Түбән  Аты  мәктәбе  укытучылар  коллективыГ.Камал театрында“яшь драматург Илгиз Зәйниев пьесасы буенча куелган  “Әрем  исе” дип исемләнгән спектакль   карадылар.  Әсәрнең  режиссеры – Айрат Абушахманов.Рольләрдә театрның атаклы артистлары Илдар Хәйруллин, Алсу Гайнуллина,  Илдус Әхмәтҗанов, Зөлфирә Зарипова, шулай ук Ришат Әхмәдуллин, Раил Шәмсуаров, Эмиль Талипов, Алмаз Сабирзянов, Гөлчәчәк Хәмәдинурова, Гөлчәчәк Гайфетдинова һәм Нәфисә Хәйруллина уйнадылар. Г.Камал театрына сәяхәттән  барыбыз  да кәнәгать  калдык. Шушы  чараны оештырган профсоюз комитетына   зур  рәхмәт.

Шушы  көннәрдә  генә  авылымның  тулы  тарихын үз  эченә  алган,  авылдашларымның   хатирәләрен яңарткан ,  күңелләрен  кузгаткан  тарихи  вакыйгаларны .мәгълүматларны чыганакларга таянып  раслап  күрсәткән  “Авылымның йөзек  кашы—сәхтиян  читекләре”  дигән   китап дөнья күрде.Китапны  тәкъдир итү кичәсе күренекле авылдашларыбыз катнашында  Кылачыда үтте. Китапның  авторы—туган авылымның  сулышын  тоеп  яшәүче  игелекле  авылдашыбыз— педагогика  фәннәре  кандидаты,Татарстанның  атказанган  укытучысы,РФнең  мәгариф  отличнигы ,Арча районы ветераннар советы җитәкчесе   Наил  Газиз улы  Габдрахманов. Китапның  “Метрикә  дәфтәрләре ни сөйли”  ,“Кылачы читекчеләре”,”Авыл  турында  истәлекләр “, “Шәҗәрәләр”  дигән бүлекләрен   укып , авыл  һәм аның кешеләре турында бик күп мәгълүмат алырга  мөмкин.

           Әйе,туган  авылымның    зиннәтле  сәхтиян  читекләре  белән генә  түгел,затлы шәхесләре белән дә  горурланырлыгы  бар:  күренекле  авылдашыбыз,Татарстан  Республикасы  Дәүләт Советы   депутаты,”Бәхетле”  кибетләр челтәре  генераль  директоры  Мөслимә апа Латыйповага  да  рәхмәтебез  чиксез. Авылны   нурлап торган  мәчет, зиратны әйләндереп  алган яңа койма һәм башка исәпсез   күп  яхшылыклары   авылыбыз тормышын   куанычлырак, бәрәкәтлерәк   итә. 

           Авылымда  тормыш   дәвам итә: беренче сыйныфта укучы Гөлинә сукмак буйлап  мәктәпкә ашыга,   уңган егетләр Илфар,Илназ  туган йортка килен төшерә, Әминә  әби чордашлары белән бергәләп  мәчеткә таба атлый...

.       Авыллар язмышы,милли  гореф-гадәтләр  турында илкүләм   югарылыкта сүз барган мәлдә,  челтер чишмәле, зиннәтле читекле, матур җырлы, булдыклы шәхесләре белән билгеле  Кылачыбыз турындагы китап—тиңсез   хәзинә, сагынучыларга дәва ,   сабыйларга  бәһасез  олы бәхет. Авылыбыз тарихын киләчәк буыннарга  тапшыручы   зур хәзинә—китапның  дөнья  күрүендә    хезмәтләре, көчләре  кергән  игелекле авылдашларыбызга  сәламәтлек, иҗади уңышлар телибез.

