Батыр үлә, үлмәс ат алып,

Батырлыклар белән макталып,

Исмең калсын, үзең үлсәң дә,

Тарихларда укып ятларлык.

Бүген татар халкының бөек улы, герой шагыйрь Муса Җәлилнең туган көне. Шул уңайдан мәктәптә шагыйрьне искә алу кичәсе узды.

Әфганстан җиреннән Совет гаскәрләре чыгарылуга 30 ел тулу уңаеннан мәктәп күләмендә әфганчылар белән очрашу үткәрелде. Чара укучыларның чыгышлары белән үрелеп барды. Кунаклар үзләренең истәлекләре белән уртаклаштылар, ә укучылар үз чиратында үзләрен кызыксындырган сорауларын бирделәр.

Хәзерге вакытта грипп белән авыручылар бик күп күзәтелә. Әлеге чорда үзеңне ничек сакларга? Нинди профилактик чаралар күрергә кирәк соң? Әнә шундый сорауларга бүген безнең мәктәп укучылары җавап бирде. 2-9 сыйныфларда "Дөрес туклану", "Гриппка каршы профилактик чарлар" дигән тәрбия сәгатьләре үтте. 

Мәктәптә сәламәтлек, хәрби-патриотика айлыгы бара. Бүген укучыларыбыз турникта тартылу буенча көч сынаштылар.

Д.И.Менделеевка 185 ел тулу уңаеннан мәктәптә 8-9 сыйныфлар арасында "Соңгы элемент" дип аталган интелектуаль уен узды.

Бүген мәктәптә педагог-организатор Рәхимова Рузилә Зөфәр кызы 2019 елда Красноярск шәһәрендә узачак Универсиада турында ачык дәрес күрсәтте. Укучылар Универсиадада булачак спорт төрләре белән таныштылар, кызыклы биремнәр эшләделәр. 

Татарстан Республикасының яшьләр хокукын саклау "Форпост" хәрәкәтенең 20 еллыгы уңаеннан спартакиада ярышлары  уза. Безнең мәктәпнең "Форпост" командасы Лесхоз мәктәбендә үткән зона ярышларында 3 урын алдылар. Котлыйбыз аларны!

Февраль ае сәламәтлек, хәрби-патриотика айлыгы дип игълан ителде. Шул уңайдан безнең мәктәптә дә төрле чарлар үткәрелә. Бүген 8-9 сыйныф укучылары противогаз кию буенча ярыштылар. Бу булачак "Аҗаган" ярышына әзерлек тә булып тора.

Безнең мәктәп укучылары һәрвакыт иҗади конкурсларда катнашып торалар. 4 сыйныф укучысы Латыпов Раил, 5 сыйныф укучыларs Сафина Айгөл һәм Мөхәммәтханова Алинә, 6 сыйныф укучысы Габдрахманова Камилә Россия күләмендә үткәрелгән "Вот моя деревня, вот мой край" дигән фото һәм рәсем конкурсында катнашып, сертификат белән бүләкләнделәр.

Бүген  мәктәбебездә татар халкының бөек драматургы, язучы, XX йөз башы татар әдәбиятын һәм мәдәниятын үстерүгә зур өлеш керткән әдипләребезнең берсе булган Галиәсгар Камалга багышланган тәрбия сәгате үтте. Татар теле һәм әдәбияты укытучысы Габдрахманова Луиза Минһаҗ кызы һәм авыл китапханәчесе Әүхәдиева Рузилә Равил кызы безне әдипнең тормышы һәм иҗат юлы белән таныштырдылар. 6 сыйныф укучылары драматургның иң билгеле әсәрләреннән берсе булган "Беренче театр" драмасыннан өзек күрсәттеләр.