Үрмәләүле уеннарның максаты - балаларга үрмәләп йөрү, үрмәләп югарыга таба менү күнекмәләре бирү, аларда игътибарлылык, тотнаклылык, түземлелек сыйфатлары тәрбияләү, хәтер сәләтләрен, зиһеннәрен үстерү.

Балаларга табын янында утыру кагыйдәләрен төшендерү: 1) ашаганда өстәл артында тыныч утырырга, гәүдәне төз тотарга өйрәтү; 2) тәлинкәгә артык иелмәү, кашыкны уң кулда дөрес тоту, кашыкка ризыкны аз-азлап алу; 3) авыздагы ризыкны йотып бетермичә, өстәл артыннан чыкмаска кирәк.

1 нче кечкенәләр төркеменең табигый материаллардан көзге композициясе.

Акварель буяулар белән эшләү кагыйдәләре: 1) Буяр алдыннан пумаланы суга манып алырга һәм артык суны савыт кырыена тидереп саркытырга кирәк. 2) Дымлы пумала белән үзеңә кирәкле төсне алырга мөмкин. 3) Буяган вакытта пумаланы бер юнәлештә генә йөртергә кирәк. 4) Пумалага каты басарга һәм аны тәртипсез рәвештә төрле юнәлешләрдә хәрәкәтләндерергә ярамый. Алай итсәң, пумаланың кыллары буталачак. 5) Яңа төскә буяр алдыннан, пумаланы чиста суда яхшылап юу мөһим. Әйбәтләп чистартмаган очракта рәсем пычраначак кына.

Максат: Уен площадкасында хәрефле һәм санлы кубиклар белән уйнау. Балаларны саннарны һәм хәрефләрне аерырга өйрәтү. Иптәшләренә карата игътибарлылык тәрбияләү.

Кызларыбыз "Көз бәйрәменә" кулчатырлар белән бик матур бию өйрәнәләр. Биюне аларга музыка җитәкчесе Лилия апалары өйрәтә. Максат: шушы бию аша, кызларның осталыкларын, нәфислеген күрсәтү, балаларның көйгә дөрес итеп хәрәкәтләр ясауларына ирешү.

Уеннар, тәрбия чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатлар да тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә.

1 нче кечкенәләр төркеме балаларының конструктор белән уйнаулары. Максат: балаларның мөстәкыйль рәвештә конструктор төзүләре; аларның уйлау сәләтләрен үстерү; бер-берсе белән дустанә мөнәсәбәттә, уенчыкларын бүлешеп уйнауларына ирешү.