                                                                                                Хәмидуллина Зөлфия Ясәви кызы, татар теле һәм     әдәбияты укытучысы

    Вот уже тертий раз в нашей школе прошел Всероссийский   Экоурок “Хранители воды” . Его провел учитель биологии Шакиров Р.Н. У нового урока — новая цель: познакомить детей с темой переработки отходов и рассказать о том, как, перерабатывая отходы, мы экономим воду и сохраняем ее чистой!

    Что узнали и чему научились школьники:

    Благодаря интерактивной презентации узнали о пользе раздельного сбора и переработки отходов и о их связи с сохранением чистой воды. На ярких примерах было рассказано о современных экологических проблемах, связанных с загрязнением воды мусором, и методах вторичной переработки отходов.

    С помощью увлекательной настольной игры «Секреты переработки» закрепили знания и приблизили их к повседневной жизни.

     Урок получился интересным и полезным.

12 октябрь көнне Ташкичү төп гомуми белем мәктәбендә татар теле укытучыларының республика семинары булып узды. Ул “Болганчык еллар җырчысы “ темасы астында үткәрелгән күренекле татар классик язучысы Мәхмүт Галәүне искә алу кичәсе иде. Чыгыш ясаучылар күрше Әтнә районыннан, Казан каласыннан, Арча районыннан килгәннәр иде. Бик җанлы, мавыктыргыч чарада М. Галәү иҗатының күпкырлы яклары яктыртылды. Катлаулы язмышка ия булган якташыбыз турында моңарчы билгеле булмаган фактлар ачылды. Дәрәҗәле семинар эшендә мәктәбезнең тарих укытучысы Фәнил Хәлил улы Кашшапов та катнашты. Ул “Мәгьрифәтле якның “Язмыш җырчысы” дигән темага чыгыш ясады.

10 нчы октябрь көнне Казанбаш төп мәктәбендә “Татар теле һәм әдәбияты буенча  федераль дәүләт белем бирү стандартларын тормышка ашыру кысаларында укучыларның  эшчәнлеген оештыру” дип аталган  район мәктәпләренең татар теле һәм әдәбияты укытучыларының семинар - киңәшмәсе узды. Бу семинарда бүгенге көндәге актуаль мәсьәләләр каралды.Семинар киңәшмәдә язучылардан Наилә Ахунова, Мәдинә Маликова, Борис Вайнер катнашты. Семинар кунаклары Р.Ф.Рамазанова, Л.М.Габдрахманова, Ф.Ш.Исхакованың ачык дәресләрен карадылар.Очрашу бик эшлекле шартларда үтте һәм кунаклар тарафыннан югары бәяләнде. Бу семинарда безнең мәктәпнең татар теле һәм әдәбияты укытучысы Хәмидуллина З.Я. 5нче сыйныфта ачык дәресне карап,очрашуда булып кайтты.

Мобильная бригада МБОУ «Нижнеатынская ООШ», в рамках реализации плана работы по развитию республиканского антинаркотического проекта «SaMoSтоятельные Дети» участвовали в антиалкогольной акции «Здоровая пробежка». , провели пробежку с призывами, лозунгами, «речевками» про ЗОЖ. На старте и финише маршрута пробежки дети предлагали болельщикам и прохожим принять участие в конкурсе на самые информативные «речевки», поговорки и стихотворения о вреде употребления алкоголя и пользе трезвости и выдавали листовки о движении «Самостоятельные дети»,об опасности для здоровья употребления пива, алкоголя, энергетических напитков, а также об административной ответственности несовершеннолетних, связанной с употреблением алкогольных напитков.

Өлкәннәр ункөнлеге уңаеннан Түбән Аты мәктәбе интернатындагы укучылар, дәресләрдән соң, укытучы Хәмидуллина З.Я. җитәкчелегендә Тәбән Атыда яшәүче авылдашыбыз Зәйнәп апа Хәйруллинаның хәлен белергә,өлкәннәр көне белән тәбрик итәргә бардылар. Зәйнәп апа апрель аенда 75 яшен тутырган икән: эш урыныннан аңа диплом һәм кыйммәтле бүләкләр тапшырганнар Зәйнәп апа балаларга үзенең 36 ел буе ветеринар белгечлеге буенча эшләве турында сөйләде. 6нчы сыйныф укучысы Шаһиәхмәтов Диас Зәйнәп апага чәчәк бәйләме бүләк итте, 7нче сыйныф укучысы Кәримова Гөлия күчтәнәч пакетын тапшырды.Зәйнәп апаның күзләре яшьләнде: килгән өчен балалага рәхмәтен белдерде,ләкин фотога төшүдән баш тартты.

