә артисларга киләчәктә зур уңышлар телибез.
-
Аралашып яшибез.
23.01.2015
4 нче Б сыйныфы укучылары 1нче һәм 2 нче Б сыйныфы укучыларына Г.Корбановның "Аю булу кыенмы?"китабы буенча чыгыш күрсәттеләр.Табышмаклар әйттеләр,төрле хайваннар роленә кереп,шигырьләр сөйләделәр.Бу аралашу бик күңелле үтте.
- Сәламәт тәндә-сәламәт акыл. 22.01.2015 Һәр кеше үзенең сәламәтлеге турында кайгыртырга тиеш.Мәктәптә укучыларның сәламәтлекләрен ныгыту физкультура укытучыларына йөкләнә.Кыш көне дәресләр ачык һавада үтә.Мәктәп янында чаңгы юллары салынган.Укучылар дәрес саен чаңгыда йөреп,үзләрен чыныктыралар.
-
"Безнең җиңү!" акциясе
22.01.2015
"Безнең җиңү!" акциясе кысаларында мәктәптә Бөек Җиңүнең 70 еллыгына багышланган стенд эшләнде.Стендта сугыш ветераннары,тыл ветераннары белән очрашу мизгелләре,сугыш ветераннарын бәйрәм белән котлау,тимурчылык эше чагылдырылган.
-
"Безнең җиңү!" акциясе старт алды
21.01.2015
Мәктәптә Бөек Җиңүнең 70 еллыгы уңаеннан "Безнең җиңү!" акциясе старт алды.Акция кысаларында укучылар сугыш геройларына куелган һәйкәлләрнең чисталыгын карап ,карын көрәп,юлларын чистартып торалар.
-
Туган телем язмышы
20.01.2015
Туган телгә мәхәббәт тәрбияләү бик авыр. Сөйләм телен, туган телне үзләштерүнең төп чарасы – сыйныфтан тыш эшләр. Бу чаралар вакытында укучылар үзләрен иркенрәк тота, укытучы белән укучы якыннан аралаша. Туган телгә, халык җырларына багышланган бәйрәмнәр, жырлы-биюле уеннар балалар һәм ата-аналар күңелендә онытылмас эз калдыра. Без мәктәбебездә туган телгә багышланган чараларны шул максаттан чыгып оештырылды.
19 гыйнвар көнне татар теле һәм әдәбият укытучысы Нигматуллина Л. С. “Туган телем-иркә гөлем” дип аталган класстан тыш чара үткәрде.Чараның максаты туган телебезгә карата балаларда кызыксыну һәм мәхәббәт тәрбияләү; татар халык авыз иҗаты әсәрләрен белү күнекмәләрен тикшерү; бәйләнешле сөйләм телен үстерү.
-
Котлыйбыз!
20.01.2015
Татарстан Республикасының Хезмәт, мәшгульлек һәм социаль яклау министрлыгы ел саен мәктәп укучылары арасында “Киләчәккә билет” исемле сочинениеләр конкурсы үткәрә. Бу конкурста безнең укучыларыбыз да актив катнаша. Бадретдинова Айгөл(7 класс),Гайнуллина Гөлзилә(8 класс),Габдрахманов Райхан( 8 класс) Арчаның Хезмәт, мәшгульлек һәм социаль яклау үзәгенең грамотасы белән бүләкләнделәр.Гумеров Алмаз Арчаның Хезмәт, мәшгульлек һәм социаль яклау үзәгенең рәхмәт хаты белән бүләкләнде.
Укучыларны уңышлары белән котлыйбыз.
-
Татарча көрәш буенча ярыш
17.01.2015
16 январь көнне Яңа Кенәр урта мәктәбенең спорт залында яшүсмерләр арасында район җитәкчесе призына көрәш буенча ярыш үтте.Ярышлар районның татарча көрәш федерациясе җитәкчесе Ринат Алиев җитәкчелегендә үтте.Үз үлчәүләрендә мәктәпнең 7 Б класс укучысы Аяз Салихов -3 урын,6 Б класс укучысы Радик Лотфуллин -3 урын,8 Б класс укучысы Азат Хамзин-2 урын,8 Б класс укучысы Салават Мостафин -3 урынны алдылар.Аларны чын күңелдән җиңүләре белән котлыйбыз.Киләчәктә уңышлар телибез. Командалар арашында Шушмабаш мәктәбе беренче урынны алды.Тренеры Зөлфәт Хайруллин.Икенче урынны Яңа Кенәр мәктәбе алды.Тренеры Илгиз Салихов.Өченче урында-Сеҗе мәктәбе командасы.Тренеры-Марат Әхмәдиев. Җиңүчеләрне район башкарма комитеты җитәкчесе Илшат Нуриев,республиканың татар-башкорт көрәш федерациясе җитәкчесе Равил Хайруллин котлап ,бүләкләр тапшырдылар.