Бүген 1 октябрь-Халыкара Өлкәннәр көне. Шушы уңайдан барлык ветеран укытучыларыбызны, пенсионер хезмәткәрләребезне, яраткан әби һәм бабайларыбызны бәйрәм белән котлыйбыз. Саулык-сәламәтлек, тыныч, бәрәкәтле гомер, аяз күк йөзе телибез!

Мәктәбебездә 25 нче сентябрь көнне 3 нче районара “Гариф Ахунов” укулары үткәрелде. Укулар Гариф Ахуновның купкырлы шәхес булуын исәпкә алып, төрле юнәлешләрдә оештырылды. Туган як турында шигырь иҗат итү , Гариф Ахунов иҗаты буенча фәнни- тикшеренү эшләре язу, укытучылар өчен осталык дәресләре күрсәтү юнәлешләренә эшләр кабул ителде. Конференциядә чыгыш ясаучыларның хезмәтен мәртәбәле жюри бәяләде. Халык язучысы Гариф Ахуновның кызы шагыйрә Наилә Ахунова, шагыйрә Гөлара Шәрипова , Арча Мәгариф идарәсенең милли эшләр методисты Энҗе Габдуллаҗановна Мостафина, ветеран укытучы Фәния Шәрипова, Дания Низамова, авыл китапханәчесе Рүзилә Аухадиева укучыларның һәм укытучыларның эшләрен югары бәяләп, аларга Дипломнар һәм истәлекле бүләкләр тапшырды. Конференциядә мәктәбебезнең 6 нчы класс укучысы Фазлиев Ильзат 1 нче урынга, 8 нче класс укучысы Рахимов Фәнзил 2 нче урынга лаек булдылар. Мондый чара киләчәктә дәвамлы булсын, укучыларыбызның иҗат чишмәләре саекмасын.

Танылган Халык язучысы, Габдулла Тукай исемендәге Дәүләт премиясе лауреаты язучы Гариф Ахуновның 99 еллыгы “ Гариф Ахунов исемендәге Казанбаш төп мәктәбе”ндә зурлап билгеләп үтелде. 25 нче сентябрьдә 3 нче районара “Гариф Ахунов” укулары үткәрелде. Бу тантанада язучының кызы- шагыйрә, Татарстан Республикасының атказанган мәдәният хезмәткәре, М.Горький, Саҗидә Сөләйманова исемендәге премияләр лауреаты Наилә Гарифҗан кызы катнашты.Укуларда Арча,Биектау,Балтач районнарыннан,Казан шәһәреннән барлыгы 107 эш кабул ителде. Укучыларның эшләрендә Г.Ахуновның иҗаты киңәйтеп тасвирланды. Укучыларның иҗатын мәртәбәле жюри бәяләде.