5 нче октябрь- дөньядагы иң мактаулы,шул ук вакытта авыр да, җаваплы да булган һөнәр ияләре- Укытучылар көне.Шул уңайдан мәктәбебездә Укытучыларга багышланган шигырьләрне сәнгатьле итеп сөйләү буенча”Шигырь укып сәхнә тотканнарның күңелендә булмый каралык” дип аталган ярыш оештырылды.Әлеге конкурста 20дән артык укучы катнашты. Балаларның чыгышларын мәртәбәле жюри- Түбән Аты Мәдәният йорты директоры Мөхәмәтгалиева Илсия Касыйм кызы, сәнгать җитәкчесе Мөхәмәдиева Нурания Рәүф кызы һәм авыл китапханәчесе Җәләева Раушания Мәхмүт кызы бәяләделәр.Барлык укытучыларга бәйрәм котлавын мәктәп директоры Габдрахманов Илнур Наил улы җиткерде:”Бердәм булып, барыбыз да эшчәнлегебезне бер максатка юнәлтеп эшләсәк кенә ,зур уңышларга ирешеп була. Изге эшегездә уңышлар, саулык-сәламәтлек, гаиләләрегезгә иминлек, иң мөһиме- акыллы һәм тырыш балалар телим”,-диде ул.

Зал бәйрәмчә бизәлгән. Шунда ук “Минем яраткан укытучым, “Көз бизәкләре” рәсем конкурсларында җиңү яулаган эшләр дә урнаштырылды.

Укучыларның чыгышлары берничә критерий буенча бәяләнде. Алар-текст сайлау, сәнгатьле сөйләү, сәхнә киеме һәм башкару осталыгы. Башлангыч сыйныф укучылары һәм өлкән сыйныф укучылары арасыннан-3әр призлы урын билгеләнергә тиеш иде. Бу чарада җиңелүче була да алмый, укучыларның барысы да тырышканнар.Шулай да һәр ярышта иң-иңнәр булмый калмый.

Менә таләпчән жюри тарафыннан җиңүчеләрнең исемнәре яңгырый. Башлангыч сыйныф укучылары арасыннан Йосыпова Дилә, Гайфуллин Наил,Кәримов Фәнис, өлкән сыйныф укучылары Мәликова Гүзәл, Хуҗиев Рүзәл, Ихсанов Илмир чыгышлары иң уңышлы дип табылды. Аларга Мактау грамоталары, Дипломнар, истәлекле бүләкләр тапшырылды

1 нче октябрь – "Агач утырту көн"е буларак билгеләнгән. Димәк, бу көнне без агачлар утыртырга, аларны карарга, сакларга тиешбез. Шундый девиз астында без - 9 нчы сыйныф укучылары да бу акциягә кушылырга булдык. Без дә интернат ишегалдына матур-матур агачалар утырттык. Утыртып кына тугел, аларны карарга да кирәк бит әле! Шуңа күрә көн саен без аларга су сибәрбез, аларны үстерербез. Ә инде алар матур булып үскәч :”Эх, ә бит бу агачларны мәктәптә укыганда без утырткан идек”,- дип искә алырбыз, аларга сокланырбыз. Димәк,барлык кешеләр дә бу акциядән читтә калмасыннар иде, чөнки агачлар безнең сулар һавабызны да чистарталар, дип әйтер идем мин.
                                                                                                                                                                   Маликова Гүзәл, 9нчы сыйныф укучысы