Максат: Балаларга юл йөрү кагыйдәләрен өйрәтү. Светофор, ГАИ машинасы, юл билгеләрен күрсәтү. Балаларның күзәтүчәнлеген, игътибарын, хәтерен, сөйләмен, уңай эмоцияләрен үстерү.

Максат: Ноябрь башы гына булуга карамастан, бөтен җир ап-ак булды, күп итеп кар яуды. Без дә балалар белән урамга саф һава суларга чыктык. Балалар техник хезмәткәрнең эш кораллары белән таныштылар. Форсаттан файдаланып, үзләре дә юлны кардан чистартырга булыштылар.

Максат: Зурлар төркеме белән иҗади сәнгать шөгыленнән пластилин әвәләдек. Пластилиннан гусеница  һәм чәчәк ясадык. Бу шөгыль төсләрне аерырга, бармаклар белән вак кына кисәкләр әвәләргә өйрәтә. Ахырдан эшләгән эшләренә нәтиҗә ясала, шулай итеп, хезмәткә мәхәббәт тәрбияләнә.

Максат: Балалар мозаика белән уйнарга бик яраталар. Төрле рәсемнәр төзиләр. Мозаика балаларның уйлау сәләтләрен үстерә, бармак һәм кул хәрәкәтләрен тизләтә, бер-берләренә карата игътибарлылыкны ныгыта.

Максат: Балалар физкультура дәресендә кыршаулар һәм гимнастик таяклар ярдәмендә төрле күнегүләр башкаралар. Бу күнегүләр аларны физик яктан чыныктыра, бер-берләренә игътибарлы, ярдәмчел булырга өйрәтә.

Безнең балалар бакчасыннан "Нәни Сөмбелә" конкурсында Саттарова Азалия катнашты. Ул бик матур итеп шигырь сөйләде. Аннары Айсылу һәм Ләлә исемле кызлар белән матур бию башкардылар. Безнең Азалия "Ягымлы Сөмбелә" номинациясендә җиңү яулады. Без аларны чын күңелдән котлыйбыз.  

Максат: Зурлар төркеме белән "Яраткан уенчыгым" темасына рәсем ясау. Балаларны рәсем ясарга өйрәтү; краска белән пөхтә итеп буяуларына ирешү. Матурлыкны күрә белергә өйрәтү.

Максат: 1 нче кечкенәләр төркеме балалары белән гөлләрнең тузаннарын сөртү. Балаларга ничек итеп  гөлләрне тәрбияләргә кирәклеген төшендерү. Аларны хезмәт тәрбиясенә, матурлыкны күрә һәм саклый белергә өйрәтү.