21 ноябрьдә «Мин Арча баласы» проекты район яшьләрен Арча мәдәният йортында “Нәрсә? Кайда? Кайчан?” интеллектуаль уенына җыйды. Чарада районның 25 мәктәбеннән 60 укучы катнашты. Тантаналы ачылышта катнашучылар «Мин Арча баласы» проекты гимнын башкардылар. Проект җитәкчесе Гыйниатуллин Руслан Наил улы кече ватаныбызның тарихын өйрәнүдә кызыксынулары өчен барлык катнашучыларга рәхмәт сүзләрен җиткерде. Интеллектуаль уен тарих, истәлекле урыннар, Арча төбәге белән бәйле вакыйгалар, халык мәгърифәтчеләре, язучылар, географик аталар, мәдәният темаларына кагылган 20 сораудан торды. Уен бик күңелле һәм бай эчтәлекле булды. Катнашучылар үз командаларында актив эшләделәр, киңәшләштеләр, сорауларга җавап бирделәр. Укучылар белемнәрен күрсәтеп кенә калмады, Арча төбәге турында бик күп яңалык белделәр.

2025 елда “Мин Арча баласы” проекты Мәдәният инициативаларының Президент фонды гранты хисабына тормышка ашырыла.

Сегодня прошли зональные соревнования по настольному теннису и бадминтону среди членов профсоюза учреждений образования Арского муниципального района РТ.
Тазиева Гульшат Сайфулхановна - 3 место (бадминтон)
Мустафин Рифат Рахимзянович- 2 место (бадминтон)
Ахмадуллин Данис Равилевич - 3 место (настольный теннис).
От всей души поздравляем наших замечательных коллег с победой! 

19нчы ноябрь көнне Пушкин картасы кысаларында, 8-9 класс укучылары Казан Кремленә экскурсиягә бардылар.

 Габдулла Тукай исемендәге Әтнә татар дәүләт драма театрында Гомәр Мәрдәнов исемендәге театр фестивале кысаларында
узган Балалар һәм яшүсмерләр арасында республикакүләм драматургия конкурсының йомгаклау тантанасы булды. Әлегеге чарада безнең Хәсәншәех төп гомуми белем мәктәбенең 9 сыйныф укучысы Фәхретдинова Рәзилә (җитәкчесе Гозәерова Л. Г.) 3 урынга лаек булды.
Балалар һәм яшүсмерләр арасындагы республикакүләм драматургия конкурсы Татарстан Республикасының Мәдәният министрлыгы, Габдулла Тукай исемендәге Әтнә татар дәүләт драма театры тарафыннан Татарстан Республикасының Мәгариф министрлыгы ярдәме белән үткәрелә.
Конкурсның бурычлары - балалар hәм яшүсмерләр тарафыннан драматургия әсәрләре тууга этәргеч бирү, балалар оешмаларындагы театр түгәрәкләренең репертуарын төрләндерү, үсеп килүче буында татар теленә, әдәбиятына, театр сәнгатенә мәхәббәт тәрбияләү.

Утро понедельника, 17 ноября 2025 года, началось с торжественной линейки в школе. Под звуки гимна Российской Федерации флаг был торжественно поднят. В этот день школьники приняли участие в уроке «Разговоры о важном», который был посвящён Дню психолога. Темой урока стало: «Как решать конфликты и справляться с трудностями?». Учителя рассказали ученикам о профессии психолога. Этот праздник в России отмечается 22 ноября.
Особое внимание на уроке было уделено причинам конфликтов и способам их разрешения. Обсуждалась важность уважительных и гармоничных отношений с окружающими. Также были рассмотрены современные методы психологической помощи в сложных жизненных ситуациях. Урок помог ученикам глубже понять человеческую психику и научиться эффективно взаимодействовать с окружающим миром.

14 ноябрь көнне Арчада “Тимер атым” исеме астында велосипед турниры булып узды. Укучылар фигуралы йөртү, велосипедны сүтеп-җыю, беренче ярдәм, юл йөрү кагыйдәләре буенча чыгыш ясадылар. Бу ярышларда безнең укучыларыбыз да актив катнаштылар. Гарифуллин Алмас велосипедны сүтеп-җыю ярышында 1нче урын алды. Фахретдинова Рәзилә 4 ярышта призлы урыннарга лаек булды. Алдагы ярышларда да унышлар телибез!

Эңгер-меңгер яки тәүлекнең караңгы вакытында юлда җәяүлене күреп булмый диярлек. Киемдәге яктылыкны кире кайтаручы элементлар(фликерлар) юлларда җәяүлеләрне күрергә ярдәм итә, машина йөртүченең игътибарын җәлеп итәчәк hәм җәяүлене вакытында күреп алырга мөмкинлек бирә.

Әмма кайбер очракларда фликерлар гына җитәрлек булмый. Бигрәк тә балаларга ике кулда, билдә (киемдә) hәм рюкзакта яктылыкны кире кайтаручы элементларны кулланырга кирәк. Буе 140 сантиметрга кадәр булган баланың рюкзагына, җиңнәренең өске өлешенә hәм баш киеменә яктылыкны кире кайтаручы элементлар беркетегез.

Яктылык кайтаргыч элементлар (фликерлар) — ул махсус материаллардан ясалган, яктылык нурын яңадан аның чыганагына кайтарырга сәләтле, автомобиль фаралары яктыртылышындагы ачык ак төскә әверелә торган элементлар.

Яктылыкны кире кайтаручы элементлар балалар коляскаларына да беркетелергә тиеш.

Хөрмәтле җәяүлеләр, исегездә тотыгыз, хәвефсезлек сезнең үзегездән тора. Тәүлекнең караңгы вакытында хәрәкәт иткән чакта киемдә яктылыкны кире кайтаручы элементларны кулланыгыз. Моннан тыш, юл хәрәкәтендә катнашучы балаларга аерым игътибар бирегез.