Сегодня учителя русского языка и литературы вместе с учениками 8 класса провели Всероссийский словарный урок.

22 ноября – день рождения Владимира Ивановича Даля, создателя уникального «Толкового словаря живого великорусского языка». Именно в этот день отмечается  всероссийский День словарей и энциклопедий.

"Сак булыгыз: көзге боз!" Әлеге темага укытучылар классларда сөйләшүләр алып барып тора. Бүген класс сәгатендә укучылар куркынычсызлык кагыйдәләрен тагын ныклап кабатлап чыкты.

Габдулла Тукайның юбилеен каршылап, мәктәпләрдә, районда төрле чаралар үткәрелеп тора. Бу чараларда безнең укучылар да яратып катнаша. 4 класс укучылары Гарипова З. һәм Зәкиева З. Тукай әсәрләренә иллюстрацияләр ясап, район конкурсында 2 һәм 3 урыннарга лаек булдылар. Укытучылары Гозәерова Л.Г. Котлыйбыз!

21 ноябрь көнне төп гомуми белем мәктәпләре арасында район беренчелегенә баскетбол ярышлары үтте. Безнең укучыларыбыз яхшы уен күрсәтеп, 3 нче призлы урынга лаек булдылар. Тренерлары Мустафин Р.Р. МОЛОДЦЫ!

Бүген Шушмабаш урта гомуми белем  мәктәбендә профсоюз хезмәткәрләре арасында бадминтон һәм  өстәл теннисы буенча зона ярышлары үтте. Анда безнең укытучылары лаеклы чыгыш ясадылар. Бадминтончылар арасында Мостафин Р.Р. һәм Таҗиева Г.С икенче булдылар , ә өстәл теннисы буенча Таҗиев А.А. өченче булды. Котлыйбыз!!!

Бүген Хәсәншәех төп гомуми белем мәктәбендә зона буенча төп мәктәп командалары арасында баскетбол ярышлары үтте.

Бүген Яңа Кенәр мәдәният йортында  зона буенча КВН уены булып узды. КВНда алты мәктәп командасы катнашты. Безнең мәктәп укучылары бик матур чыгыш ясадылар. Молодцы!.

Әдәбият елы дәвам итә. Инде берничә атна дәвамында укучылар төрле халыкларның шигырьләрен укыйлар. Шулай итеп укучыларда туган телгә генә түгел, башка милләтләрнең әдәбиятенә  карата да ихтирам хисләре тәрбияләнә.

Әдәбият елы уңаеннан Арча төбәге язучылары, шагыйрьләренең тормышы һәм иҗаты белән танышуны үз эченә алган “Әдәби хәзинә”  циклы дәвам итә. Әлеге дәресләр укытучылар һәм укучылар өчен күп файдалы мәгълүмат бирә, матур әдәбият әсәрләренә кызыксыну уята. Бүгенге класс сәгатьләре якташ язучыбыз Рафаил Төхфәтуллин белән танышуга багышланды.

12  нче ноябрь көнне Шушмабаш урта мәктәбендә математикларның зона семинары булып узды. Бу семинарда безнең мәктәпнең математика укытучысы Сәләхова Гөлсинә Миннехановна  ” Федераль дәүләт белем бирү стандартларына күчү шартларында математик белем биргәндә заманча технологияләрне куллану” дигән темага чыгыш ясады.  Укытучының фикеренчә, математика  укыту системалы белемнәр үзләштерүне таләп итә. Укытучы тарафыннан укучының фикерләү сәләтен үстерү, фикереңне кыска, шул ук вакытта төгәл һәм ышандырырлык итеп бәян итәргә, аны дәлилләргә, теләсә нинди ситуациядән иң оптималь, җайлы, уңай чишелеш табарга өйрәтү, фәнни-техник алгарыш өчен бу фәннең мөһим терәк булуын аңлатырга тырышу кирәктер. Ничек кенә укытсак та, “йомшак” укучыларда үз көченә ышаныч уятырга, уртача үзләштерүчегә — югарырак үрмәләргә ярдәм итәргә, ә көчлеләрдә иҗади уйландыра торган эш запасын саектырмаска кирәк.