Җиңүнең 73 еллыгын бәйрәм итү тантанасында 4 класс укучыларын варислар сафына кабул иттек. Укучылар варислар кагыйдәләрен төгәл үтәргә вәгъдә бирделәр.

  " Брестская крепость" фильмы буенча викторина узды. Укучылар караган фильм буенча кызыклы фактларны искә төшерделәр. Җиңүчеләр билгеләнде.

27 апрель көнне Казан шәһәрендә каһарман язучы А.Алишның 110 -еллык юбилеена багышланган төбәкара фәнни-эзләнү конференциясендә безнең мәктәпнең 6 сыйныф укучысы Зәкиева З. дә катнашты.”Шигърият бакчасында”секциясендә уңышлы чыгыш ясап, лауреат дипломы алып кайтты.Шулай ук аның шигырьләре җыентыкка кертелде. Зилияне һәм аның җитәкчесе Гозәерова Л.Г. ны зур уңышлары белән котлыйбыз.

Тарих атналыгы кысаларында бүген мәктәптә Җиңү көненә багышланган җырлар, шигырьләр конкурсы булды. Кичәнең максаты:  Бөек Ватан сугышы елларында халкыбызның фронтта һәм тылда күрсәткән тиңдәшсез батырлыгы үрнәкләре белән яшь буынны таныштыру; буыннар арасындагы бәйләнешне ныгыту, укучылар күңелендәге сугыш чорын, намуслы хезмәт белән көн күргән сугыш һәм тыл ветераннарына, апаларга ,әбиләргә, тыл ветераннарына олы хөрмәт хисе тәрбияләү, гадел, тату, эшчән, игелекле булырга омтылыш уяту .

 Авыл табигатен яшелләндерү, тагын да матурайту өчен ел саен зур эш башкарыла. Быел да агач утырту акциясендә катнашып, үзенчәлекле карагай агачлары утырттык. Рәхәтләнеп  үсегез, агачлар.

  26 нчы апрель  - бөек шагыйребез Г.Тукайның тууына 132 ел булды  .Шушы унайдан мәктәбебездә " Туган тел һәм  шигьрият " бәйрәме   үткәрелде. "Йөрәкләрдә яшисең Тукай" дип исемләнгән чарада шагыйрьнен тормышы һәм иҗаты чагылыш тапты. Укучыларыбыз   шигырьләрен яттан сәнгатьле итеп сөйләделәр, аның сүзләренә язылган  җырларны башкардылар. 6-7 класс укучылары бөек шагыйребез тормыш юлына  һәм  иҗатына багышланган " Тамчы шоу"  интелектуаль уенында катнаштылар. 

Җиребезгә ямьле язлар килде,

Тамчыларда кышның күз яше.

Сагындырып килеп Тукай язы,

Бар халыкны үзенә ул дәште.

Күңелләрнең нечкә кылын тарта,

Һәр татарның бүген моңлы сазы.

Гасырлардан сихри аваз салып,

Апрель белән килде Тукай язы.

Халкым елда сагынып көтеп ала,

Бөек улын биргән һәр язны.

  Укучыларны  Г. Тукай тормыш юлы, иҗаты белән таныштыру  максатында, информацион стенд  эшләнелде.Укучылар бөек шәхесебез турында булган белемнәрен бик теләп ныгыттылар, баеттылар.