Муниципальное бюджетное общеобразовательное учреждение «Новокинерская средняя общеобразовательная школа имени Героя Социалистического Труда Стеллы Закиевны Габдрахмановой» Арского муниципального района Республики Татарстан/Татарстан Республикасы Арча муниципаль районының"Социалистик Хезмәт Герое Габдрахманова Стелла Закиевна исемендәге Яңа Кенәр урта гомуми белем мәктәбе"муниципаль бюджет гомуми белем учреждениесы
Визитная карточка
Адрес: | 422031,Российская Федерация,Республика Татарстан, Арский район,с.Новый Кинер, улица Советская, дом 8/ Россия Федерациясе,Татарстан Республикасы,Арча муниципаль районы,Яңа Кенәр авылы,Совет урамы,8 нче йорт |
Телефон: | +7(843)-669-11-57 |
E-Mail: | Snkin.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ «Новокинерская СОШ имени С.З.Габдрахмановой» |
Руководитель: | Зарипов Хамбаль Хабилович |
Год основания учреждения: | 1925 |
У нас учатся: | 241 /Бездә укыйлар 241 укучы |
У нас учат: | 32/Бездә укыталар 32 укытучы |
Муниципальное бюджетное общеобразовательное учреждение «Новокинерская средняя общеобразовательная школа имени Героя Социалистического Труда Стеллы Закиевны Габдрахмановой» Арского муниципального района Республики Татарстан/Татарстан Республикасы Арча муниципаль районының"Социалистик Хезмәт Герое Габдрахманова Стелла Закиевна исемендәге Яңа Кенәр урта гомуми белем мәктәбе"муниципаль бюджет гомуми белем учреждениесы - новости
Страницы: << 251 ( 252 ) 253 254 255 256 257 258 259 260 >>
-
Күңелле зарядка
05.02.2015
Яңа Кенәр мәктәбендә башлангыч класс укучылары өчен "Күңелле зарядка " акциясе старт алды.10 класс укучылары беренчеләр өчен күңелле музыка астында зарядка эшләттеләр. Укучылар матур музыка астында апаларына ияреп сикерделәр,биеделәр,күнегүләр эшләделәр.Укучылар бу акциягә бик теләп катнашалар.Иртәне күңелле зарядкадан башлау көн буена укучыларга күтәренке кәеф бирә.Бу акция дәвамлы булыр дип ышанып калабыз.
-
Бөек Җиңүнең 70 еллыгын каршылап...
04.02.2015
Бөек Ватан сугышына багышланган хикәяләр ,шигырьләр бик күп. 10 класс укучылары 1-4 класс укучыларын шушы әсәрләр белән таныштыралар.Бүген алар 4Б класс укучылары белән Бөек Ватан сугышының 70 еллыгына багышланган әңгәмә уздырдылар.Әңгәмәдә алар сугыш турында шигырьләр сөйләделәр,Бөек Ватан сугышына багышланган сораулар биреп укучыларның белемнәрен тикшерделәр.
-
"Бабаема хат" конкурсы
03.02.2015
Мәктәптә 5-8 класс укучылары арасында "Бабаема хат "дип аталган конкурс игълан ителгән иде.Укучылар сугыш ветераны булган,сугыштан кайтмый калган бабаларына хат яздылар.Конкурска нәтиҗә ясалды.Беренче урынга 8Б класс укучысы Сайфуллин Салават эше лаек дип табылды.,Бадретдинова Айгөл(7Б кл.)- икенче урын,Касимова Резеда( 8Б кл.),Гарифзянова Азалия (5 кл.)- өченче урынны алдылар.8Б класс укучылары иң актив катнашкан класс булды. Җиңүчеләрне чын күңелдән котлыйбыз һәм аларга уңышлар телибез.
-
Тыл ветераны белән очрашу.
02.02.2015
Бөек Җиңүнең 70 еллыгы уңаеннан исән сугыш ветераннарын,тыл ветераннарын барлау,алар белән очрашулар уздыру дәвам итә.Шундый хөрмәткә лаек кешенең берсе- Гарифзянова Кәүсәрия апа. Ул Яңа Кенәр авылында яши.Өлкән кешегә фәкать якты караш ,җылы сүз,хөрмәт,игътибар кирәк.Кәүсәрия апа 11Б класс укучысы Гарифзянов Рамазанның кадерле әбисе.Рамазан әбисен һәрвакыт олылап,хөрмәтләп тора.Класс җитәкчесе Самигуллина Фәридә Ахматхасановна да үзенең классы белән ветераннар белән очрашулар уздырып тора.Бүген алар Гарифзяновларга бардылар.
-
Сугыш һәм тыл ветераннары белән очрашу
02.02.2015
Күрмәгәнгә күрсәтмәсен генә!
Газаплары яуның булды күп…Ятып калган дуслар истә чакта,
Мин батыр, дип уйлау гөнаһ күк.
Сугыш һәм тыл ветераннары белән очрашу күңелдә һәрвакыт моңсулык,зур ихтирам хисе калдыра.
Бөек Җиңүнең 70 еллыгына багышланган очрашуда 7А класс укучылары сугыш ветераны Рәгыйб Халиков,хезмәт һәм тыл ветераннары Фәния апа һәм Майбәдәр апа белән очраштылар.Рәгыйб ага укучыларга сугышта күргәннәрен сөйләсә,Фәния апа һәм Майбәдәр апа сугыш вакытында тылда ничек эшләгәннәрен,ничек тормыш алып барганнарын сөйләделәр.Сугыш чорын һәм хәзерге вакыттагы тормышны чыгыштырып күрсәттеләр.Хәзерге заман баларына уку өчен бөтен мөмкинлекләр дә ачык,бары тырышып укырга гына кирәклеген аңлаттылар.
-
Студентлар белән очрашу
31.01.2015
30 январь көнне мәктәпнең актлар залында."Бер очрашу -үзе бер гомер" дип аталган студентлар белән очрашу кичәсе үтте.Кичә ярыш формасында барды.11 класс укучыларыннан һәм студентлардан торган командалар ярышты.Командаларга төрле сораулар ,биремнәр бирелде.Бөек Җиңүнең 70 еллыгына багышланган сорауларга да укучылар бик теләп җавап бирделәр.
Студентлар үзләре белем алган уку йортлары турында чыгыш ясадылар.КАИ,аграр,энергетика университеты ,КФУ,МФТИ студентлары үзләренең ничек укулары,кайсы фәннәрне ныграк өйрәнергә кирәклеге турында сөйләделәр. Очрашу концерт номерлары белән үрелеп барды,укучыларга да,студентларга да бик ошады. Бу очрашу чыгарылыш класс укучыларына уйланырга, имтиханнарга яхшырак әзерләнергә ярдәм итәр дип уйлыйбыз.
-
Җиңү җиңел бирелмәде
30.01.2015
Бөек Җиңүнең 70 еллыгына багышланган чаралар уздыру дәвам итә.Башлангыч класс укучылары арасында "Җиңү җиңел бирелмәде ..."исеме астында Бөек Җиңүнең 70 еллыгына багышланган рәсемнәр конкурсы үтте.Конкурска эшләр бик күп килде. Укучылар сугышны,тынычлыкны,җиңү шатлыгын төрле яктан яктыртканнар.Конкурска килгән эшләрнең иң яхшыларыннан мәктәптә стенд эшләп куелды.
-
Шигырь кичәсе
30.01.2015
2015 ел РФ Президенты Владимир Путин указы буенча Россиядә Әдәбият елы дип игълан ителде.Шул уңайдан Яңа Кенәр балалар китапханәсендә "Тамчы" дип аталган әдәби түгәрәк эшли башлады.
Түгәрәккә иҗади сәләтле балалар йөри. Китапханәче Газизова Суфия апа укучыларны "Яшъ талантлар үсә"дип аталган шигырь кичәсенә чакырды. Укучылар "Тамчы" түгәрәгенең эшчәнлеге белән таныштылар.Талантлы укучыларның шигырьләрен тыңладылар,күренекле шагыйрьләр турында сөйләштеләр.
Суфия апа укучыларга Бөек Җиңүнең 70 еллыгына багышланган рәсем,шигырь,хикәя конкурслары башланганын әйтте,укучыларны конкурсларда катнашырга чакырды.
-
Бөек Җиңүнең 70 еллыгын каршылап...
29.01.2015
29 январь көнне Бөек Җиңүнең 70 еллыгына багышланган "Батырлар эзсез югалмас.." дип исемләнгән тәрбия сәгатьләре үтте.Дәрескә һәр класс җитәкчесе Бөек Ватан сугышы геройлары турында чыгыш әзерләгәннәр иде.Алар укучыларны якташ геройлар белән таныштырдылар.Герой исеме ни өчен бирелгәнлеген аңлатып киттеләр.
Сугыш вакытында кешеләрнең батырлыкларын бернәрсә белән дә бәяләп бетерерлек түгел.Хәзерге һәм киләчәк буын моны онытмасыннар иде.
-
Психолог белән очрашу
29.01.2015
11 класс укучылары өчен бик тыгыз вакыт. Алда ЕГЭлар.ЕГЭларга әзерләнү барлык укучыларга җиңел бирелми.Кайберләре үзләрен тыныч тотса да ,бик нык курыккан укучылар да бар.Мондый вакытта укучыларга психолог киңәше бик кирәк.
11 класслар белән очрашу өчен без мәктәпкә "Өмет" тернәкләндерү үзәге психологы Гарифуллина Ф.Г.чакырдык.Ул укучылар белән аралашты,аларның үз-үзләрен ничек тотуларын билгеләү өчен тест эшләтте.Экзаменнар алдыннан үзеңне ничек тотарга кирәклеген аңлатты,киңәшләр бирде.Бу психологик ярдәм укучыларның үз-үзләренә ышанычларын арттырыр дигән өметтә калабыз.